LUKA 15:16 - Jinghpaw Common Language Bible 2009

¹⁶ Shaloi shi gaw, wa ni sha nga ai shapre kawp hte sha pyi shi a kan jahkru mayu timung, gade e mung n jaw sha mu ai.

Jinghpaw Hanson Version Bible

¹⁶ Shaloi shi gaw, wa ni sha ai shapre kawp hte pyi, shi a kan jahkru mayu timung, gade e mung n jaw sha mu ai.

LUKA 15:16 ပူးပေါင်းရင်းမြစ်များ

YOBA 30:4

Shanhte gaw zaibru jang na hpun lawn kasha ni gang baw nna dai ni hpe sha ma ai, namchyim n rawng ai dun-ye hpun ru ni hpe pyi sha nga ma hka!

SHAKAWN KUNGDAWN 142:4

Nye a makau mayang hkan e, ngai yu dat ai shaloi, ngai hpe karum la na masha kadai hpe mung ngai n mu nngai; ngai hpe makawp maga la na masha kadai mung n nga ai. Ngai hpe lanu lahku la na, kadai n nga nga ai.

SHAKAWN KUNGDAWN 73:22

dusat zawn ngai angawk mat wa ai hte na a myit ra ai lam hpe mung ngai n chye na mat nngai.

ESAIA 44:20

Dai gaw wan dap amawp sha nga ai zawn grau kaja ai lam shadan dan na ra ai. Shi a angawk ai myit mang lam gaw karum la n lu mat hkra shi hpe lam woi shadam kau nu ai. Shi a lata hta shi lang da ai hpara sumla gaw dik dik karai n rai nga ai lam hpe shi hkum nan yin la na ra ai n rai.

ESAIA 55:2

Lusha majing n re ai hta na a gumhpraw hpe lahpawt lama rai hpa majaw jai shama n ta? Hpa majaw na a shabrai ni hpe jai kau nna naw kawsi kyet nga n ni? Nye a ga madat mara nna, ngai tsun ai hku galaw u, shaloi, nang gaw yawng hta kaja htum ai lusha hta kabu gara wa lu na rai ndai.

ESAIA 57:3

Yubak kap ai ni e, jeyang hkam na matu ndai shara de sa wa mi! Nanhte gaw hpyi shung shung ai ni, numshaw lashaw ai ni hte shawa num ni hta grau kaja nga myit dai n rai.

SHARUNG SHAYAWT 4:5

Lang mi mu mai htum ai lusha ni sha yu sai masha ni gaw lusha kyet ai majaw nmaw lam hkan e si taw nga ma ai; pyaw hpa lam hta len yu sai ni gaw lusha a matu shanut shanaw hkan tam mahkai hta nga ma ai.

HOSEA 12:1

Israela amyu masha ni a jahpawt kaw nna shana de du hkra galaw ai amu magup gaw akyu n rawng ai hte hten byak lam rai nga ai. Gumle gumlau ai hte kashun kashe du daw sai hkaw amu gaw shanhte hta grau nna law jat nga ai. Shanhte gaw Asuri ni hte ga shaka tawn da nhtawm Egutu masha ni hte hpaga bungli jawm galaw ma ai.”

MAHTE 7:6

“Chyoi pra ai arai hpe gwi ni hpe hkum jaw mu; shing rai yang shanhte mahtang nanhte hpe nhtang kawa na marin dai. Nanhte a hkachyi hpe wa ni a man e hkum kabai tawn mu, shing rai jang, dai ni tinang a lagaw hte dai hpe kabye kau na mara ai.

LUKA 15:15

Shing rai dai mung na masha langai mi kaw, amu galaw ya na nga nna sa shingbyi nga ai: dai wa mung shi hpe sun de, wa ni hpe sa rem na matu shangun dat wu ai.

LUKA 15:17

Hpang jahtum shi a kraw hta dum hprang wa nna, ‘Nye wa a nta e shabrai sha nna bungli galaw ai masha ni gade wa n taw n tsang shat sha lu nga ma hka! Ngai wa gaw ndai yang e, kawsi kyet ai hte hten bya magang wa nga nngai.