LUKA 12:48 - Jinghpaw Common Language Bible 2009

⁴⁸ Rai ti mung, tinang a madu hpa baw ra ai hpe n chye ai sha, anu kayat ging ai amu galaw ai shangun ma hpe gaw, loi mi sha anu kayat ai hkrum na ra ai. Chyeju galaw ai lam law law hkam la ai wa kaw na, law law hpyi na ra ai; grau nna kam ai hte ap ya da hkrum ai wa kaw na grau law hkra bai hpyi na ra ai.

Jinghpaw Hanson Version Bible

⁴⁸ n chye nna anu ging ai amu galaw kau ai mayam chyawm gaw, loi mi sha anu ai hkrum na ra ai. Law wa hkam la ai wa kaw na, law wa hpyi na ra ai; law wa ap ya shajang ai wa kaw na mung, grau nna bai hpyi na mara ai.

LUKA 12:48 ပူးပေါင်းရင်းမြစ်များ

JAW JAU 5:17

Marai langai ngai gaw dai Madu hkang da ai lam lama ma hpe n dum shami yubak galaw hkrup kau ai rai yang, mara lu nga ai rai nna yubak ari gun lu na rai nga ai.

BU HKAWM 15:27

Marai langai ngai n dum shami yubak galaw hkrup kau ai rai yang, htingrai hkungga shatai na matu ladu hkrum sai bainam yi langai mi nawng ya na rai wu ai.

MAHTE 13:12

Hpa majaw nga yang, lu ai wa kadai hpe mung naw jat jaw na rai nna, shi hta law htam wa na rai nga ai; rai ti mung n lu ai wa kaw na chyawm gaw shi lu ai kachyi mi hpe pyi naw la kau ya na ra ai.

MAHTE 23:14

(Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw gaida jan ni hpe dang sha nna shanhte a dum nta ni hpe hpya sha nhtawm, masha e yu yang tsawm na hku hpyi hpun ai hku galu galang akyu hpyi myit dai. Dai lam a majaw nanhte gaw grau nna kaba ai ari hkrum na marin dai.)

LUKA 12:41

Petru gaw, “Madu e, ndai ga shadawn gaw, anhte hpe sha tsun ai rai ni?, shing n rai masha hkum shagu hpe tsun ai rai ni?,” ngu nna san wu ai.

LUKA 12:49

“Ga ntsa de wan jahkru dat na, ngai du sa ring ngai; dai wan ja jang chyi kap sai rai taw gaw, ngai hpa n dawt shara nga na a ta?

LUKA 16:2

Dai majaw, sahti wa gaw, shi hpe shaga la nna, ‘Ngai na lu ai, na a lam gaw kaning re ai rai ta? Na a bungli hte seng nna, nye a sut rai ni hpe gara hku jai lang sai lam hkum tsup ai jahpan laika dan yu rit, hpa majaw nga yang, ya kaw nna hpareng amu nang galaw lu na nit dai n rai,’ ngu wu ai.

YAWHAN 15:22

Ngai shanhte hpe n hkaw n tsun ai sha nga ai rai taw gaw, shanhte hta mara n nga na re ai. Ya chyawm gaw shanhte mara galaw sai lam gara hku mung mara lawt hkra tsun ndang shara n nga manu ai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

TARA JAHPRANG 25:2

Mara lu ai wa mahtang shingna kayat hkam na matu daw dan hkrum wu ai rai yang, tara agyi wa gaw dai wa hpe shagum tawn nna shi shut ai mara hte ging dan ai made kayat na rai wu ai.

1 TIMOHTI 1:11

Dai sharin shaga ai lam gaw, hpung shingkang rawng nna a lu ai Karai Kasang kaw na Kabu Gara Shiga hte maren rai nga ai. Dai Kabu Gara Shiga hpe tsun ndau na matu Karai Kasang gaw ngai hpe ap da ni ai.

1 TIMOHTI 1:13

Ngai chyawm gaw lai wa sai ten hta Madu hpe n kaja ai hku mara shagun tsun shatan ai zingri zingrat ai hte roi asawng re ai wa rai nngai. Rai ti mung Karai Kasang gaw ngai hpe matsan dum nga ai; hpa majaw nga yang, ngai hta makam masham garai n rawng ai rai nna ngai hpa galaw nga ai hpe ngai n chye we ai.

1 TIMOHTI 6:20

Timohti e, nang hpe ap ya da ai aya hpe atsawm sha tek mahkyu nga u; n san n seng ai ga shaga ai lam hpe mung, chye chyang ai lam re ngu nna masha nkau mi shamying tsun shut ai angawk angak re ai ndang kalang ga ni hpe mung koi kau u.

TITU 1:3

Shing rai aten ladaw hkrak jaw ai shaloi dai htani htana asak hpe shi a mungga hta shapraw shadan wu ai. Dai mungga ngai hpe ap ya ni ai rai nna, anhte a hkye hkrang la ai Madu a hkang da ai ga hte maren, dai hpe ngai hkaw tsun nngai.

YAKU 3:1

Nye a hpu nau ni e, anhte sara ni gaw kaga masha ni hta grau nna ja ai tara hte daw dan ai hkrum na raga ai hpe dum let, nanhte marai law law wa sara hkum tai mayu nga mu.