LUKA 15:17 - Jinghpaw Common Language Bible 2009

¹⁷ Hpang jahtum shi a kraw hta dum hprang wa nna, ‘Nye wa a nta e shabrai sha nna bungli galaw ai masha ni gade wa n taw n tsang shat sha lu nga ma hka! Ngai wa gaw ndai yang e, kawsi kyet ai hte hten bya magang wa nga nngai.

Jinghpaw Hanson Version Bible

¹⁷ Shing rai shi myit dum yang, ‘Nye wa a shabrai sha ai ni gade wa n taw n tsang muk sha lu nga ma hka! ngai wa gaw ndai yang e kawsi kyet ai hte hten bya magang wa nga nngai:

LUKA 15:17 ပူးပေါင်းရင်းမြစ်များ

SHAKAWN KUNGDAWN 119:59

Ngai gaw nye a asat lawat ni hpe myit sawn yu ni ai; na a ga matsun ni hpe hkan nang na matu, nang hpe ngai ga sadi jaw we ai.

SHAKAWN KUNGDAWN 73:20

Madu e, shanhte gaw jahpawt manap aten hta mat mat ai yup mang ni zawn rai nga nna; Madu nang rawt wa ai shaloi, shanhte n nga nga masai.

HPAJI NINGLI 9:3

Yawng a gam maka gaw langai sha hte maren sha rai nga ai. Dai gaw ndai mungkan ga hta byin nga ai lam hpa hte mung shut nga ai. Shinggyim masha ni ahkrung nga dingsa, shanhte a myit mang ai gaw n hkru nna mana angawk ai hte hpring nhtawm akajawng sha shanhte si mat nga ma ai.

YEREMIA 31:19

Anhte gaw nang kaw na kayin mat wa ga ai, rai ti mung, kade n na yang, bai nhtang wa na matu ra sharawng nga ga ai. Nang anhte hpe ari jaw ngut ai hpang, anhte a baw ni gaw yawn hkyen ai hta dukrung taru nga saga ai. Anhte gaw prat naw ram nga yang, anhte galaw shut kau ai yubak mara ni a majaw, kaya kahpa hte jahpoi jahpyak ai hkrum nga saga ai,’ nga tsun ma ai.

SHARUNG SHAYAWT 1:7

Ya garen gari rai hten run mat sai Yerusalem gaw moi shawng na shi a hkik hkam ai arawng sadang hpe myit dum nga ai. Shi gaw gumlau hpyen a lata de hkrat mat ai shaloi, shi hpe karum la na masha langai mi mung n nga nga ai; Shi hpe dang manga kau ai ni mung shi a hkrat sum ai hpe jahpoi asawng nga ma ai.

EZEKELA 18:28

Shi gaw shi hpa galaw yu sai amu ni hpe chye myit dum wa ai hte yubak galaw ai amu hpe kau da ai rai yang, shi gaw teng teng n si na ra ai, shi matut nna asak hkrung nga lu na ra ai.

HOSEA 2:7

Shi gaw shi a sumtsaw ni a hpang hkan mat wa na ra ai rai ti mung shanhte hpe hkan dep lu na n rai. Shi gaw shanhte hpe tam na ra ai rai ti mung shanhte hpe mu na ra ai n rai. Dai hpang shi gaw, “Ngai gaw nye a shawng na madu wa hpang de nhtang wa na nngai-dai gaw ya na zawn ngai nga nga ai hta grau kaja nga ai,” ngu nna tsun wu ai.

LUKA 15:16

Shaloi shi gaw, wa ni sha nga ai shapre kawp hte sha pyi shi a kan jahkru mayu timung, gade e mung n jaw sha mu ai.

LUKA 16:23

Shing rai katsan ga e nni nkri hkrum let sharawt mada dat yu yang, tsan tsan e Abraham hpe mung, shi a makau e dung nga ai Lazaru hpe mung, mu wu ai.

LUKA 8:35

Masha ni mung dai byin ai lam hpe yu na pru sa wa ma ai. Shanhte Yesu kaw du ma yang, nat ni pru mat wa kau da ai wa gaw, hpun palawng bu hpun nna, shawoi na myit kaja hte Yesu a lagaw nhpang e dung nga la ai hpe mu ma ai shaloi hkrit kahpra mat ma ai.

KASA 12:11

Ya Petru gaw shi hta hpa baw byin wa sai lam myit dum arai la lu jang, “Madu gaw shi a Lamu kasa hpe shangun dat nna Herod a lata na mung Yuda masha ni ngai hpe katut sha shangun na myit mada nga ma ai kaw na mung, ngai hpe shaw mawai la sai teng nga ai gaw ya ngai chye se ai,” nga nna tsun ai.

KASA 2:37

Shawa masha ni dai ga hpe na ma yang, shanhte a myit hta hkra malu ai rai nna shanhte gaw Petru hte kaga Kasa ni hpe, “Hpu nau ni e, anhte kaning rai na rai ta?,” ngu nna tsun ma ai.

EHPESU 5:14

Hpa majaw nga yang, asan sha shadan shadawng da ai arai ni gaw nhtoi tai nga ai. Dai majaw, “Yup pyaw ai wa e rawt u, si ai kaw na bai rawt wa nu; Hkristu gaw nang hpe jahtoi jaw na ra ai,” nga nna tsun ai.