LUKA 15:30 - Jinghpaw Common Language Bible 2009

³⁰ Shawa num ni hte kanawn nna, na a sut rai ginlut shamat kau ai ndai na nsha wa bai wa jang chyawm gaw, kawn tawn ai dumsu kasha, shi a matu nang sat nit hka!,’ ngu nna shi a kawa hpe htan wu ai.

Jinghpaw Hanson Version Bible

³⁰ shawa num ni hte kanawn nna, na a sutrai ginlut shamat kau ai ndai na nsha wa bai wa jang chyawm gaw, kawn tawn ai dumsu kasha, shi a matu nang sat nit hka,” ngu nna shi a kawa hpe htan wu ai.

LUKA 15:30 ပူးပေါင်းရင်းမြစ်များ

PRU MAT 32:11

Rai ti mung, Mawshe mahtang dai Madu shi a Karai Kasang hpe, “Madu e, chyalai n-gun kaba, daru magam n-gun hte Egutu mung kaw na nang hkrang shaw wa ai na a amyu masha ni hpe hpa majaw masin grai pawt nga n ta?

PRU MAT 32:7

Dai Madu gaw Mawshe hpe, “Egutu mung kaw na nang woi wa ai na a amyu masha ni yubak galaw nna ngai hpe nyet kau masai majaw tin tin nhtang yu wa su.

GA SHAGAWP 29:3

Hpaji byeng-ya hpe nang manu shadan ai rai yang, na a nwa na a majaw kabu gumrawng lu na ra ai. Shawa num ni hta jai kau ai gumhpraw gaw, angawk ai amu rai nga ai.

MARKU 12:44

Hpa majaw nga yang, kaga ni gaw tinang a n taw n tsang lu ai hta na jan ai hpe bang da ma ai; shi chyawm gaw shi a matsan mayan re ai hta na lu malu mahkra hpe, rai sa, shi a nsa bau na arai yawng mayawng hpe bang kau nu ai,” ngu mu ai.

LUKA 15:29

Rai ti mung shi gaw, ‘Yu u, nde nlaw ning tup mayam langai mi zawn na a amu galaw ya ni ai; na a hkang ai ga ni hpe ngai galoi n lale ga nngai; rai ti mung, nye a kanawn manang ni hte pyaw poi sha na matu bainam kasha langai mi pyi nang ngai hpe galoi n jaw ndai.

LUKA 15:31

Kawa gaw, ‘Ngai sha e, nang gaw, ngai hte rau anga nga ndai, nye a sut rai nga manga gaw, na a hkrai rai nga ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 18:11

“Hparishe wa gaw shi hkrai kaga hkran rai tsap nna, ‘Karai Kasang e, ngai gaw hpya lu hpya sha ai, nammak lawhpa ai, n ding n man ai, num shut num shaw re ai masha gale ni hte n bung nngai majaw, ngai nang hpe chyeju dum nngai. Wora kang hta ai wa zawn mung n rai nngai majaw nang hpe chyeju dum nngai.