LUKA 13:23 - Jinghpaw Common Language Bible 2009

²³ Dai shaloi, masha langai mi gaw, “Madu e, hkye hkrang la hkrum ai masha ni loi mi sha rai na rai nga a ni?,” ngu nna san wu ai.

Jinghpaw Hanson Version Bible

²³ Shaloi masha langai mi gaw, “Madu e, hkye hkrang la ai kaw du ai ni n law ma ni?” ngu wu ai.

LUKA 13:23 ပူးပေါင်းရင်းမြစ်များ

MAHTE 19:25

Sape ni dai ga na ma yang, nachying myit mau mat ma ai hte, “Dai rai yang gaw, kadai wa mi hkye hkrang la hkrum lu a ta?,” ngu nna san mu ai.

MAHTE 20:16

Dai hpang Yesu gaw, “Dai rai nna, hpang hkrat ai ni shawng na mara ai; shawng ai ni mahtang hpang hkrat na mara ai,” ngu nna tsun hpungdim wu ai.

MAHTE 22:14

Dai hpang Yesu gaw, “Shaga la hkrum ai ni law ma ti mung, lata la hkrum ai ni mahtang n law ma ai,” ngu mu ai.

MAHTE 7:14

Rai ti mung, asak hkrung ai de hkrang ai chyinghka chyawm gaw, gyip nga ai hte de a lam yak la nga ai rai nna, dai hpe mu tam ai ni n law la ma ai.

LUKA 13:22

Bai Yesu gaw, mare kahtawng langai hte langai de shang nna, masha ni hpe sharin shaga let, Yerusalem de lai sa wa ai.

LUKA 13:24

Yesu gaw, “Gyip ai chyinghka hku shang lu na nanhte shakut shaja mu, hpa majaw nga yang, masha law law wa shang na matu kaja wa shakut na mara ai, rai ti mung, n shang lu na mara ai.