LUKA 12:5 - Jinghpaw Common Language Bible 2009

⁵ Kadai hpe sha hkrit mai ai gaw, ngai nanhte hpe madun dan made ga. Masha hpe sat kau ngut jang, ngarai kata de jahkrat kau na ahkang lu ai Karai Kasang hpe chyawm gaw hkrit nga mu, ngai tsun ai hpe kam mu, shi gaw nanhte hkrit ra ai wa nan rai nga ai!

Jinghpaw Hanson Version Bible

⁵ Kadai hpe sha hkrit mai ai gaw, ngai nanhte hpe shadum made ga; Hkum tsawp hpe sat kau ngut jang, ngarai kata de jahkrat kau na ahkang lu ai wa hpe chyawm gaw, hkrit nga mu: rai sa, ngai nanhte hpe tsun made ai gaw, Dai wa hpe hkrit nga mu.

LUKA 12:5 ပူးပေါင်းရင်းမြစ်များ

SHAKAWN KUNGDAWN 9:17

Tara n lang ai ni hte Karai Kasang hpe nyet kau ai ni yawng a jahtum gaw si hkrung si htan lam rai nga ai.

GA SHAGAWP 14:26

Dai Madu hpe hkrit hkungga ai gaw dinghku masha ni hte shi a matu, kam hpa shara hte shim lum ai lam hpe jaw ya nga ai.

YEREMIA 10:7

Masha amyu baw ni yawng a hkawhkam wa e, nang hpe kadai n shagrau sha-a na rai ta? Nang gaw shagrau sha-a na ging nga ndai. Masha amyu baw ni a hpaji rawng ai masha ni yawng hta mung, hkawhkam ni kadai hta rai tim, nang hte bung ai wa langai mi mung n nga nga ai.

YEREMIA 5:22

Ngai gaw dai Madu rai nga nngai; nang ngai hpe hpa majaw n hkrit kamyin nga n ni? Nang gaw hpa majaw nye a man e n hkrit gari nga n ta? Ngai gaw panglai hka n lai lu hkra zaibru hpe agrin nga ai lamu ga jarit zawn tawn da ni ai. Panglai hka ni kanawng ti mung, dai hpe lai lu ai n rai; hka leng ni hta wa ti mung shanhte lai di lu ai n rai.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

MAHTE 25:41

“Dai hpang, shi a pai maga de nga ai ni hpe, ‘Dagam dala hkrum ai ni e, ngai kaw na hka mat wa mu! Nat gumlau hte shi a salung sala ni a matu lajang da ai n htum n wai wan de shang wa mu!

MAHTE 25:46

Dai majaw shanhte gaw, n htum n wai ari de shang wa na maru ai, rai ti mung ding hpring ai ni mahtang n htum n wai asak de shang lu na mara ai,” ngu wu ai

MAHTE 5:22

Rai ti mung, ya ngai nanhte hpe tsun made ga, tinang a kahpu kanau wa hpe masin pawt ai wa kadai rai ti mung jeyang ai hkrum na ra ai, tinang a kahpu kanau wa hpe, ‘Nang hpa akyu n rawng ai masha rai ndai!’ (Raka, Raca!), nga ai wa gaw, dai kongsi hpawng a daw dan ai hte ging dan nga ai; bai tinang a kahpu kanau wa hpe, ‘mana ndai’ nga ai wa gaw, ngarai wan hte ging dan nga ai.

MARKU 13:23

Nanhte sadi nga mu! Ngai nanhte hpe ndai lam shagu garai n byin kaw nna tau tsun dan ni ai.

1 HTESALONI 4:6

Ndai zawn re ai amu hta nanhte kadai wa mung, tinang a Hkristan hpu nau wa hpe shut hpyit ai lam shing n rai, hpu nau wa a ntsa e ahkaw ahkang la ai lam n mai galaw myit dai. Ndai lam shawng de nanhte hpe anhte tsun dan yu saga ai rai nna Karai Kasang gaw shut hpyit tawt lai ai ni hpe ari jaw na ra ai lam nanhte hpe aja awa sadi jaw dat ga ai.

HEBRE 10:31

Hkrung nga ai Karai Kasang a lata de hkrat bang wa ai lam gaw nachying hkrithpa wa rai nga ai!

2 PETRU 2:4

Karai Kasang gaw yubak mara galaw ai lamu kasa ni hpe pyi gaw hkyamsa n jaw ai sha ngarai de jahkrat bang kau nhtawm dai yang e nsin hta gyit hkang da nna tara daw dan ai nhtoi hpe ala nga shangun mu ai.

SHINGRAN 14:7

Dai lamu kasa gaw, “Shinggyim masha amyu baw shagu hpe tara dara na aten du ra ai. Dai majaw, Karai Kasang hpe hkrit hkungga mu! Shi a htani htana galu kaba ai hpung shingkang hpe shagrau sha-a mu! Sumsing lamu hte ginding aga, panglai hte hka hpawk ni hpe hpan tawn da ai wa hpe nawku nga mu!,” nga nna nsen kaba hte tsun nga ai.

SHINGRAN 15:4

Madu e, nang hpe n hkrit hkungga ai kadai wa nga lu na rai ta? Nang galu kaba nga ai hpe n yin la ai kadai nga lu na rai ta? Nang chyu sha chyoi pra nga ndai; nang galaw ai amu ni ding hpring nga ai lam yawng mu lu ma ai majaw, masha amyu baw shagu ni, na a man e, sa nawku na mara ai law!,” nga nna tsun ma ai.

SHINGRAN 20:14

Shaloi si hkrung si htan hte si ai ni a katsan ga gaw, wan nawng hta jahkrat bang kau ai hkrum ma ai. (Dai wan nawng gaw lahkawng lang ngu na si ai lam rai nga ai.)