LUKA 14:32 - Jinghpaw Common Language Bible 2009

³² N hkap manga lu na rai yang mung kaga hkawhkam wa tsan tsan e naw nga yang, kasa shangun dat nna, htinglu htinglai na lam hpyi nem na ra ai.

Jinghpaw Hanson Version Bible

³² Shing n rai yang, dai kaga hkawhkam wa tsan tsan e naw rai nga yang, kasa shangun dat nna, htinglu htinglai na lam hpyi nem na ra ai.

LUKA 14:32 ပူးပေါင်းရင်းမြစ်များ

YOBA 40:9

Nang gaw ngai zawn n-gun atsam rawng nga n ni? Na a nsen gaw mu ngoi ai nye a nsen zawn ja nga a ni?

MAHTE 5:25

Marai langai ngai tara rung e nang hpe hka jun a yang gaw, tara rung de garai n du yang aten naw nga ai laman alawan pyaw hkra jahkrum kau u. Dai hku n galaw jang, shi hte tara rung de du ai hte rau hka jun ai wa gaw tara agyi a lata de nang hpe ap kau na ra ai; tara agyi gaw palik ni a lata de bai ap kau nna nang hpe htawng bang da na mara ai.

MAHTE 5:42

Marai langai ngai nang kaw lama ma hpyi yang jaw u; marai langai ngai nang kaw lama ma hkoi shap mayu yang hkoi shap ya u.

LUKA 12:58

Nang hpe marai langai ngai hka jun nna, shi nang hpe tara rung de woi sa wa ai shaloi, lam e naw rai nga yang, shi hte mung rawng ai lam hpe pyaw hkra htingram shakut kau u, dai n rai yang, hka madu gaw nang hpe tara agyi wa a man de dun sa nna ap kau na ra ai rai nna, palik ni nang hpe htawng hta bang tawn na mara ai.

LUKA 14:31

Bai lam mi gaw, hkawhkam langai mi gaw, shi a hpyenla mun mi hte, shi hpe gasat na nga nna hpyenla mun lahkawng hte sa wa ai kaga hkawhkam langai mi hpe hkap gasat na pru sa wa maw yang, shi gaw dai hpyen ni hpe hkap manga lu na daram n-gun rawng n rawng, shawng n nan dung nna daw dan na ra ai.

LUKA 14:33

Dai hte maren, nanhte hta na tinang a arai nga manga hpe n kau da lu ai wa gaw, nye a sape n tai lu ai,” ngu nna tsun mu ai.

LUKA 19:14

Ya, shi a mung masha ni shi hpe n dawng da mu ai rai nna, shanhte gaw shi a hpang e kasa ni hpe hkan shangun dat nhtawm, ‘Ndai wa anhte a hkawhkam tai na anhte n ra ga ai,’ ngu nna tsun shangun mu ai.

KASA 12:20

Herod gaw Turu hte Sidon masha ni hpe grai pawt bu da wu ai. Dai rai nna dai mare masha ni gaw myit hkrum ai masha wuhpung langai mi hku nna shi kaw shang sa ma ai. Shawng nnan Blastu ngu ai Hkawhkam htingnu ting hpe up ai wa hpe chye na shangun nhtawm, shi a karum ai hte Herod kaw simsa na lam hpyi htinglu ma ai; hpa majaw nga yang, shanhte a mung gaw Hkawhkam a mung na malu masha lu la nga ai.