LUKA 16:14 - Jinghpaw Common Language Bible 2009

¹⁴ Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

Jinghpaw Hanson Version Bible

¹⁴ Dai ga mahkra hpe, gumhpraw marin ai Hparishe ni na ma ai rai nna, shi hpe asawng asang ngu mu ai.

LUKA 16:14 ပူးပေါင်းရင်းမြစ်များ

SHAKAWN KUNGDAWN 119:51

Gumrawng gumtawng ai ni ngai hpe tut nawng e, jahpoi asawng nga ma ti mung; na a tara hpe ngai n kau da na nngai.

ESAIA 53:3

Anhte shi hpe n kaw n law di ga ai, shi hpe ningdang kau ga ai; shi gaw nni nkri hte nchyi nmu hpe hkam sha nga ai. Kadai mung shi hpe pyi n yu mada nga ai- anhte gaw shi hpe hpa n re ai wa hpe zawn nawn kau ga ai.

ESAIA 56:11

Shanhte gaw galoi mung kan n hkru ai lawhpa gwi ni zawn rai ma ai. Ndai ningbaw ni gaw chye na hkawn hkrang ai nyan hpa mung n rawng ma ai. Shanhte awng sharawng ai hte shanhte a akyu mu tam ai shaloi sha, shanhte langai hte langai galaw ma ai.

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

YEREMIA 8:10

Dai re ai majaw, ngai gaw shanhte a yi hkauna ni hpe madu nnan ni a lata de jaw kau na we ai; shanhte a madu jan ni hpe mung kaga masha ni a lata de ap kau na we ai. Masha kaji kaba yawng hte gaw n ding n man ai hku gumhpraw tam shakut ma ai. Myihtoi ni hte hkinjawng ni pyi amyu masha ni hpe masu hkalem nga ma ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 9:24

Shi gaw, “Yawng yen mu! Dai numsha ma gaw yup pyaw nga ai sha rai nga ai,” ngu mu ai. Shaloi shanhte yawng shi hpe mani asawng kau ma ai.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 20:47

gaida gaina ni a dum nta arung arai ni hpe mya lu mya sha nna, hpyi hpun ai hte galu galang akyu hpyi ma ai! Shanhte hkam la na ari gaw laja lana sawng ai hkrai rai na mara ai,” ngu wu ai.

LUKA 23:35

Shawa masha ni gaw mada yu let tsap nga ma yang, Yuda agyi salang ni gaw mani jahpoi asawng let, “Masha kaga ni hpe shi hkye la ga ai; Karai Kasang e lata la ai Meshia shi nan rai yang mung, shi hkum shi hkye la u ga,”

LUKA 8:53

Ma gaw si mat sai hpe shanhte chye ma ai majaw, shi hpe asawng asang ngu nna mani kau mu ai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

HEBRE 11:36

Nkau mi gaw asawng asang anu kayat di nna gyit hkang sharen ai hte htawng hta bang da ai hkrum ma ai.