LUKA 16:15 - Jinghpaw Common Language Bible 2009

¹⁵ Yesu gaw, “Nanhte gaw masha ni a man e, tinang a hkum hpe teng man ai masha ni re ngu ai hku mu shangun nga myit dai; rai ti mung, Karai Kasang gaw myit masin ni hpe chye ya nga ai. Hpa majaw nga yang, masha e jahpu shareng nna shagrau ai arai ni gaw Karai Kasang a man e manu n rawng nga ai.

Jinghpaw Hanson Version Bible

¹⁵ Dai rai nna Yesu gaw, “Nanhte gaw masha ni a man e tinang hkum hpe dingman chye shadan ai ni rai myit dai; rai timung, Karai Kasang gaw nanhte a kraw lawng hpe chye ya nga ai: kaning rai nme law, masha e shagrau ai gaw Karai Kasang a man e matsat shabat rai nga ai.

LUKA 16:15 ပူးပေါင်းရင်းမြစ်များ

1 HKAWHKAM LABAU 29:17

Nang gaw masha shagu hte a myit masin hpe chyam dinglik yu nna ding hpring ai myit rawng ai masha ni hpe ra sharawng nga ndai hpe ngai chye nngai. Teng man ding man ai hte ndai arai ni yawng hpe awng sharawng ai myit hte nang hpe ngai jaw ya de ai. Ndai yang e hpawng nga ai na a amyu masha ni mung na a man de hkungga ni sak jaw ai lam gade sha kabu gara nga ma ai hpe ngai mu ni ai.

2 HKAWHKAM LABAU 6:30

shanhte a akyu hpyi ga hpe na ya u. Sumsing lamu na na a nta hta shanhte a ga hpe madat ya nna shanhte a mara dat ya u law. Nang chyu sha shinggyim masha a myit masin kata na myit mang ai lam ni hpe chye ya nga ndai. Langai hte langai tinang galaw ai amu hte maren hkam la shangun mi law;

SHAKAWN KUNGDAWN 10:3

Tara n lang ai masha wa gaw shi a n hkru ai myit marin lam ni hta gumrawng nga nna; lawhpa ai masha wa gaw matsa mawa ga tsun ai hte Madu hpe nyet kau nga ai.

SHAKAWN KUNGDAWN 49:13

Shanhte a hkum ni hpe kam hpa nga ai ni hta hpa byin wa na lam hte shanhte a sut gan ni hta myit dik dum nga ai ni a gam maka hpa rai na re ai hpe yu yu mu.

SHAKAWN KUNGDAWN 49:18

Masha langai wa mi gaw ndai prat hta e, myit dik dum nna, shi awng dang ai amu hta shakawn ai hkrum sha nga tim pyi,

SHAKAWN KUNGDAWN 7:9

Nang gaw ding hpring ai Karai Kasang rai nga ndai rai nna, anhte a myit mang ai lam hte ra sharawng ai lam ni hpe jeyang ya nga ndai. N hkru ai masha ni a tara n lang ai lam hpe jahkring kau nna, mai kaja ai masha ni hpe shagrau kumhpa jaw ya nga ndai.

GA SHAGAWP 16:5

Myit tsaw myit dap re ai masha shagu hpe dai Madu n dawng nga ai; shanhte hpe ari jaw ai kaw nna galoi mung, shi shalawt dat na ra ai n rai.

GA SHAGAWP 20:6

Masha hkum shagu hte gaw, shi gade sadi dung ai hte kangka nga ai hpe tsun shana nga ma ai; teng teng dai zawn re ai wa hpe kadai mu tam lu nga a hka!

GA SHAGAWP 21:2

Nang galaw ai amu lam magup, teng man nga ai nga nna nang myit la mai nga ai; dai Madu gaw na a maw mawn ai myit hpe jep yu nga ai lam, myit dum u.

YEREMIA 17:10

Ngai Madu nan masha a myit mang ai lam ni hpe sawk tam yu nna shinggyim masha ni a myit masin ni hpe chyam dinglik yu nga nngai. Langai hte langai hpe tinang a arawn alai hte tinang galaw ai amu hte maren, ngai shabrai jaw na nngai,” ngu nna tsun ai.

MALAHKI 3:15

Dai hpe anhte mu ai hte maren nga yang, gumrawng gumtawng ai ni gaw kabu gara ai ni rai ma ai. N hkru ai ni gaw ngamu ngamai wa ai sha n-ga, shanhte a n hkru ai arawn alai ni hte Karai Kasang a hkam sharang ai hpe shanhte chyam yu ai hte lawt lu nga ai,’” ngu nna tsun manit dai.

