LUKA 13:25 - Jinghpaw Common Language Bible 2009

²⁵ Nta madu wa rawt nna chyinghka la kau na ra ai; shaloi nanhte shinggan e tsap nga nna, chyinghka akawk let, ‘Madu e, anhte hpe hpaw la mi,’ nga nna hpyi myit yang, dai wa gaw, nanhte kanang na rai myit dai hpe ngai n chye nngai,” nga nna nanhte hpe htan na ra ai.

Jinghpaw Hanson Version Bible

²⁵ Nta madu wa chyinghka rawt la kau sayang, nanhte shinggan e tsap nga nna chyinghka akawk let, ‘Madu e, anhte e hpaw la mi,’ nga nna hpyi myit yang, dai wa gaw, ‘Nanhte kanang na rai myit dai gaw, ngai n chye made ai,’ nga nna htan myit jang,

LUKA 13:25 ပူးပေါင်းရင်းမြစ်များ

NINGPAWT NINGHPANG 7:16

Noa hte rau dai sanghpaw li kata de shang ma ai. Dai hpang dai Madu gaw Noa hpe kata e la sharawng da wu ai.

SHAKAWN KUNGDAWN 32:6

Dai rai nna, na a sadi dung ai amyu masha ni yawng hte gaw ra kadawn ai aten ni hta nang kaw akyu hpyi na mai nga ai; ru tsang mawru kaba adawt shang wa ai shaloi dai gaw shanhte kaw du dep wa na n rai.

ESAIA 55:6

Dai Madu hpang de kayin wa nna shi kaw akyu hpyi u, ya aten, shi ani sha nga nga ai.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

LUKA 13:27

Rai ti mung nta madu wa gaw, “Nanhte kanang na rai myit dai hpe ngai n chye nngai, n hkru n shawp ai masha ni yawng hte e, ngai kaw na pru mat wa mu!,” nga nna tsun na ra ai.

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

LUKA 6:46

“Ngai tsun ai hte maren n hkan galaw myit dai mi hpa rai nanhte ngai hpe Madu e, Madu e, nga myit ta?

2 KORINHTU 6:2

Madat mu, Karai Kasang gaw, “Ngai nanhte hpe chyeju jaw na aten du ai shaloi, nanhte a hpyi nem ai ga hpe ngai madat ya made ai; ngai nanhte hpe hkye hkrang la na ninghtoi du ai shaloi, nanhte hpe ngai karum made ai,” nga nna shi tsun nga ai. Karai Kasang a chyeju hkam la na ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

HEBRE 12:17

Nanhte chye nga ai hte maren, shi gaw hpang e she kawa kaw na shaman chyeju lu la mayu wu ai, rai ti mung shi n lu wu ai, hpa majaw nga yang, shi galaw lai wa sai lam hpe bai sharai na lam hpe myi prwi hte tam katu wu ti mung, n mu la nu ai.