LUKA 14:31 - Jinghpaw Common Language Bible 2009

³¹ Bai lam mi gaw, hkawhkam langai mi gaw, shi a hpyenla mun mi hte, shi hpe gasat na nga nna hpyenla mun lahkawng hte sa wa ai kaga hkawhkam langai mi hpe hkap gasat na pru sa wa maw yang, shi gaw dai hpyen ni hpe hkap manga lu na daram n-gun rawng n rawng, shawng n nan dung nna daw dan na ra ai.

Jinghpaw Hanson Version Bible

³¹ Lam mi gaw, hkawhkam langai mi kaga hkawhkam hpe gasat na maw yang, masha mun lahkawng hte sa ai wa hpe, mun mi hte hkap manga lu na, n manga lu na, dung nna shawng n bawng yu ai, nga na a ni?

LUKA 14:31 ပူးပေါင်းရင်းမြစ်များ

1 HKAWHKAM 20:11

Hkawhkam Ahab gaw, “Hpyenla jet gaw majan garai n sa yang lu grang ai n rai; majan ngut ai hpang mahtang gumrawng ging nga ai lam, Hkawhkam Benhadad hpe wa tsun ya mi,” ngu nna htan wu ai.

YOBA 41:8

Shi hpe lang mi sha hkra yu ai hte nang galoi mung bai shakut mayu na ndai n rai; dai gasat gala ai hpe nang galoi mung malap kau lu na rin dai n rai.

GA SHAGAWP 20:18

Kaja ai hpaji jaw ga hpe hkam la u, shaloi nang awng dang wa na ra ai; hkyen lajang ai lam n nga ai sha majan de hkum htim kapa shang wa, majan hkum baw hkawm et.

GA SHAGAWP 25:8

Lama ma byin ai hpe nang mu hkrup yang tara rung de sa tang na hkum tin. Nang shut ai lam hpe hpang e kaga masha wa sakse hkam yang, nang kaning di na ngu n ta?

LUKA 14:30

Masha ni mung, ‘Ndai wa gaw, npawt gaw hpang nhtawm, ngut hkra n di lu nu ai,’ nga nna mu ai ni yawng shi hpe mani kau na ma ra ai.

LUKA 14:32

N hkap manga lu na rai yang mung kaga hkawhkam wa tsan tsan e naw nga yang, kasa shangun dat nna, htinglu htinglai na lam hpyi nem na ra ai.