LUKA 14:13 - Jinghpaw Common Language Bible 2009

¹³ Nang lusha poi galaw daw n yang, matsan mayan ni, jahten labye ni, lagaw hten ai ni hte myi kyaw ai ni hpe shaga la u.

Jinghpaw Hanson Version Bible

¹³ Nang poi galaw daw n-yang gaw, matsan mayan ni, jahten labye ni, lagaw hten ai ni hte myi kyaw ai ni hpe shaga la u:

LUKA 14:13 ပူးပေါင်းရင်းမြစ်များ

2 SAMUELA 6:19

shanhte yawng hpe lusha karan jaw wu ai. Israela mung na numsha, lasha shagu hte hpe muk pa pa, shan tau hkyep hkyep hte sabyi si jahkraw loi loi jaw wu ai. Dai hpang masha shagu tinang nang a nta de wa mat wa ma ai.

2 HKAWHKAM LABAU 30:24

Hkawhkam Hezekia gaw amyu masha ni sat sha na matu usu hkying mi hte sagu hkying sanit jaw ya wu ai; du salang ni mung shanhte hpe usu hkying mi hte sagu mun mi jaw ya ma ai. Hkinjawng wunawng wuwa ni mung htung hte maren jasan jaseng la shajang nga ma ai.

NEHEMIA 8:10

Ya chyawm gaw, dum nta de nhtang wa nna mu mai ai lusha sha manu. Alaw alam n lu ai ni hpe nanhte a malu masha hte sabyi ntsin ni karan jaw mu. Dai ni gaw anhte a Madu a matu chyoi pra ai shani rai nga ai, dai rai nna hkum yawn nga myit. Dai Madu nanhte hpe jaw ai kabu gara lam gaw nanhte hpe n-gun ja shangun na ra ai,” ngu nna tsun ma ai.

NEHEMIA 8:12

Dai rai nna amyu masha ni yawng gaw shanhte hpe hti dan ai lam hpe chye na hkawn hkrang nga ma ai majaw shanhte yawng dum nta de wa nna kabu gara ai hte lu lu sha sha rai nhtawm kaga ni hpe lusha karan jaw ma ai.

YOBA 29:13

Htum hkra nni nkri hkrum sha ai ni mung ngai hpe shakawn ma ai; ngai gaw gaida jan ni hpe shim lam mu la hkra karum nngai.

GA SHAGAWP 14:31

Matsan mayan ni hpe nang dip gamyet sha ai rai yang, shanhte hpe hpan da ai Karai Kasang hpe nang n gawn n sawn di nga ndai; rai ti mung, matsan mayan ni hpe matsan dum myit madun ai chyawm gaw Madu hpe nawku daw jau ai lam rai nga ai.

GA SHAGAWP 22:9

Ndaw nhta jaw ya u; Na a lusha matsan mayan wa hpe garan ya u, shaloi dai amu a majaw shaman ai chyeju nang hkam la na rin dai.

ESAIA 58:10

kawsi kyet ai ni hpe nang lusha jaw nhtawm, ra kadawn ai ni hpe nang myit shadik ya ndai rai yang, nang hpe shinggrup da ai nsin gaw shani chyingtung na nhtoi tai na ra ai.

ESAIA 58:7

Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

MAHTE 15:30

Shaloi masha wunawng wuwa kaba shi kaw du sa ma ai hte, lagaw hten ai, myi kyaw ai, hkum hkrang hten ai ni, n chye shaga ai hte ana amyu myu kap ai machyi masha kaga law law hpe shanhte lahku sa ma ai rai nna Yesu a lagaw nhpang e shayu tawn da ma ai. Yesu mung shanhte hpe shamai shatsai ya mu ai.

MAHTE 22:10

Dai rai nna, dai mayam ni gaw nmaw lam ni de pru sa nna mu hkrup ai ni yawng hte hpe, n kaja ai ni rai ti mung, kaja ai ni rai ti mung, shaga jahpawng da mu ai rai nna dai hkungran gawk hta masha ni hpring chyat rai nga ma ai.

LUKA 11:41

Rai ti mung, nanhte a gawm hte ban ni hta rawng ai arai ni hpe matsan mayan ni e jaw kau mu, shing rai galaw yang, nanhte a matu nga manga san pra wa na malit dai.