MAHTE 23:5

Shanhte galaw ai amu bungli mahkra hpe, masha ni mu lu mu ga, nga nna galaw ma ai. Shanhte a lahtan ni hte lata lahpum ni hta chyum ga ka shakap tawn ai lakhpoi pa kaba kaba galaw la nna hkawn shakap tawn nga ma ai hpe yu mu! Shanhte a palawng kaba ni hta banbyau ni hpe mung galu lu di nna myin jahkram chywi hpun ma ai.

MAHTE 6:16

“Nanhte lusha gam myit yang, sawt ai masha ni zawn yawn kanyung ai myi man nsam hkum shapraw myit. Shanhte gaw tinang lusha gam nga ai lam shadan dan mayu nna, shanhte a myi man hpe jasum ma ai. Nanhte hpe ngai teng teng tsun made ga, shanhte tinang a shabrai yawng lu la manu ai.

MAHTE 6:2

“Dai rai nna ra kadawn nga ai masha langai mi hpe lama ma alu jaw n-yang gaw, masha ni zawn, tara jawng ni hte lam hkan e tinang hkum dan dawng hkra pahtau hkum dum myit. Ngai nanhte hpe teng teng tsun made ga, shanhte gaw tinang a shabrai yawng lu la manu ai,

MAHTE 6:5

Nanhte akyu hpyi myit yang, sawt ai masha ni zawn hkum rai myit! Shanhte gaw masha shagu shanhte hpe mu lu mu ga, tara jawng ni hta, mare lam mashe ni hta tsap nga nna akyu hpyi nga na tsaw nga ma ai. Nanhte hpe ngai teng teng tsun made ai gaw, shanhte tinang a shabrai lu la manu ai.

LUKA 10:29

Rai ti mung, dai tara sara wa gaw, shi a ding hpring ai lam shapraw dan mayu ai majaw, “Nye a htingbu wa gaw kadai wa rai na a ta?,” ngu nna Yesu hpe san wu ai.

LUKA 11:39

Dai rai nna, Madu gaw, “Nanhte Hparishe ni gaw, nanhte a gawm hte ban hpe shinggan maga de sha kashin jasan nga myit dai, rai ti mung, nanhte a kata maga de gaw, kashun kashe re ai, nammak lawhpa mya lu mya sha ai myit, n hkru n shawp ai myit hte hpring chyat nga malit dai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.

LUKA 18:14

Ngai nanhte hpe tsun made ga, Hparishe n re ai sha kang hta ai wa gaw Karai Kasang a man e, jaw ai hku galaw nna nta de wa lu nu ai. Hpa majaw nga yang, tinang hkum hpe shagrau ai wa kadai mung shagrit kau ai hkrum nna, tinang hkum hpe shagrit ai chyawm gaw shagrau ai hkrum na ra ai,” ngu mu ai.

LUKA 18:21

Dai wa gaw, “Dai ni yawng mayawng hpe ngai naw kaji ai ten kaw nna hkan se ai,” ngu wu ai.

LUKA 18:9

Tinang hkum hpe kaja dum nna masha kaga kadai hpe mung hpa n nawn ai masha nkau mi hpe, ndai ga shadawn hte mung shi tsun mu ai.

LUKA 20:20

Dai majaw shanhte gaw ahkaw ahkang ginjang langai mi tam ma ai. Shanhte gaw madu a ga hta mara tam nhtawm, Madu hpe ahkang aya atsam lu ai Roma munggyi a lata de ap kau lu na matu ding man hpyi hpun masu ai kin-yu masha ni hpe mayun kumhpa jaw nna Madu hpang de shangun dat ma ai.

LUKA 20:47

gaida gaina ni a dum nta arung arai ni hpe mya lu mya sha nna, hpyi hpun ai hte galu galang akyu hpyi ma ai! Shanhte hkam la na ari gaw laja lana sawng ai hkrai rai na mara ai,” ngu wu ai.

YAWHAN 2:25

Madu shi nan masha kraw lawang na myit masin a maw mawn ai lam ni hpe chye ya nga ai majaw, shanhte a lam masha gade e me shi hpe tsun dan ra ai n rai.

YAWHAN 21:17

Bai masum lang ngu na Yesu gaw, “Yawhan a kasha Simun e, nang ngai hpe tsaw ra nga n ni?,” ngu nna shi hpe san wu ai majaw, Petru myit yawn nna, “Madu e, nang gaw yawng mayawng hpe chye nga ndai ngai nang hpe tsaw ra nga nngai gaw, nang chye nga ndai!,” ngu nna htan wu ai. Yesu gaw, “Nye a sagu ni hpe bau rem nga u.

