LUKA 15:19 - Jinghpaw Common Language Bible 2009

¹⁹ Ya kaw nna na nsha ngu na, ngai n ging n dan nngai, na a shabrai sha ai amu galaw masha langai mi zawn ngai hpe tawn da e law, ngu na we ai,’ nga ai.

Jinghpaw Hanson Version Bible

¹⁹ ya kaw nna na nsha ngu na, ngai n ging n dan nngai: na shabrai sha ai masha langai mi zawn ngai hpe tawn da e law, ngu na we ai,’ nga ai.

LUKA 15:19 ပူးပေါင်းရင်းမြစ်များ

NINGPAWT NINGHPANG 32:10

Na a shangun ma wa, ngai gaw nang madun dan sai matsan dum ai chyeju hte sadi sahka lam mahkra hte n ging n dan la nga nngai. Nye a dawhkrawng langai mi hte sha, ndai Yawdan hka hpe rap di nngai; ya chyawm gaw ndai hpung lahkawng hte ngai nhtang wa ni ai.

YOBA 42:6

Dai rai nna, ngai tsun kau sai lam yawng mayawng a majaw kaya hkrum nga nngai; shing rai ga nhpu hte wan dap hte bun nna myit malai lu nngai.

SHAKAWN KUNGDAWN 84:10

Na a Nawku Htingnu hta lani mi sha nga lu ai gaw kaga shara e, nhtoi hkying mi nga ai hta grau kaja nga ai; Ngai gaw tara n lang ai wa a nta ni hta nga lu ai gaw Karai Kasang a nta chyinghka hkinbawng hta e, tsap nga na hpe, grau nna tsaw nga nngai.

LUKA 15:18

Ngai rawt nna, nye wa kaw wa nhtawm, wa e, Karai Kasang hpe mung, nang hpe mung, ngai shut ni ai.

LUKA 15:20

Shing rai shi rawt nna, shi a kawa hpang de wa magang nga ai. “Shi nta kaw nna tsan tsan naw rai nga yang, kawa gaw shi hpe mu nna, matsan yu dum ai hte, gat sa nhtawm, kasha a du hta noi ginshum let, shi hpe pup wu ai.

LUKA 5:8

Simun Petru gaw, dai byin ai lam mu jang, Yesu a lagaw nhpang e hput di dingnyawm let, “Madu e ngai kaw na wa mat u, ngai gaw yubak kap ai masha rai nga nngai,” ngu wu ai.

1 KORINHTU 15:9

Hpa majaw nga yang, kasa ni hta kaji htum ai wa ngai rai nga nngai-Karai Kasang a Hpung hpe zingri zingrat nngai majaw, kasa ngu na pyi n ging n dan nngai.

1 PETRU 5:6

Dai re ai majaw Karai Kasang gaw shi a ram ging hkrak dum ai aten du jang nanhte hpe shagrau shatsaw dat myit ga, Karai Kasang a n-gun atsam rawng ai lata a npu e nanhte a hkum hpe shagrit shanem nna nga mu.