LUKA 14:12

Dai hpang Yesu gaw, shi hpe shaga ai nta madu wa hpe mung, shi tsun wu ai gaw, “Jahpawt shat, shing n rai, shana shat nang galaw daw ai rai yang, na a jinghku ni, nhpu nnau ni, mayu dama ni, shing n rai, lu su ai htingbu ni hpe hkum shaga et, hpa majaw nga yang, shanhte nang hpe bai shaga daw na mara ai.

LUKA 14:14

Shing rai jang, nang a lu ndai, hpa majaw nga yang, shanhte chyeju n htang lu ma ai. Mai kaja ai ni si ai kaw na bai hkrung rawt wa ai shani Karai Kasang bai htang jaw ai hpe nang hkam la lu na rin dai,” ngu wu ai.

LUKA 14:21

“Dai shangun ma wa gaw Madu kaw wa nna dai lam ni mahkra tsun dan wu ai. Dai ga na jang, nta madu wa gaw masin pawt la ai hte shi a shangun ma hpe, ‘Mare na nmaw lam ni hte htingwan lam ni de alawan sa nna, matsan mayan ni hte jahten labye ni, myi kyaw ai ni hte lagaw hten ai ni hpe shaga woi wa rit,’ ngu nna shangun dat wu ai.

KASA 9:39

Shaloi Petru rawt nna dai yan hte rau hkan sa wa ai. Shi du ai shaloi ntsa gawk de woi shawn mu ai. Dai yang e gaida jan ni nlang Petru a makau e tsap gum bawm nna naw hkring nga yang, Dorka chywi ai kata palawng ni ntsa palawng ni hpe madun dan let, hkrap nga ma ai.

TARA JAHPRANG 14:29

Dai malu masha gaw sut gan sali wunli n lu ai Lewi masha ni a matu mung, nanhte a mare ni hta nga ai maigan masha ni, jahkrai nmai hte gaida gaina ni a matu rai nga ai. Dai rai nna shanhte hta ra ai made sa la na rai ma ai. Shing rai jang, nanhte galaw ai lam magup hta dai Madu nanhte a Karai Kasang gaw nanhte galaw ai lam magup hpe shaman ya na ra ai.

TARA JAHPRANG 16:11

Tinang a kashu kasha, shangun ma ni hte nanhte a mare hta nga ai Lewi masha ni, maigan masha ni, jahkrai nmai ni hte gaida gaina ni yawng dai Madu a man e rau sha kabu gara nga mu. Ndai amu hpe nawku daw jau ai shara langai hta sha galaw mu.

TARA JAHPRANG 16:14

Nanhte a kashu kasha ni, shangun ma ni, nanhte a mare hkan nga ai Lewi ni, maigan masha ni, jahkrai nmai ni hte gaida gaina ni hte kabu gara lu na rai myit dai.

1 TIMOHTI 3:2

Hpung a ningbaw ningla langai mi gaw, mara n kap ai wa, madu jan langai sha lu ai wa, sadi sahka re ai wa, tinang hkum hpe hkang lu ai wa, masa hte hkrak rai nna asak hkrung ai wa, shi a nta hta tsasam manam ni hpe hkap hkalum daw jau na sharawng ai wa; sharin shaga chye ai wa, rai ra ai.

1 TIMOHTI 5:10

Dai hta n ga, shi gaw arawn alai kaja ai lam hta mung gumhkawng ai jan, kashu kasha ni hpe atsawm sha woi lanu lahku shakung jahpan ai jan, tsasam manam ni hpe shi a nta kaw hkap la nna galaw daw ai jan, Hkristan hpu nau ni hte seng nna galaw ra ai lit ni hpe myit nem ai hte galaw gun hpai ai jan, ru yak jam jau hkrum nga ai ni hpe karum ai jan, mai kaja ai magam bungli hpe ap nawng gun hpai ai jan rai ra ai.

TITU 1:8

Shi gaw manam daw ra ai, mai kaja ai lam hpe tsaw ra chye ai wa, tinang hkum hpe hkang chye ai, si si re ai, ding hpring ai, chyoi pra ai, tara hkan ai wa rai ra ai.

HPILEMON 1:7

Hpu nau wa e, na a tsaw ra ai myit a majaw ngai grai wa kabu gara ai hte myit n-gun lu la nngai law! Nang gaw Karai Kasang a chyoi pra ai masha ni yawng hte a myit masin hpe shangwi shapyaw ya lu nit dai.

HEBRE 13:2

Nanhte a nta ni hta manam ni hpe hkap hkalum daw jau na hkum malap kau myit. Shing rai daw jau ai nkau mi gaw lamu kasa ni hpe n dum shami daw jau hkrup masai.