LUKA 13:15 - Jinghpaw Common Language Bible 2009

¹⁵ Shaloi, dai Madu gaw shi hpe, “Sawt ai masha ni nanhte hta na kadai mung, Bansa Nhtoi e tinang a dumsu, lawze ni hpe ntsin shayaw na matu wulawng kaw na raw dat nna woi sa ga myit dai.

Jinghpaw Hanson Version Bible

¹⁵ Shaloi dai Madu shi hpe, “Sawt ai masha ni e, nanhte langai hte langai laban nhtoi e tinang a yamnga lawze hpe ntsin shayaw na ulawng na raw dat ga myit dai, n rai ni?

LUKA 13:15 ပူးပေါင်းရင်းမြစ်များ

YOBA 34:30

Shanhte hpe up hkang nga ai kaw nna karai kata dip lu dip sha ai masha ni hpe hkum ban lu na matu, masha amyu baw ni galaw lu ai amu hpa mung n nga nga ai.

GA SHAGAWP 11:9

Karai kata masha ni a tsun shaga ai ga hte nanhte hten run lu nga myit ti mung; ding hpring ai wa a hpaji byeng-ya gaw nanhte hpe hkrang shaw la lu nga ai.

ESAIA 29:20

Dai gaw kaga masha ni hpe dip gamyet sha ai ni hte Karai Kasang hpe n gawn n sawn rai madun dan ai ni a jahtum na lam rai na ra ai. Yubak kap ai masha shagu hte gaw jahten kau hkrum na mara ai.

MAHTE 15:14

Dai rai nna shanhte a majaw, myit hkum ru nga myit. Shanhte gaw myi kyaw ai wa hpe lam madun ai myi kyaw ai ni rai nga ma ai: myi kyaw ai wa gaw, myi kyaw ai wa hpe lam madun a yang gaw, shan lahkawng gaw nhkun kata de di hkrat na mara ai,” ngu mu ai.

MAHTE 15:7

Sawt ai ni e! Nanhte hte seng nna Karai Kasang gaw Esaia a n-gup hku nna,

MAHTE 23:13

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw masha ni a man e sumsing lamu a chyinghka hpe pat da mu ai. Nanhte nan mung n shang myit dai hte, shang na matu shakut ai ni hpe mung shang na ahkang n jaw myit dai.

MAHTE 23:28

Dai hte maren, nanhte gaw shinggan hkrang nsam hku nna masha ni a man e ai re ni zawn rai nga myit ti mung, kata de gaw sawt ai hte yubak mara ni hte hpring chyat nga myit dai.

MAHTE 7:5

Sawt ai wa e, na a myi hta na hpun tawng hpe shawng lai kau u; dai hpang na a nhpu nnau wa a myi hta na nbun hpe lai kau ya na matu, nang asan sha mu lu na rin dai.

LUKA 12:1

Dai shaloi masha hkying mun hpawng kaput wa ai majaw shada da pyi kabye hkra hkra rai nga ma yang, shi a sape ni hpe, Yesu shawng tsun hpang mu ai gaw, “Hparishe ni a sawt ai myit ngu ai, matsi hpe koi gam nga mu.

LUKA 14:5

Dai hpang shi shanhte hpe, “Nanhte hta na marai langai ngai, tinang a kasha langai mi shing n rai dumsu langai mi Bansa Nhtoi e hka htung hta hkrat bang yang, dai Bansa Nhtoi jang n dun shaw la ai nga na myit ni?,” ngu nna tsun mu ai.

LUKA 6:42

Tinang a myi hta rawng ai hpuntawng hpe n mu lu ai wa mi, ‘Hpu nau wa e, na a myi hta rawng ai nbun hpe ngai naw lai kau ya de ga!,’ nga nna hpu nau wa hpe kaning rai tsun lu n ta? Sawt ai wa e! Na a myi hta na hpuntawng hpe shawng la kau u; dai hpang na nhpu nnau wa a myi hta rawng ai nbun hpe lai kau ya na matu nang asan sha mu na rin dai.

LUKA 7:13

Madu gaw, dai gaida jan hpe mu jang, shi hpe matsan yu dum nna, “Hkum hkrap et,” shi hpe ngu wu ai.

LUKA 7:19

Yawhan gaw, shi a sape lahkawng hpe shaga la nhtawm, dai Madu hpang de shangun dat nna, “Nang gaw Yawhan tsun ai dai du sa na ra ai wa rai nga n ni?,” ngu nna san dat wu ai. “Shing n rai kaga hpe anhte naw myit mada lu na rai nga a ni?,” ngu nna shi hpe san mu ai.