LUKA 13:16 - Jinghpaw Common Language Bible 2009

¹⁶ Ya ndai Abraham a amyu matu shayi sha hpe mung, shi matsat ning tup, Satan e gyit hkang da ai sumri hta na, Bansa Nhtoi e mai raw dat ai n rai ni?,” ngu nna htan wu ai.

Jinghpaw Hanson Version Bible

¹⁶ Dai rai yang gaw, ndai Abraham a shayi sha hpe mung, shi matsat ning tup, Satan e gyit hkang da ai sumri hta na, laban nhtoi e mai raw dat ai, n rai ni?” ngu nna htan wu ai.

LUKA 13:16 ပူးပေါင်းရင်းမြစ်များ

SHAKAWN KUNGDAWN 107:14

Shi gaw shanhte hpe nsin tawng hte sin htat ai shingnip kata kaw nna woi shapraw la ai hte; shanhte hpe gyit hkang da ai hpri sumri ni hpe mung, gang di kau ya nu ai.

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MARKU 2:27

Dai hpang Yesu gaw, “Laban Nhtoi gaw masha a mai kaja lam a matu galaw da ai rai nna masha gaw Laban Nhtoi a matu hpan da sai n rai.

LUKA 16:24

Shaloi shi gaw, ‘Wa Abraham e, ngai hpe matsan dum la e law! Ngai gaw ndai wan grung ai hta nji nmu machyi hkrum nga nngai majaw, Lazaru gaw shi a lata ndung hte ntsin loi mi hta kapruk sa nna, nye a shinglet madit katsi ya lit ga, ngai hpang de shangun dat ru law,’ ngu nna hpyi jahtau wu ai.

LUKA 19:9

Shaloi Yesu gaw, “Dai ni ndai nta hta hkye hkrang la ai lam pru sai, hpa majaw nga yang, shi mung Abraham a kasha rai nga ai.

LUKA 3:8

Dai majaw nanhte a yubak mara ni kaw na myit malai kayin wa sai ngu nna tsun lu hkra re ai lam hkan sa galaw mu. Abraham gaw anhte a ji wa rai nga ai, nga nna nanhte shada da hkum tsun myit; nanhte hpe ngai tsun made ga, Karai Kasang gaw ndai nlung ni hpe la nna shi a matu kashu kasha ni hpe hpan shapraw dat lu ai.

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

KASA 13:26

“Abraham a kashu kasha rai nga ai nye hpu nau Israela amyu masha ni hte nang e Karai Kasang hpe hkrit hkungga nawku daw jau ai kaga maigan amyu sha ni yawng hte e, ndai hkye hkrang la ai mungga gaw anhte hpang de jaw dat ra ai.

2 TIMOHTI 2:26

Dai shaloi e shanhte gaw jaw ai hku bai mu mada dum hprang wa nna Satan a mahkam kaw na lawt lu na mara ai. Dai Satan gaw shanhte hpe rim la nna shi a myit ra ai lam hpe hkan sa shangun yu sai wa rai nga ai.