LUKA 13:8 - Jinghpaw Common Language Bible 2009

⁸ Rai ti mung, sabyi sun lajang ai wa gaw, ‘Madu e, dai ning sha gaw naw tu nga yu u ga, de a nhpang grup e ngai htu kapun nna namhpun naw bang ya na we ai.

Jinghpaw Hanson Version Bible

⁸ Dai wa gaw, ‘Madu e, dai ning sha gaw naw tu nga yu u ga, de a nhpang grup e ngai htu kapun nna hpun apawm na we ai:

LUKA 13:8 ပူးပေါင်းရင်းမြစ်များ

SHAKAWN KUNGDAWN 106:23

Shi gaw shi a amyu masha ni hpe jahten kau na nga, Karai Kasang tsun wu ai shaloi, shi lata la ai shangun ma kaja Mawshe gaw shi a man e, rawt tsap nna, shanhte hpe n shamyit kau u ga, shi a masin kahtet ai hpe shakawp ya wu ai.

PRU MAT 34:9

Shi gaw, “Madu e, nang ngai hpe teng teng awng sharawng ndai rai yang, anhte hte rau sa wa na matu ngai nang hpe lajin nngai. Ndai amyu masha ni du ja nga ma ti mung, anhte a n hkru n hkra ai hte shut hpyit ai yubak mara hpe dat kau ya nna, na a amyu masha majing ni zawn anhte hpe hkap la mi law,” ngu nna tsun wu ai.

YEREMIA 15:1

Dai hpang dai Madu gaw ngai hpe, “Mawshe hte Samuela yan gaw ndai shara hta tsap nga nna, ngai hpe hpyi lajin nga ma yang pyi ngai gaw ndai amyu masha ni a ntsa e matsan dum ai myit hpa mung madun dan na n rai. Shanhte hpe shaden kau mu; shanhte hpe nye a man kaw nna shapraw kau dat mu.

YEREMIA 18:20

Mai kaja ai lam hpe n hkru n kaja ai hte htang mai nga a ni? Shanhte mahtang ngai di hkrat bang na nye a matu nhkun htu manu ai. Shanhte hpe nang sindawng kahtet mat hkra, shanhte a malai ngai nang kaw kaning rai du sa ai hte tsun shaga ai ga ni hpe adum nga u.

YOELA 2:17

Tawn hkungri hte Nawku Htingnu chyinghka lam lapran dai Madu hpe daw jau nga ai hkinjawng ni mung hkrap ai hte ning ngu akyu hpyi ma ai: “Madu e, na a amyu masha ni hpe matsan dum la mi law. Kaga masha amyu ni, ‘Nanhte a Karai Kasang kanang nga nga a ta?,’ nga nna tsun let anhte hpe asawng asang di nna n ashu kau shangun u ga law.’”

LUKA 13:7

Dai rai nna, shi a sun sin lajang ai wa hpe, ‘Yu u! masum ning tup dai maihpang hpun hta na asi ngai sa tam timung n mu we ai, dai hpe kran kau u! Hpa rai lamu ga sau lahpawt tu nga na rai ta?,’ ngu wu ai.

LUKA 13:9

Dai hpang, du na ra ai shaning asi si yang si na re ai; n si yang gaw, nang kran kau na rai nga ai,’” ngu nna madu hpe htan wu ai.

LUKA 14:35

Dai gaw lamu ga a matu mung, namhpun di na matu mung, akyu n rawng mat sai rai nna shinggan de kabai kau ga ma ai. Na la na, na tu ai wa gaw, na la u ga!”

ROMA 10:1

Hpu nau ni e, ngai gaw nye a amyu masha ni hkye hkrang la hkrum lu na matu nye a kraw lawang mahkra hte ra sharawng ndawt let shanhte a matu Karai Kasang kaw ngai akyu hpyi nga nngai.

ROMA 11:14

Ngai gaw nye a amyu masha ni a myit hta manawn ai myit lama rawng shangun ai rai yang shanhte nkau mi sha hkye hkrang la ai hkrum lu na rai nga ai.

2 PETRU 3:9

Masha nkau mi myit ai zawn, Karai Kasang gaw shi a ga sadi jaw da sai lam hpe galaw shadik na matu aten la nna lanyan taw nga ai n rai; rai ti mung yawng mayawng yubak mara kaw na kayin wa nna kadai mung hten bya ai n hkrum u ga, shi ra nga ai majaw shi nanhte a ntsa e, myit galu nga ai majaw rai nga ai.