LUKA 13:24 - Jinghpaw Common Language Bible 2009

²⁴ Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.

Jinghpaw Hanson Version Bible

²⁴ Yesu gaw, “Gyip ai chyinghka hku shang lu na, shaja mu: ngai nanhte hpe tsun made ga, masha law law wa shang na tam ma ai rai timung, n shang lu ai nga na mara ai.

LUKA 13:24 ပူးပေါင်းရင်းမြစ်များ

GA SHAGAWP 14:6

Rai dum ai masha ni galoi mung hpaji rawng ai masha n tai lu nga ai; zai byeng-ya rawng ai masha ni chyawm gaw hpaji hpe aloi sha sharin la nga ma ai.

GA SHAGAWP 21:25

Bungli galaw na matu, ningdang ai lagawn masha gaw, shi hkum hpe shi sat ai wa sha rai nga ai.

HPAJI NINGLI 10:15

Amu bungli hta hki ba nga ai majaw; shi gaw nta wa lam hpe n chye tam la hkra grai wa angawk nga ai.

ESAIA 1:15

Nanhte gaw lata sharawt nna akyu hpyi myit yang, ngai nanhte hpe yu na nngai n rai. Nanhte kade wa mi akyu hpyi myit dai rai tim, ngai madat ya na made ai n rai, hpa majaw nga yang, nanhte a lata sai kap nga myit dai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

MAHTE 11:12

Hkalup Sara Yawhan hkaw tsun hpang ai ten kaw nna, ya ndai shani du hkra, sumsing lamu a Mungdan gaw kashun kashe dang lu n-gun lang ai ni gaw dai mungdan hpe kashun shing nyen la na matu shakut nga ma ai.

LUKA 13:23

Dai shaloi, masha langai mi gaw, “Madu e, hkye hkrang la hkrum ai masha ni loi mi sha rai na rai nga a ni?,” ngu nna san wu ai.

LUKA 21:36

Nanhte gaw dai byin wa na ra ai lam ni yawng hpe lai di nna lawt lu na n-gun atsam lu la myit ga hte Masha Kasha a man e tara daw dan hkam na matu tsap lu ging ai ni tai lu myit ga akyu hpyi nga let amaja nga mu,” ngu mu ai.

YAWHAN 13:33

Ngai sha ni e, ngai nanhte hte jahkring mi sha she rau nga lu na ni ai. Nanhte ngai hpe tam na marin dai. Ngai wa ai shara de mung nanhte n hkan nang lu na myit dai, ngu nna ahkaw ahkang lu ai Yuda masha ni hpe ngai tsun ai hte maren, nanhte hpe mung ngai tsun made ai.

YAWHAN 5:4

(Karai Kasang a lamu kasa langai mi gaw jahkring jahkring sha hka lawng de yu sa nna hka hpe shamu shangun wu ai rai nna, dai masha ni gaw hka shamu wa na hpe la nga ma ai. Shing rai hka shamu wa ai hte rau shawng nnan hka lawng de shang lu ai wa gaw ana ahkya mat nga malu ai)

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

YAWHAN 7:34

Shaloi nanhte ngai hpe tam na marin dai, rai ti mung nanhte ngai hpe mu na myit dai n rai, hpa majaw nga yang, ngai nga ai shara de nanhte n du lu na myit dai,” ngu mu ai.

YAWHAN 8:21

Yesu shanhte hpe bai tsun mu ai gaw, “Ngai wa mat na nngai, shaloi nanhte ngai hpe tam ti mung nanhte gaw tinang a yubak mara ni hta si mat na myit dai. Ngai wa ai shara de mung nanhte n du lu na myit dai,” ngu mu ai.

ROMA 10:3

Shanhte gaw masha hpe Karai Kasang a man e ding hpring wa shangun ai Karai Kasang a lai masa n chye ma ai rai nna dai hpe hkan na malai tinang dai gyin shapraw la ma ai majaw Karai Kasang a lai masa hku ding hpring wa lu na lam n hkan sa ma ai.

KOLOSE 1:29

Shing rai dai lam byin lu hkra, ngai gaw Hkristu jaw ya ai mauhpa n-gun atsam hte jam jau hkam nna galaw shakut nngai. Dai n-gun atsam ngai hta amu galaw nga ai gaw, ngai galaw ai bungli hta dan dawng nga ai.

HEBRE 4:11

Dai rai nna shanhte a n kam n sham ai a majaw ban sa ai de n shang lu ai Israela masha ni zawn anhte kadai hta mung n byin u ga, dai ban sa ai de shang lu na matu anhte atsam htum hkra shakut shaja nga ga.

YAWSHU 7:3

Yawshu hpang de bai nhtang wa nhtawm, “Ai mare hpe masha shagu htim gasat n ra ai; masha hkying lahkawng masum daram sha shangun dat tim ram sai. Dai gaw mare kaba n rai nga ai majaw luksuk ting hpe sa gasat shangun na gaw n ra nga ai,” ngu nna tang madun ma ai.

2 PETRU 1:10

Dai re ai majaw, nye a hpu nau ni e, nanhte hpe Karai Kasang e shaga la ai hte lata la sai ngu ai lam hpe tut tut hkam sha nga na matu grau nna shakut shaja nga mu. Shing rai galaw myit yang gaw, nanhte a makam masham hpe galoi mung kabai kau na myit dai n rai.