LUKA 13:35 - Jinghpaw Common Language Bible 2009

³⁵ Dai rai nna, nanhte a tara jawng hpe Karai Kasang e, katsi katsang di nna shakram kau ai nanhte hkrum na myit dai. Nanhte hpe ngai tsun made ga, nanhte nan, ‘Madu a mying nsang hte du sa ai wa gaw a nga ai law!,’ sha n nga nga gaw, nanhte ngai hpe n mu lu na manit dai,” ngu nna shanhte hpe tsun mu ai.

Jinghpaw Hanson Version Bible

³⁵ Yu mu, nanhte a nta gaw a katsi katsang kram nga ai. Nanhte hpe ngai tsun made ai gaw, nanhte nan, Madu a amying ningsang hte du sa ai wa gaw, a nga ai law, n nga nga gaw, nanhte ngai hpe n mu lu na manit dai, ngu nna shanhte hpe tsun mu ai.

LUKA 13:35 ပူးပေါင်းရင်းမြစ်များ

SHAKAWN KUNGDAWN 118:26

Madu a mying nsang hte du sa ai wa hpe Karai Kasang shaman ya nga u ga! Madu a Htingnu kaw nna, anhte nang hpe shakawn ga ai.

SHAKAWN KUNGDAWN 69:25

Shanhte a dap dabang ni katsi katsang jahkam tawn da ai hkrum nga mu ga: shanhte a sum ni hta kadai mung hkrung nga ai hte n nga lu mu ga.

ESAIA 52:7

Bum lang ni hpe lai di nna kabu gara shiga, ngwi pyaw sim sa lam a shiga la sa ya ai wa hpe mu lu ai gaw kade sha mauhpa rai nga a hka! Shi gaw awng padang hpe ndau shabra nna Ziun hpe, “Na a Karai Kasang gaw hkawhkam rai nga ai!,” ngu nna tsun ai.

YEREMIA 22:5

Rai ti mung, nang gaw nye a hkang da ai ga hpe n madat ai rai yang, ndai hkawhkam htingnu hten run mat na ra ai ngu, ngai nang hpe dagam de ai. Dai Madu ngai nan tsun ni ai.

YEREMIA 35:17

Ya chyawm gaw, Chyahtum Chyalai N-gun Rawng ai dai Madu Israela a Karai Kasang ngai nan ga shaka tawn da sai hte maren, jahten shabyak ai lam mahkra hpe Yuda mung masha ni hte Yerusalem masha ni yawng a ntsa e shapraw dan na we ai. Ngai nanhte hpe tsun ai shaloi, nanhte nye a ga hpe n madat myit dai, ngai nanhte hpe shaga yang, nanhte n htan ya myit dai majaw, ndai amu hpe ngai shabyin dat na nngai,” ngu nna tsun wu ai.

MIHKA 3:12

Shing rai, nanhte a majaw, Ziun gaw sun zawn shawt kau ai hkrum nna Yerusalem gaw marawng marang sumpum shara tai mat na ra ai; Nawku Htingnu kawng gaw maling tai mat na ra ai.

ZEHKARIA 12:10

“Dawi a amyu matu ni hte kaga Yerusalem mare masha ni hpe matsan dum ai wenyi hte hpyi nem tawng ban ai wenyi jahpring ya na mawe ai. Shaloi shanhte gaw si hkra galun hkrum ai wa hpe mada yu nna ma shingtai a matu sharung shayawt nga ma ai zawn, shi a matu hkrap ngu hkrap ngoi na mara ai. Shanhte gaw tinang a kasha alat hpe shamat kau ai ni zawn ahkup ahka nga mat hkra sharung shayawt na mara ai.

ZEHKARIA 14:2

Dai Madu gaw Yerusalem hpe gasat na matu masha amyu baw ni hpe jahpawng da na ra ai. Dai mare gaw gasat la kau ai hkrum nna, nta ni hpya katut nna numsha ni mung roi rip hkrum na mara ai. Amyu masha ka-ang hkup hte gaw bawng dung mat wa ti mung, naw ngam nga ai ni mahtang mare kaw nna tsan tsan de n woi la hkrum nga ma ai.

MAHTE 21:9

Yesu a shawng e sa wa ai ni hte hpang e hkan nang ai masha wunawng ni gaw, “Dawi a Kasha a hpung shingkang hpe shakawn mu! Madu a mying nsang hte du sa ai wa gaw a nga ai law! Karai Kasang a hpung shingkang hpe shakawn kungdawn nga mu law!,” nga nna jahtau garu ma ai.

MAHTE 23:37

“Yerusalem e, Yerusalem e, myihtoi ni hpe sat kau kau rai nna, nang hpang de shangun dat ai ni hpe nlung hte kabai sat sat re ai mare e! U kanu gaw u hkai ni hpe singkaw npu e jahpawng da ai zawn, na nshu nsha ni hpe ngai gade lang jahpawng da mayu ti mung, nang n hkraw nga ndai.

LUKA 19:41

Shi gaw Yerusalem mare hte grau ni wa nna, dai mare hpe mu mada ai shaloi, de a matu shi hkrap nna,

LUKA 21:24

Nkau mi gaw nhtu hte sat kau hkrum nna, kaga ni gaw bawng hku masha amyu shagu ni e mungdan kaga ga de rim woi mat wa ai hkrum na mara ai rai nna, maigan amyu ni a matu Karai Kasang ladaw da ai nhtoi htum ai shani du hkra, Yerusalem mare gaw maigan amyu ni e kabye dip up da ai hkrum na ra ai.

YAWHAN 12:13

shanhte gaw namhtan lakung ni daw lang nna shi hpe sa tau la nna, “Karai Kasang hpe shakawn mu! Dai Madu a amying hte du sa ai wa ngu ai Israela a hkawhkam gaw a nga u ga law!,” nga nna garu ma ai.