LUKA 12:45 - Jinghpaw Common Language Bible 2009

⁴⁵ Rai ti mung, dai shangun ma wa gaw, nye a madu bai du wa na naw na la nga ai, nga nna shi kraw hta myit nga let, shangun ma num, la manang ni hpe, anu ajin di ai hte, lu nga sha nga nna, chyaru nang nga ai shaloi,

Jinghpaw Hanson Version Bible

⁴⁵ Shing n rai, dai mayam gaw, “Nye a madu du wa na naw na la nga ai, nga nna shi a kraw kata e myit nga let, mayam la, mayam num manang ni hpe anu ajin di ai hte, lu nga, sha nga nna chyaru nang nga ai rai yang gaw,

LUKA 12:45 ပူးပေါင်းရင်းမြစ်များ

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

ESAIA 65:6

“Ngai gaw shanhte hpe ari jaw na matu daw dan da chyalu rai ni ai, shanhte a ari hpe mung ka matsing da sai. Shanhte galaw kau sai amu hpe yu numtawt kau ya na nngai n rai, rai ti mung shanhte galaw shut ai yubak mara ni hte

YEREMIA 20:2

shi gaw ngai hpe kayat ai hte Nawku Htingnu kata na lahta Benyamin Chyinghka makau e hpri hte gyit sumroi da mi ai.

EZEKELA 12:22

Shi gaw, “Si chye ai masha wa e, hpa majaw Israela amyu masha ni gaw, ‘Aten ladaw lai mat nna tau tsun ga ni hpa rai n byin ai kun?,’ nga nna dai ga shagawp hpe kahtap tsun tsun rai nga ma ni?

EZEKELA 34:8

Ngai gaw teng teng ahkrung nga ai Karai Kasang rai nga nngai, dai majaw nanhte gaw ngai tsun ai ga hpe madat la nga myit dai. Ndai shara hta sagu rem ai wa n nga ai majaw, nye a sagu ni gaw nam na matse labye dusat ni e gasat hkrum nna sat kau ai hte sha kau hkrum nga ma ai. Nye a sagu rem ni gaw sagu ni hpe n hkan tam shakut ma ai. Shanhte gaw tinang hkum hpe sha lanu lahku nna sagu ni hpe bau maka nga ai n rai.

MAHTE 22:6

Naw nga ai ni mahtang gaw, shi a mayam ni hpe rim la nna anu kayat ai hte sat kau ma ai.

LUKA 12:44

Kaja wa ngai nanhte hpe tsun made ga, nta madu gaw dai wa hpe shi a arai mahkra a ntsa e up hkang na matu san da na wu ai.

LUKA 12:46

dai wa n myit mada ai shani, n dum n chye ai ten hta nta madu wa du wa nna, nhtum nni adup kau nhtawm, kangka sadi sahka ai lam n nga ai ni hkam la lu na ari kamhtaw hpe hkam la shangun na ra ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

YAWHAN 2:10

“Masha kadai mung kaja dik ai sabyi machyan shawng jaw ga ma ai; dai hpe lu law ma jang she, sabyi jabu daw na hpe jaw ma ai. Nang gaw kaja dik ai sabyi machyan hpe ya du hkra kyem da ndai!,” ngu wu ai.

KASA 2:18

Rai sa, dai nhtoi hte yang nye a nchyang la ni hte nye a nchyang jan ni a ntsa e nye a Wenyi ngai ru jaw nna, shanhte nye a mungga htawn tsun na mara ai.

ROMA 16:18

Hpa majaw nga yang shing rai galaw ai ni gaw anhte a Madu Hkristu a amu hpe n gun n hpai ai ni, tinang a kan a matu shatsang ai ni rai ma ai. Shanhte gaw si si rai nga ai, hpa mara n kap ai masha ni a myit hpe shanhte a ga sau ga pyaw awlaw ai ga hte ahpyawp sha kau ma ai.

2 KORINHTU 11:20

Nanhte gaw, nanhte hpe reng sha ai ni, nanhte a ntsa e ahkaw ahkang la ai ni, nanhte hpe mahkam hte rim la ai ni, nanhte hpe yu kaji ai ni, nanhte a myi man kahpret ya ai ni kadai hpe mung nanhte hkam mana nga myit dai.

TARA JAHPRANG 12:12

Dai yang e, nanhte a kashu kasha ni hte mung, nanhte a shangun ma ni hte mung, lamu ga sali n lu ai majaw nanhte a mare ni hta hkan nga ai Lewi masha ni hte mung, shi a man e rau sha kabu gara lu na rai myit dai. Lewi masha ni lamu ga madu lu na n rai nga ai hpe dum mu.

1 HTESALONI 5:7

Masha ni gaw shana aten e yup ma ai, shana aten e chyaru nang ma ai.

2 PETRU 2:13

Shanhte gaw masha kaga ni hpe hkrum sha shangun ai baw nni nkri shanhte hpe bai htang jaw ai hkrum na mara ai: shanhte gaw shani chyingtung e pyi shanhte a hkum shan a pyaw daw lam shadik na matu gaw shanhte a pyaw hpa lam rai nga malu ai, shanhte gaw nanhte hte rau lu sha ai hpawng ni hta rau shang lawm ai majaw nanhte a matu kaya kahpa hte arawng hpoi ai lam byin shangun nga ai. Shanhte gaw galoi mung hkalem ai lam ni galaw ai hta grai pyaw dum ma ai.

2 PETRU 2:19

Shanhte gaw shanhte nan hten bya ai arawn alai ni a mayam rai nga da nna kaga masha ni hpe shalawt dat ai ga sadi jaw ma ai. Hpa majaw nga yang, masha gaw tinang hpe dang ka up kau ai arai nga manga a mayam rai nga ai.

SHINGRAN 16:6

Shanhte gaw Karai Kasang a masha ni hte myihtoi ni a asai hkaw kau ma ai majaw, nang shanhte hpe asai bai lu shangun mu ai. Dai gaw shanhte hta hkrum ging ai hpe hkrum sha ai lam rai nga ai,” nga nna tsun ai hpe ngai na nngai.

SHINGRAN 18:24

Babelon mare ari hkrum ai lam gaw, myihtoi ni a asai, Karai Kasang a amyu masha ni a asai hte, rai sa, ga ntsa e sat kau hkrum mahkrum ni a asai dai mare hta mu hkrup lu sai majaw rai nga ai, nga nna tsun ai.