LUKA 15:3 - Jinghpaw Common Language Bible 2009

³ Dai majaw Yesu gaw, shanhte hpe ndai ga shadawn hte tsun mu ai gaw,

Jinghpaw Hanson Version Bible

³ Shaloi dai ni hpe ndai ga shadawn shi tsun mu ai gaw,

LUKA 15:3 ပူးပေါင်းရင်းမြစ်များ

ESAIA 53:6

Anhte yawng gaw sagu ni zawn lam dam mat saga ai, anhte langai hte langai tinang lam hkan mat saga ai. Rai ti mung dai Madu gaw anhte yawng hkam la ging ai ari hpe shi a ntsa e mara da shangun nga nu ai.

ESAIA 65:19

Yerusalem hte dai hta nga ai amyu masha ni a majaw, ngai hkum nan kabu gara ai hte hpring nga na nngai. Dai mare hta hkrap ngu hkrap ngoi nga na n rai, karum la na matu saw shaga ai nsen na lu na n rai.

MAHTE 10:6

Shing rai na malai, Israela amyu hta na dam mat ai sagu ni kaw she shawng sa mu.

MAHTE 13:3

Shaloi, lam law law hpe ga shadawn ni hte shi shanhte hpe tsun mu ai gaw, “Kalang mi na masha langai mi gaw, nli gat na matu pru sa wa ai.

MAHTE 9:13

Dai rai nna, ‘Dusat hkungga jaw ai lam n rai, matsan dum ai lam sha ngai tsaw nga nngai,’ nga ai chyum ga a lachyum hpe chye lu myit ga, sa hkan tam sharin la mu; hpa majaw nga yang, ding hpring ai ni hpe shaga na matu n rai, yubak kap ai ni hpe shaga na matu she ngai sa du ring ngai,” ngu mu ai.

LUKA 15:2

Hparishe ni mung, Tara sara ni mung, “Ndai wa gaw Yubak kap ai ni hpe hkap la nna, shanhte hte rau lu, rau sha nga ai!,” nga nna aput angun nga ma ai.

LUKA 15:4

“Nanhte hta marai langai mi sagu latsa lu ai hta na langai mi mat mat yang, shi hpa galaw a ta? Shi gaw, jahku shi jahku hpe wudat shara e tawn kau da nhtawm, mat mat ai sagu hpe n mu yang mu hkra hkan tam nga ai.

YAWHAN 21:16

Bai lahkawng lang ngu na, “Yawhan a kasha Simun e, Nang ngai hpe tsaw ra nga n ni?,” ngu nna shi hpe san wu ai. Shi gaw, rai sa, Madu e ngai nang hpe tsaw ra nga nngai gaw nang chye nga ndai,” ngu nna bai htan wu ai. Yesu gaw, “Nye a sagu ni hpe bau rem nga u,” ngu wu ai.

KASA 21:20

Shing nga tsun dan ai hpe na jang shanhte yawng Karai Kasang hpe shagrau sha-a ma ai. Dai hpang shanhte gaw Pawlu hpe, “Hpu wa e Yuda masha ni hta na kam sham ai ni gade hkying mun law nga ma ai lam, shanhte yawng dai jep ai Tara hta myit jung ai hkrai rai nga ma ai lam nang chye nga ndai.