KASA 1:18

(Yuda gaw tinang a n hkru n shawp ai amu hte lu la ai gumhpraw hte ga dachyawk langai mi mari la nhtawm, dai ga hta nhtang chyaw di hkrat si mat ai hte shi a kan kapaw ga nna pu kan ni yawng ayai mat salu ai.

KASA 1:24

Dai hpang shanhte gaw, “Madu e, nang gaw yawng mayawng a myit masin hpe chye ya nga ndai. Yuda gaw shi hte seng ai kasa aya hpe kau tawn da nu ai.

KASA 15:8

Masha shagu a kraw lawang na myit ai lam ni hpe chye ya lu ai Karai Kasang gaw anhte hpe Chyoi Pra ai Wenyi jaw mi ai hte maren maigan masha ni hpe mung jaw ai hte shanhte hpe sharawng awng hkap la ai lam madun mu ai.

ROMA 3:20

Hpa majaw nga yang, dai jep ai Tara a hkang da ai lam ni hpe hkan shatup shadik ai hte kadai mung Karai Kasang a man e ding hpring wa lu ai n rai; Dai jep ai Tara e galaw ai amu gaw, masha gaw yubak mara galaw nu ai ngu ai hpe chye shangun na matu rai nga ai.

ROMA 8:27

Anhte a kraw lawang ni hpe sawk yu nna mu chye ya nga ai Karai Kasang chyawm gaw Wenyi a myit hpa rai nga ai gaw chye ya nga ai; hpa majaw nga yang, dai Wenyi gaw Karai Kasang myit ra ai lam hte maren shi a amyu masha ni a matu mara Karai Kasang kaw hpyi htinglu ya nga ai.

1 KORINHTU 4:5

Dai re ai majaw, aten hkrak garai n du yang, kadai hpe mung hkum jeyang myit. Hpang jahtum na jeyang daw dan ai lam hpe, dai Madu bai du sa ai nhtoi shani du hkra la nga lu na rai nga ai; Shi gaw nsin hta makoi magap da ai nga manga hte hpe mung, masha a myit kraw lawang kata hta makoi magap da ai myit mang yaw shada ai lam ni hpe mung, shapraw shadan dan na ra ai. Dai shaloi e langai hte langai gaw tinang hte ging dan ai hte maren Karai Kasang kaw na shakawn shagrau ai hpe hkam la na ra ai.

1 PETRU 3:4

Shing rai na malai, nanhte a tsawm htap ai ngu ai hta dai teng man ai myi hte n mu lu ai kata asak hkrung lam si mani nna galoi mung amu asim sha re ai myit ngu ai asak kaji kaba hte n seng ai tsawm htap ai lam rawng ra nga ai. Dai tsawm htap ai lam gaw Karai Kasang a man e hpu ging dik ai lam rai nga ai.

1 PETRU 5:5

Dai hte maren, Brang ram ni e, asak kaba sai myit su ni a npu e taw nga lu na rai myit dai. Nanhte shada da daw jau na matu, nanhte yawng mayawng shagrit shanem ngu ai lawngsap bu hpun dagraw da nga mu; hpa majaw nga yang, Chyum Laika hta, “Karai Kasang gaw gumrawng gumtawng ai ni hpe mung hkap shadang nga ai rai ti mung, myit shagrit shanem ai ni hpe chyeju jaw nna myi man pa shangun da mu ai,” ngu nna tsun nga ai.

SHINGRAN 2:23

Shi a hpang hkan nang ai ni hpe mung ngai sat kau na mawe ai. Dai shaloi ngai gaw, masha shagu a myit mang ai lam ni hte maw mawn ai lam ni hpe yawng chye ya ai Madu ngai rai nga nngai gaw, hpung ni chye lu na mara ai. Nanhte hta na langai hte langai hpe, tinang galaw sai amu hte maren ngai htang jaw na made ai.

1 SAMUELA 16:7

Rai ti mung, dai Madu gaw shi hpe, “Shi gaw kade wa mi hkum shingyan galu nna ahpraw tsawm htap nga wu ti mung, myit hkum shang sha et, ngai gaw masha e daw dan masat ai zawn n daw dan ai majaw, ngai shi hpe n la nngai. Masha gaw shinggan ahpraw asam hpe sha yu chye nga ai; rai ti mung ngai chyawm gaw myit masin hpe she yu nngai,” ngu nna tsun wu ai.