LUKA 15:13 - Jinghpaw Common Language Bible 2009

¹³ Dai hpang nhtoi gade n na yang, kasha kaji wa gaw, shi lu ai sut rai ni yawng dut kau nna lu ai gumhpraw gun nhtawm nta na pru mat wa ai. Shi gaw tsan ai mung de sa wa nna, dai shara e shi gumhpraw ni hpe majoi jai ai hte pyaw daw kadaw hkawm nna ginlut shamat kau wu ai.

Jinghpaw Hanson Version Bible

¹³ Dai hpang nhtoi gade ya n na yang, kasha kaji gaw arai mahkra shinggyin la nhtawm, tsan ai mung de sa wa nna, dai shara e pyaw daw kadaw hkawm nga ai hte, shi a sutrai ginlut shamat kau wu ai.

LUKA 15:13 ပူးပေါင်းရင်းမြစ်များ

SHAKAWN KUNGDAWN 73:27

Nang hpe kau da ai ni gaw teng teng htum mat na mara ai; nang hta sadi n dung ai ni hpe Nang shamyit kau na rin dai.

GA SHAGAWP 18:9

Lagawn ai masha gaw sharun jahten ai wa zawn, n hkru n kaja nga ai.

GA SHAGAWP 21:17

Sabyi, hte dwi sau mu mai ai lusha hta pyaw daw kadaw nang ai gaw, nang hpe galoi mung sut su shangun nga ai n rai.

GA SHAGAWP 21:20

Hpaji rawng ai masha ni gaw hpu reng ai sut hta nga nga ai; angawk ai masha ni chyawm gaw shanhte lu tam ai gumhpraw ni hpe, lawan ladan rai jai ginlut kau nga ma ai.

GA SHAGAWP 27:8

Dum nta kaw nna sumtsan de hkawm mat wa ai wa gaw shi a tsip kaw nna pyen hkawm mat wa ai u zawn rai nga ai.

GA SHAGAWP 28:7

Tara hpe hkan ai shabrang wa gaw nyan sam nga ai; asung n shang ai ni hpe manang shatai ai ni chyawm gaw kanu yan kawa hpe kaya jahkrum nga ma ai.

GA SHAGAWP 29:3

Hpaji byeng-ya hpe nang manu shadan ai rai yang, na a nwa na a majaw kabu gumrawng lu na ra ai. Shawa num ni hta jai kau ai gumhpraw gaw, angawk ai amu rai nga ai.

GA SHAGAWP 6:26

Lasha wa gaw muk tawng langai mi a manu hte shawa num langai mi hpe saw la lu tim, numshaw ai amu gaw shi lu ai rai yawng hte shi hpe manu jahpu daw na ra ai.

ESAIA 1:4

Nanhte gaw dingnye lu myit dai, nanhte gaw yubak kap ai amyu baw rai nga myit dai, nanhte gaw matsat shabat re ai hte n hkru ai amyu masha ni rai nga myit hka! Nanhte a yubak ni gaw nanhte hpe gang kadawng kau nga manit hka! Nanhte gaw dai Madu chyoi pra ai Israela a Karai Kasang hpe ningdang kau nna shingdu kayin kau manit dai.

ESAIA 22:13

Shing rai na malai, nang gaw mani sumsai hte masat poi galaw nga ndai. Nang gaw sha na matu sagu, dumsu ni sat nna sabyi lu nga ndai. Nang gaw, “Anhte mung sha ga, lu ga! Hpawt ni sha anhte si wa na saga ai,” ngu nna tsun ndai.

ESAIA 30:11

Anhte a lam kaw na yen mu, anhte a lai lam hkum pat myit. Anhte gaw nanhte a Israela a chyoi pra ai Karai Kasang hte seng ai lam n na mayu ga ai.

