LUKA 15:24 - Jinghpaw Common Language Bible 2009

²⁴ Hpa majaw nga yang, ndai ngai sha gaw si mat sai; ya bai hkrung sali ai; mat mat sai hpe ya bai mu la se ai,’ ngu mu ai. Shing rai lusha poi galaw hpang nna pyaw pyaw rai nga ma ai.

Jinghpaw Hanson Version Bible

²⁴ hpa majaw nga yang, ndai ngai sha gaw si mat sai, ya bai hkrung sali ai; mat mat sai mung, ya bai mu la se ai,” ngu mu ai.

LUKA 15:24 ပူးပေါင်းရင်းမြစ်များ

NINGPAWT NINGHPANG 45:28

Shi gaw, “Ngai sha Yosep gaw naw hkrung nga a hka! Ndai lam yawng hpe ngai san sagawn lu ni ai! Ngai garai n si yang, shi hpe sa jahkrum na matu yu sa na we ai,” ngu nna tsun wu ai.

ESAIA 35:10

Shanhte gaw kabu gara ai hte Yerusalem de du wa na mara ai, mahkawn mangoi ai hte kabu gara jahtau na mara ai. Shanhte gaw htani htana kabu gara na mara ai, yawn hkyen ai hte sharung shayawt ai kaw na htani htana lawt wa na mara ai.

ESAIA 66:11

Ma gaw shi kanu a lahpyen hta rawng ai zawn, nang mung shi a ngamu ngamai lam hta kabu lu na rai ndai.

EZEKELA 34:16

“Ngai gaw mat mat sai ni hpe hkan tam na nngai, dam hkawm mat ai ni hpe mung woi nhtang wa na nngai; ningma machyi ai sagu ni hpe mung ahkyen kayawp ya na nngai, machyi ai ni hpe mung shamai ya na nngai; rai ti mung hpum sau ai ni hte n-gun ja ai ni hpe chyawm gaw ngai jahten kau na nngai, hpa majaw nga yang, ngai gaw teng man ai hte maren galaw ai sagu rem wa rai nga nngai.

EZEKELA 34:4

Gawng kya ai sagu ni hpe pyi nanhte lanu lahku nga myit dai n rai; machyi hkrum ai wa hpe mung tsi shamai ya nga ai n rai, ningma kap ai sagu hpe ahkyen kayawp ai n rai, dam mat wa ai sagu hpe mung bai woi la ai n rai, mat mat sai sagu hpe mung tam la nga myit dai n rai. Shing rai hkan galaw na malai, nanhte gaw shanhte hpe myit ja ai hte adip arip di reng nga myit dai.

MAHTE 8:22

Yesu gaw, “Ngai kaw hkan nang rit, masha chyasi ni gaw shanhte a chyasi ni hpe lup makoi mu ga,” ngu wu ai.

MARKU 8:22

Yesu hte sape ni Betsaida de du ma ai. Dai yang e myi kyaw ai masha langai mi hpe masha nkau mi shi hpang de woi sa nna, shi hpe ahtawk ya na hpyi da mu ai.

LUKA 10:19

Yu mu! Lapu hte n-gaw gawk ni hpe kabye lu na hte, gumlau a atsam yawng hpe dang lu na ahkang, ngai nanhte hpe jaw made ai rai nna, hpa mung nanhte hpe hkra lu na n rai.

LUKA 15:23

kawn tawn ai dumsu kasha mung sat mu, shing rai anhte kabu gara ai hte lusha poi galaw nna lu sha nga ga!

LUKA 15:25

“Dai ten hta kasha kaba wa gaw yi de du nga ai. Dai de na wa nna nta du wa magang yang, chying bau dum ai hte ka manawt ai nsen na wu ai.

LUKA 15:32

Rai ti mung, anhte poi galaw nna pyaw pyaw rai kabu gara mai nga ai, hpa majaw nga yang, ndai na nnau wa gaw si mat sai, ya bai hkrung ra ai, mat mat sai mung, ya bai mu la saga ai,’ ngu nna shi hpe nem wu ai,” ngu mu ai.

LUKA 15:4

“Nanhte hta marai langai mi sagu latsa lu ai hta na langai mi mat mat yang, shi hpa galaw a ta? Shi gaw, jahku shi jahku hpe wudat shara e tawn kau da nhtawm, mat mat ai sagu hpe n mu yang mu hkra hkan tam nga ai.

LUKA 19:10

Masha Kasha gaw mat mat ai ni hpe hkan tam nna hkye hkrang la na du sa ai rai nga ai,” ngu nna Zake hpe tsun wu ai.

LUKA 9:60

Yesu gaw, “Masha jasi ni gaw tinang a jasi ni hpe makoi mu ga, nang gaw Karai Kasang a Mungdan lam sa hkaw dan su,” ngu nna htan wu ai.

