LUKA 15:25 - Jinghpaw Common Language Bible 2009

²⁵ “Dai ten hta kasha kaba wa gaw yi de du nga ai. Dai de na wa nna nta du wa magang yang, chying bau dum ai hte ka manawt ai nsen na wu ai.

Jinghpaw Hanson Version Bible

²⁵ Shing rai shanhte pyaw pyaw rai nga ma ai. Kasha kaba wa chyawm gaw yi e nga nga ai; dai de na wa nna nta du magang yang, chying bau dum ai hte ka manau ai nsen na wu ai;

LUKA 15:25 ပူးပေါင်းရင်းမြစ်များ

2 SAMUELA 6:14

Dawi mung shi a nshang grup hta sha, lachyit sumpan hpun da nna dai Madu hpe shagrau sha-a na nga shi a n-gun lagaw mahkra hte ka manawt nga ai.

SHAKAWN KUNGDAWN 126:1

Dai Madu anhte hpe Yerusalem mare de bai woi nhtang wa ai shaloi; dai gaw yup mang zawn rai nga ai!

SHAKAWN KUNGDAWN 149:3

Shi a mying nsang hpe ka manawt let shakawn mu; chying bau ni hte tingse ni hpe dum nna shi hpe shakawn mu.

SHAKAWN KUNGDAWN 150:4

Chying bau dum ai hte ka manawt let, shi hpe shakawn kungdawn mu. Tingse ni hte sumpyi ni hpe dum let shi hpe shakawn kungdawn mu.

SHAKAWN KUNGDAWN 30:11

Nang gaw nye a yawn hkyen ai hpe kabu gara ka gumlawt ai hte galai ya nit dai; nye a myit yawn ai lam hpe nang la kau ya nna, kabu gara ai hte ngai hpe shinggrup da ya nit dai.

PRU MAT 15:20

Arun a kana, myihtoi num Miriam gaw shi a chying la nna, numsha ni yawng mung shi a hpang hkan let chying ni hpe dum nhtawm ka ma ai.

HPAJI NINGLI 3:4

Shi gaw yawn hkyen ai aten hte kabu gara ai aten hpe mung, hkrap ngu hkrap ngoi ai aten hte ka manawt ai aten hpe mung,

YEREMIA 31:4

Ngai gaw nanhte hpe kalang mi bai de da na mawe ai. Nanhte gaw kalang mi bai chying bau ni dum let kabu gara ai hte ka manawt lu na rai myit dai.

LUKA 15:24

Hpa majaw nga yang, ndai ngai sha gaw si mat sai; ya bai hkrung sali ai; mat mat sai hpe ya bai mu la se ai,’ ngu mu ai. Shing rai lusha poi galaw hpang nna pyaw pyaw rai nga ma ai.

LUKA 15:26

Shing rai shi gaw shangun ma ni hta na langai mi hpe shaga la nna, ‘Dai kaning re ai rai nga a ta?,’ ngu nna san yu wu ai.

LUKA 7:32

Shanhte gaw, gat hkan e dung nga ai ma ni hte bung nga ma ai. Dai ma ni hta na hpung mi gaw kaga hpung mi hpe jahtau gintan nna tsun ai gaw, ‘Anhte gaw nanhte a matu, hkungran poi galaw chyai ai hku mahkawn sumpyi dum ya timung, nanhte n ka myit dai! Anhte makoi mayang poi galaw chyai ai hku yawn hkyen mahkawn, mahkawn ya timung, nanhte n hkrap myit dai!’