LUKA 13:17 - Jinghpaw Common Language Bible 2009

¹⁷ Shi htan ai ga a majaw, shi hpe hpyen tai ai ni kaya mat shajang ma ai. Shawa masha ni yawng chyawm gaw, shi galaw ai mauhpa amu mahkra a majaw kabu gara shajang nga ma ai.

Jinghpaw Hanson Version Bible

¹⁷ Shing ngu tsun jang, shi hte nhtan shai ai ni nlang hte gaw kaya mat shajang ma ai: shawa masha ni yawng hte chyawm gaw, shi galaw ai hpung shingkang amu mahkra a majaw, kabu gara shajang nga ma ai.

LUKA 13:17 ပူးပေါင်းရင်းမြစ်များ

SHAKAWN KUNGDAWN 109:29

Nye a gumlau hpyen ni gaw myi man sum ai hte htinggrum da ai hkrum nga mu ga; shanhte gaw kaya kahpa hpe nba zawn lawai da nga mu ga.

SHAKAWN KUNGDAWN 111:3

Shi galaw ai lam yawng mayawng hte hta hpung shingkang arawng sadang hte hpring nga ai; shi a ding man ai lam prat ting anga nga ai.

SHAKAWN KUNGDAWN 132:18

Ngai gaw shi a gumlau hpyen ni hpe kaya kahpa hte htinggrum da ya na nngai; rai ti mung, shi a mungdan gaw ngamu ngamai wa nna gumring gumrat wa na ra ai,” nga nna tsun nga ai.

SHAKAWN KUNGDAWN 40:14

Ngai hpe sat na maw ai ni tsep kawp sum mat nna shanut kau ai hkrum mu ga. Nye a ru tsang ai lam ni a majaw kabu gara nga ai ni gaw shingdu de htingnut mat wa nna, kaya kahpa hkrum mu ga.

PRU MAT 15:11

“Madu e, karai ni hta nang zawn re ai wa kadai nga nga a ta? Kadai wa nang zawn chyoi pra ai hta mauhpa amu shadan dan lu a ta? Nang galaw dan ai zawn, lamik kumla ni hte chyalai n-gun hte hpring ai amu hpe kadai wa galaw lu a ta?

ESAIA 4:2

Dai Madu gaw hpun lawn hte hpun shagu hte hpe lamu ga hta tu kaba wa shangun ai hte tsawm htap shangun na ra ai. Asak naw hkrung nga ai Israela amyu masha ni gaw dai lamu ga na shapraw ya ai nsi naisi a majaw kabu awng sharawng ai hte gumrawng wa na mara ai.

ESAIA 45:24

“Shanhte gaw ngai hku nna sha awng padang hte n-gun atsam mu la nga ai; rai ti mung ngai hpe n dawng ai ni yawng gaw kaya kahpa hkrum na mara ai, nga nna tsun na mara ai.

ESAIA 66:5

Shi hpe hkrit kamyin ai hte shi a ga madat mara nga ai nanhte gaw dai Madu ning nga tsun ai ga hpe madat mu: “Nang gaw ngai hta sadi dung nga ndai majaw, na a amyu masha majing na nkau mi ngai hpe n ju ai hte nang hte hpa amu mung galaw na mara ai n rai. Shanhte gaw nang hpe ashu ai hte, ‘Dai Madu gaw shi a galu kaba ai hpe madun nna nang hpe hkye la u ga, shaloi nang kabu gara ai hpe anhte mu lu n-ga,’ ngu nna tsun ma ai. Rai ti mung shanhte nan kaya kahpa hkrum na mara ai!

LUKA 14:6

Rai ti mung shanhte gaw ndai lam hte seng nna shi hpe hpa n htan lu ma ai.

LUKA 18:43

Dai wa gaw shaloi jang myi mu lu nna, Karai Kasang hpe shagrau sha-a let, Yesu kaw hkan nang wu ai. Dai byin ai lam hpe mu ai ni yawng, Karai Kasang hpe shakawn kungdawn nga ma ai.

LUKA 19:48

Rai ti mung shanhte gaw shi hpe kaning di na lam n mu mu ai, hpa majaw nga yang, shawa masha ni yawng hte gaw ga hkaw mi mung n jahkrat kau mayu hkra shi a sharin shaga ai ga madat noi nga nga ma ai.

LUKA 20:40

Hpa majaw nga yang, dai ni gaw Madu hpe hpa ga san mung bai n san wam mat ma ai.

KASA 4:21

Shaloi salang kongsi gaw shan hpe shawng na hta grau ja ai hku sadi jaw daru jet nna dat dat mu ai. Shanhte gaw shan hpe ari jaw na lam n mai byin ai hpe mu chye ma ai. Hpa majaw nga yang dai byin ai amu a majaw, masha n lang Karai Kasang hpe shagrau sha-a ma ai.

2 TIMOHTI 3:9

Rai ti mung shanhte a awng dang ai lam gaw, dai hte hta jan nna na na hkam na n rai, hpa majaw nga yang dai yan hta hpa baw byin wa ai lam dan leng wa ai zawn ndai masha ni kade angawk ai lam mung masha ni a man e dan leng wa na ra ai.

TITU 2:8

Na a hpyen ni gaw nanhte hpe hpa lam hta mung mara n mu tam ai majaw kaya hkrum mu ga, nang gaw masha ni a mara shagun n hkrum hkra teng man ai ga ni hte shadum sharin nga u.

1 PETRU 3:16

Rai ti mung dai hpe sumnung shingdi nna hkungga lara ai hte galaw nga mu, Nanhte hpe n kaw n law nga nna roi asawng ai ni gaw nanhte Hkristu a hpang hkan nang ai ni hku nna hkan sa nga ai mai kaja ai arawn alai hpe mu nna shanhte tsun kau ai lam hte seng nna kaya kahpa hkrum mat mu ga, nanhte a myit masin asan sha re ai hku asak hkrung nga mu.