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

YEREMIA 2:13

hpa majaw nga yang, nye a amyu masha ni gaw yubak lahkawng shut hpyit kau manu ai: shanhte gaw mu ai hka hpawk ngu ai ngai kaw na myi man kayin mat wa nhtawm, hka n rawng lu ai hka htung ni hpe htu manu ai.

YEREMIA 2:31

Israela amyu masha ni e, ngai tsun nga ai ga madat mu. Ngai gaw na a matu zaibru jang zawn, nsin zawn hte hkrit hpa lamu ga langai zawn tai yu nga a ni? Dai re ai mi, nang ra sharawng ai hku nang galaw nna, ngai hpang de galoi mung n wa na nga nna hpa majaw tsun n ta?

YEREMIA 2:5

Dai Madu gaw ning nga tsun ai: “Na a nji nwa ni gaw kaning re ai mara hte ngai hpe mara shagun ma ta? Hpa lam a majaw shanhte hpe ngai kaw na kayin kau shangun nga a ta? Shanhte gaw akyu n jaw ai hpara sumla ni hpe nawku nna shanhte nan manu n dan ai ni tai wa masai.

MIHKA 6:3

Dai Madu gaw, “Nye a amyu masha ni e, Ngai nang hpe hpa amu galaw yu sata? Ngai nang hpe kade wa jahki shaba yu a ni? Ngai hpe htan e.

LUKA 15:12

Kasha kaji wa mahtang kawa hpe, ‘Wa e, ngai lu la ang ai sali kamhtaw ya ngai hpe karan ya rit,’ ngu nna hpyi wu ai. Shing rai kawa mung kasha lahkawng yan hpe shi a sutgan garan ya wu ai.

LUKA 15:14

Lu ai gumhpraw yawng ma mat ai ten hta, dai mung e hkuwa kaba wa ai rai nna, shi matsan chyaren hkrum magang nga ai.

LUKA 15:30

Shawa num ni hte kanawn nna, na a sut rai ginlut shamat kau ai ndai na nsha wa bai wa jang chyawm gaw, kawn tawn ai dumsu kasha, shi a matu nang sat nit hka!,’ ngu nna shi a kawa hpe htan wu ai.

LUKA 16:1

Yesu gaw sape ni hpe, “Kalang mi na sahti wa langai mi nga ai. Shi kaw shi a sut rai ni hpe yu hpajang ai shangun ma langai mi nga ai. Dai wa gaw, madu a gumhpraw ni hpe majoi jai shama kau nga ai lam, sahti wa hpe tsun dan mu ai.

LUKA 16:19

“Kalang mi na sahti wa langai mi nga ai. Shi gaw, hpu ging dik ai, hpun palawng bu hpun nna shani shagu pyaw pyaw ning ngai nga ai.

EHPESU 2:13

Rai ti mung ya chyawm gaw, Hkristu Yesu hta e kahkyin gumdin rai nga manit dai rai nna shawng e Karai Kasang hte tsan gang nga ai ni nanhte gaw Hkristu a si hkam ai a marang e Karai Kasang hte ni wa lu manit dai.

EHPESU 2:17

Shing rai nna Karai Kasang hte tsan gang nga ai nanhte maigan masha ni hpe mung, Karai Kasang hte ni nga ai Yuda masha ni hpe mung, Hkristu du sa nna dai ngwi pyaw ai lam a Kabu Gara Shiga hkaw tsun dan mi ai.

2 PETRU 2:13

Shanhte gaw masha kaga ni hpe hkrum sha shangun ai baw nni nkri shanhte hpe bai htang jaw ai hkrum na mara ai: shanhte gaw shani chyingtung e pyi shanhte a hkum shan a pyaw daw lam shadik na matu gaw shanhte a pyaw hpa lam rai nga malu ai, shanhte gaw nanhte hte rau lu sha ai hpawng ni hta rau shang lawm ai majaw nanhte a matu kaya kahpa hte arawng hpoi ai lam byin shangun nga ai. Shanhte gaw galoi mung hkalem ai lam ni galaw ai hta grai pyaw dum ma ai.