YAWHAN 11:25

Yesu gaw, “Ngai gaw bai hkrung rawt ai lam hte asak hkrung ai lam rai nga nngai. Ngai hpe kam sham ai wa kadai mung, shi si mat ti mung, ahkrung nga na ra ai.

YAWHAN 5:21

Kawa gaw si ai ni hpe jahkrung sharawt la nna asak jahkrung ya ai zawn Kasha wa mung shi ra ai ni hpe asak jahkrung ya wu ai.

ROMA 11:15

Hpa majaw nga yang nye a amyu masha ni hpe Karai Kasang kabai kau ai shaloi masha amyu ni hpe Karai Kasang a hpyen ni tai nga ai kaw na shi a jinghku ni tai wa hkra, htinglu htinglai ya ai lam byin wa sai. Dai rai nna shanhte hkap la ai bai hkrum yang, hpa byin wa na rai ta? Dai gaw si ai ni kaw na bai hkrung rawt ai asak rai na ra ai.

ROMA 12:15

Kabu gara re ai ni hte rau kabu gara nga mu, hkrap ngu hkrap ngoi re ai ni hte rau hkrap ngu hkrap ngoi nga mu.

ROMA 6:11

Dai hte maren yubak mara hte seng nna tsun ga nga yang nanhte gaw nanhte a hkum hpe si mat ai ni zawn myit nawn da ra myit dai. Rai ti mung nanhte gaw Yesu Hkristu hta e Karai Kasang hte kanawn mazum asak hkrung nga lu manit dai.

ROMA 6:13

Dai hta n-ga nanhte a hkum hkrang daw shan hpe mung n hkru n shawp ai hta asung jashawn na matu yubak hpe hkum ap ya myit. Shing rai na malai nanhte si ai kaw na hkrung rawt ai n re ai hku nna mung, ding hpring mai kaja ai lam ni hta jai lang hkam na matu mung tinang hkum hkrang hpe Karai Kasang kaw sak ya mu.

ROMA 8:2

Hpa majaw nga yang Hkristu Yesu hte rau langai sha tai shangun ai asak jahkrung ya ai Wenyi hte seng ai tara gaw yubak a tara hta na mung si mat ai tara hta na mung ngai hpe shalawt dat ni ai.

1 KORINHTU 12:26

Shing rai daw shan langai mi nji nmu hkrum yang, daw shan kaga ni yawng mung, dai hte rau machyi hkrum ma ai. Daw shan langai mi shakawn shagrau ai hkrum yang, daw shan kaga ni yawng mung rau kabu gara nga ma ai.

EHPESU 2:1

Lai wa sai ten hta nanhte gaw, nanhte a n madat n mara ai tawt lai ai bungli hte yubak mara ni a majaw Wenyi lam hta chyasi rai nga myit dai.

EHPESU 2:5

anhte a n madat mara nna tawt lai ai lam a majaw wenyi hta chyasi naw rai nga ai ni hpe Hkristu hta asak bai jahkrung dat mi ai. Dai gaw Karai Kasang a chyeju hte sha nanhte hkye hkrang la hkrum manit dai rai nga ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.

KOLOSE 2:13

Nanhte gaw moi shawng de yubak galaw ai ni rai nga myit dai majaw mung, Yuda masha n rai nna tara kata ai hte matu gadoi n hkam ai maigan masha ni rai nga myit dai majaw mung, Wenyi lam hta masha chyasi rai nga myit dai. Rai ti mung ya gaw Karai Kasang nanhte hpe Hkristu hte rau asak bai jahkrung ya manit dai. Karai Kasang gaw anhte a yubak yawng mayawng hte hpe raw dat kau ya sai.

1 TIMOHTI 5:6

Rai ti mung arawn alai hten nna pyaw hpa lam sha tam ai gaida jan chyawm gaw, shi naw hkrung nga ninglen chyasi rai nga ai.

YUDA 1:12

Shanhte gaw kaya kahpa n chye hkra garu kachyi nga nna lu sha nga ma ai majaw, shanhte a kanawn mazum ai lu sha hpawng gaw matsat shabat ginra zawn rai nga ai. Shanhte gaw shanhte a akyu hpe sha tam ma ai; shanhte gaw marang n lawm ai nbung e shapoi hkawm ai sumwi ni hte mung, nshung shang wa mahka du wa tim asi n si nna ru hte hpawn gang baw tawn ai hte tsep kawp si mat ai hpun hte mung bung ma ai.

SHINGRAN 3:1

“Bai Sardi mare na hpung a lamu kasa hpe ning ngu ka dat u: “Ndai gaw, Karai Kasang a Wenyi sanit hte shagan sanit lang da ai wa kaw na mungga rai nga ai. Nang galaw ai amu hpe ngai chye nga nngai. Nang gaw asak hkrung shamu shamawt nga ai ngu nna, kajai gumhkawng nga timung, nang chyasi rai nga ndai.