LUKA 15:22 - Jinghpaw Common Language Bible 2009

²² Rai ti mung kawa gaw, shi a shangun ma ni hpe shaga nna, ‘Reng htum ai hpun palawng alawan la sa nna shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru,

Jinghpaw Hanson Version Bible

²² Kawa chyawm gaw shi a mayam ni hpe, “Reng htum ai hpun palawng alawan la sa nna, shi hpe jahpun ya maru; shi a lata hta lachyawp chyawp ya maru; lagaw hta kyepdin din ya maru;

LUKA 15:22 ပူးပေါင်းရင်းမြစ်များ

NINGPAWT NINGHPANG 41:42

Hkawhkam wa mung hkawhkam dazik tawk ka da ai lachyawp hpe shi a lata hta chyawp ya wu ai. Dai hta kaga, reng ai lachyit palawng galu hpe mung jahpun ya nhtawm shi a du hta ja saidawng mung gali ya wu ai.

ESHTA 3:10

Hkawhkam wa ndau shabra ai lam tai na matu dazik dawk shakap yang lang ai shi a lachyawp raw la nna Yuda masha ni a gumlau hpyen rai nga ai Agag amyu matu na Hamedahta a kasha Haman hpe jaw wu ai.

ESHTA 8:2

Hkawhkam wa mung shi a dazik dawk shakap da ai lachyawp hpe raw la nna (Haman kaw na bai la ai) Mordehkai hpe jaw ya wu ai. Eshta mung Mordehkai hpe Haman a sut gan hpareng ya na matu san tawn wu ai.

SHAKAWN KUNGDAWN 132:16

Dai mare na hkinjawng ni galaw ai lam shagu hpe mung, ngai shaman ya na nngai; shing rai, dai mare na amyu masha ni mahkawn mangoi ai hte kabu gara jahtau garu wa na mara ai.

SHAKAWN KUNGDAWN 132:9

Na a hkinjawng ni gaw teng man ai lam hpe tut nawng hkan galaw nga mu ga; na a amyu masha ni mung kabu gara jahtau garu nga mu ga!

SHAKAWN KUNGDAWN 18:33

Shan nga lagaw gaw ngang ai zawn, shi gaw ngai hpe shangang ya nna; bum ni a ntsa e, ngai hpe shi bau sin makawp maga ya nga ai.

SHAKAWN KUNGDAWN 45:13

Hkawhkam shayi sha gaw hkawhkam htingnu kata hta nga nga ai-shi gaw kade wa tsawm htap nga a hka! Shi a palawng galu ni hpe ja ri hte da da nga ai.

Shawlumon A Mahkawn Ga 7:1

Nang gaw mauhpa numsha she rai nga n hka! Na a lagaw hta kyepdin din da ai gaw kade sha tsawm htap nga lit hka! Wang wang re ai na a magyi ni gaw sumla soi sara wa a amu zawn rai nga ai.

ESAIA 61:10

Dai Madu galaw sai amu a majaw Yerusalem gaw kabu gara nga ai. Yerusalem gaw hkungran poi a matu mawn sumli da ai num nnan hte bung nga ai. Karai Kasang gaw hkye hkrang la ai hte awng dang ai lam hte hpun da nga nu ai.

LUKA 15:21

Shaloi kasha wa gaw, ‘Wa e, Karai Kasang hpe mung, nang hpe mung, ngai shut ni ai. Ya kaw nna na nsha ngu na ngai n ging n dan nngai,’ ngu nna kawa hpe tsun nem wu ai.

LUKA 15:23

kawn tawn ai dumsu kasha mung sat mu, shing rai anhte kabu gara ai hte lusha poi galaw nna lu sha nga ga!

ROMA 13:14

Dai hta n ga Madu Yesu Hkristu hpe hpyen hking zawn bu hpun dagraw nga mu; hkum shan a myit marin ai hta myit lawm myit shadik la ai lam ni hpe jahkring kau mu.

ROMA 3:22

Yesu Hkristu hpe kam sham ai a marang e masha gaw Karai Kasang a man e ding hpring wa lu ai. Karai kasang gaw Yesu hpe kam sham ai ni yawng hpe ding hpring wa shangun sai. Hpa majaw nga yang lachyen lahka ai lam hpa mung n nga ai.

ROMA 8:15

Hpa majaw nga yang Karai Kasang nanhte hpe jaw ya ai Wenyi gaw nanhte hpe mayam shatai myit dai n rai, hkrit myit mung rawng shangun myit dai n rai, shing rai na malai dai Wenyi gaw nanhte hpe Karai Kasang a kashu kasha tai shangun manit dai hta n ga, dai Wenyi a n-gun atsam hte shi hpe Wa e! Nye a Wa e! ngu nna nanhte gang shaga lu na ahkang lu nga ai.

GALATI 3:27

Nanhte gaw Hkristu hte langai sha tai na matu hkalup hkam la manit dai rai nna Hkristu hpe bu hpun sumraw nga myit dai.

EHPESU 6:15

Ngwi pyaw ai Kabu Gara Shiga hpe tsun shana na matu jin jin rai nga u ga, lagaw hta hkyepdin din let lahpran tsap nga mu.

TARA JAHPRANG 33:25

Shi a mare ni hpri chyinghka hte makawp maga da na rai wu ai; Shi gaw prat dingsa shim lum ai hte nga lu na rai wu ai.”

SHINGRAN 19:8

hpraw tu nna san seng ai lachyit hpun nba hte tinang hkum hpe mawn sumli na ahkang shi lu da nu ai.” (Dai lachyit hpun nba gaw, Karai Kasang a masha ni a kaja ai arawn alai, amu bungli hpe ngu ai rai nga ai.)

SHINGRAN 2:17

“Wenyi gaw hpung ni hpe kaning nga tsun ai gaw, na tu ai wa gaw na la u ga! “Awng padang lu ai ni hpe, makoi da ai manna muk nkau mi hpe mung, shanhte langai hkrai hpe ahpraw n san ai lungdin hpe mung, ngai jaw na nngai. Dai lungdin hta ka da ai mying ningnan hpe chyawm gaw, lungdin lu la ai wa hta kaga kadai mung n chye ya lu ai.

SHINGRAN 3:18

Dai re ai majaw, nang sut su n ga, wan hta jen kau sai ja jet hpe mung, na a singgu krin re ai kaya kahpa masha a man e n dawng lit ga magap ya na matu, nang lawai na hpraw ai hpun palawng ni hpe mung, na myi mu lit ga chya na matu tsi mung, ngai kaw na mari la na matu, ngai nang hpe hpaji daw ya de ai.

SHINGRAN 6:11

Shanhte langai hte langai hpe hpraw ai hpun palawng jahpun nna, tinang ni hpe zawn sat kau hkrum na mara ai magam gun manang ni hte Hkristan hpu nau ni a jahpan wa hpring ai nhtoi du hkra, chyahkring mi naw la nga na matu shanhte hpe htet da mu ai.

SHINGRAN 7:9

Dai hpang ngai yu dat yang, dai masha ni yawng mayawng hpe kadai mung n dang hti lu ai masha wunawng wuwa kaba langai mi hpe dai yang e ngai mu nngai. Shanhte gaw masha amyu baw shagu hta na mung, amyu shagu hta na mung, amyu mungdan shagu hta na mung, ga amyu shagu hta na mung, sa du ai ni rai nga ma ai. Dai ni gaw hpraw ai hpun palawng bu hpun nna, shanhte a lata ni hta tsanlun lakung ni hpe lang let, dai tingnyang a man e mung, Sagu Kasha a man e mung tsap nga ma ai.