LUKA 15:10 - Jinghpaw Common Language Bible 2009

¹⁰ Dai hte maren, ngai nanhte hpe tsun made ga, Karai Kasang a lamu kasa ni gaw, yubak kap ai masha langai mi myit malai lu ai majaw kabu gara rai nga ai,” ngu mu ai.

Jinghpaw Hanson Version Bible

¹⁰ Nanhte hpe ngai tsun made ga, “Dai hte maren, yubak kap ai masha langai mi, myit malai lu ai majaw, Karai Kasang a lamu kasa ni a man e, kabu gara shara rai nga ai,” ngu mu ai.

LUKA 15:10 ပူးပေါင်းရင်းမြစ်များ

EZEKELA 18:23

Dai Tsaw Htum ai Madu gaw, “N hkru ai wa si wa yang, ngai yu kabu na zawn nang myit nawn nga n ni?,” ngu nna san wu ai. Shi gaw, “Dai hku n rai law, shi myit malai wa nna hkrung nga na hpe ngai grau nna mu mayu nga nngai.

EZEKELA 18:32

Dai Tsaw Htum ai Madu gaw, “Ngai gaw nanhte kadai hpe mung n si shangun mayu nngai, dai re ai majaw, nanhte shut hpyit kau ai yubak kaw nna kayin wa nhtawm hkrung nga mu law,” ngu nna tsun wu ai.

EZEKELA 33:11

Tsaw Htum ai dai Madu ngai gaw ahkrung nga ai Karai Kasang rai nga nngai, dai majaw yubak kap ai wa si mat wa na hpe yu kabu nga nngai n rai. Yubak galaw ai hpe kau da nna hkrung nga na hpe ngai yu sharawng nga nngai ngu shanhte hpe htawn tsun u. Israela e, nang galaw nga ai dai n hkru n shawp ai amu hpe kau da u. Nang hpa majaw si mayu nga n ta?

MAHTE 10:32

Kadai rai ti mung, masha ni a man e ngai hpe yin la ai wa hpe gaw, dai hte maren Sumsing lamu na Nye Wa a man e ngai yin la na we ai.

MAHTE 18:10

“Dai ma kaji langai mi hpe pyi nanhte n gawn n sawn n di kau myit ga, sadi nga mu. Nanhte hpe ngai tsun made ga, sumsing lamu kata e shanhte a lamu kasa ni gaw, sumsing lamu na nye a Wa a myi man hpe a mada nga ma ai.

MAHTE 18:14

Dai hte maren, ndai ma kaji langai mi hpe pyi jahten kau ai hkrum na gaw, sumsing lamu hta nga ai nye wa gaw, n hkraw nga ai.

LUKA 12:8

“Nanhte hpe ngai tsun made ga, kadai rai ti mung masha ni a man e ngai hpe yin la ai wa hpe, Masha Kasha mung dai hte maren Karai Kasang a lamu kasa ni a man e shi hpe yin la na ra ai.

LUKA 12:9

Rai ti mung, masha ni a man e, ngai hpe nyet kau ai wa hpe chyawm gaw, Masha Kasha mung, Karai Kasang a lamu kasa ni a man e, shi hpe nyet kau na ra ai.

LUKA 13:5

Kaja wa dai hku n rai! Ngai nanhte hpe tsun made ga, Nanhte mung, yubak mara ni kaw na myit malai n lu myit yang gaw, shanhte zawn, yawng si wa na marin dai,” ngu mu ai.

LUKA 15:11

Yesu bai matut tsun wu ai gaw, “Kalang mi na, masha langai mi shadang sha lahkawng lu ai.

LUKA 15:7

Dai hte maren, ngai nanhte hpe tsun made ga, myit malai lu shara n nga dum ai hkungga ging ai masha jahku shi jahku a majaw kabu gara ai hta, myit malai lu ai yubak kap ai wa langai mi a majaw, sumsing lamu kata e, grau nna kabu gara rai na ra ai.

LUKA 15:9

Dai hpe mu jang, jinghku jingyu ni hte htingbu htingbyen ni hpe shaga nna; nye a mat mat ai gumhpraw dengga mi bai mu la se ai majaw, ngai grai kabu ni ai, ‘Ngai hte rau kabu gara poi galaw ga,’ nga na ra ai.

LUKA 7:47

Dai lam a majaw ngai nang hpe tsun de ga, dai numsha a tsaw ra myit law law madun ai lam a majaw, shi a law la ai yubak mara ni hpe dat kau ya hkrum sai, ngu ai sakse madun nga ai. Kadai rai ti mung, loi sha mi raw dat kau ya hkrum ai wa gaw, loi sha mi tsaw ra ai lam madun dan nga ai,” ngu nna tsun wu ai.

KASA 11:18

Shanhte dai lam na ma yang, shanhte a mara tam dinglun ai lam jahkring kau nna myit pyaw ai hte, “Aw rai sa, Karai Kasang gaw maigan masha ni hpe mung myit malai lu nna asak hkrung nga na ahkaw ahkang jaw nga a hka!” nga nna Karai Kasang hpe shagrau sha-a ma ai.

KASA 5:19

Rai ti mung, dai shana e Madu a lamu kasa langai mi gaw, htawng chyinghka ni hpe hpaw kau ya nna shanhte hpe shapraw dat let,

2 KORINHTU 7:10

Hpa majaw nga yang, Karai Kasang jai lang ai yawn hkyen ai lam gaw hkye hkrang la hkrum shangun nga ai. De a majaw myit n pyaw shara n nga ai! Rai ti mung myit malai n lu ai sha shinggyim lai hku yawn hkyen ai lam gaw si hkrung si htan lam hpe shabyin nga ai.

HPILEMON 1:15

Onesimu gaw nang hte tut nawng rau bai anga nga lu na matu she, shi nang hte tawng marang mi hka ai rai dam nhten!

HEBRE 1:14

Dai rai yang gaw, lamu kasa ni gaw kadai ni rai nga ma ta? Shanhte gaw hkye hkrang la ai sali wunli hkam la na ni hpe karum na matu Karai Kasang e shangun dat hkrum ai hte Karai Kasang hpe daw jau nga ai wenyi ni rai ma ai.