LUKA 12:47 - Jinghpaw Common Language Bible 2009

⁴⁷ “Tinang a madu hpa baw galaw na hpe ra sharawng ai lam chye nga da ninglen, dai galaw na matu tinang dai n hkyen shachyip da ai shangun ma kadai hpe rai ti mung ri tawng hte aja awa anu kayat nna ari jaw ai hkrum na ra ai.

Jinghpaw Hanson Version Bible

⁴⁷ Tinang madu a myit chye da ninglen, madu a myit hku n hkan, chyip chyip rai n hkyen nga ai mayam kadai rai timung, anu ajin di ai, law hkrum na ra ai.

LUKA 12:47 ပူးပေါင်းရင်းမြစ်များ

EZEKELA 9:6

Dingla ni hte shabrang ni hpe mung, mahkawn ni hte kanu ni, ma kaji ni hpe htau sat kau mu. Rai ti mung, kahtan ntsa e masat shakap da hkrum ai ni kadai hpe mung hkum hkra myit. Dai amu hpe nye Nawku Htingnu shara hta galaw hpang mu,” ngu nna tsun ai ga hpe ngai na nngai. Shanhte gaw dai Nawku Htingnu ndaw e tsap nga ai ningbaw ni hpe shawng sat hpang ma ai.

LUKA 12:41

Petru gaw, “Madu e, ndai ga shadawn gaw, anhte hpe sha tsun ai rai ni?, shing n rai masha hkum shagu hpe tsun ai rai ni?,” ngu nna san wu ai.

LUKA 12:46

dai wa n myit mada ai shani, n dum n chye ai ten hta nta madu wa du wa nna, nhtum nni adup kau nhtawm, kangka sadi sahka ai lam n nga ai ni hkam la lu na ari kamhtaw hpe hkam la shangun na ra ai.

YAWHAN 12:48

Ngai hpe n hkap la ai hte nye a ga n hta la ai wa hpe jeyang na wa kaga mi nga ai; ngai tsun ai mungga e nan hpang jahtum na nhtoi hta dai wa hpe jeyang na ru ai.

YAWHAN 19:11

Yesu gaw, “Nang hpe Karai Kasang e ahkaw ahkang jaw ai majaw sha nye a ntsa e ndai zawn re ai ahkang aya nang lu ndai. Dai majaw ngai hpe nang kaw sa ap ai wa gaw yubak grau kaba lu ai,” ngu nna shi hpe htan wu ai.

YAWHAN 9:41

Yesu gaw, “Nanhte myi n mu ai ni rai myit taw gaw, yubak lu ai ni tai na myit dai n rai; rai ti mung ya gaw, ‘Anhte myi mu ga ai,’ nga nga myit dai, de a majaw nanhte yubak mara lu myit dai,” ngu nna tsun mu ai.

KASA 17:30

Karai Kasang gaw shinggyim masha ni shi hpe n chye n chyang nna lai mat sai prat ni hpe yu shalai kau ya mu ai. Rai ti mung, ya gaw shara magup hkan na masha yawng hte hpe tinang a n hkru n kaja ai lam ni kaw na myit malai nhtang wa mu, ngu nna hkang dat ra ai.

YAKU 4:17

Dai re majaw dai mai kaja ai amu galaw ra nga ai ngu nna chye ninglen n galaw ai wa gaw mara lu nga ai.