LUKA 12:4 - Jinghpaw Common Language Bible 2009

⁴ “Nye a jinghku ni e, nanhte hpe ngai tsun made ga, hkum tsawp hpe sha sat kau lu nna, dai hpang kaga kaning mung bai n di lu ai ni hpe hkum hkrit myit.

Jinghpaw Hanson Version Bible

⁴ Nye a jinghku ni e, nanhte hpe ngai tsun made ga, Hkum tsawp hpe sha sat kau lu nna, kaning mung bai n di lu ai ni hpe, hkum hkrit myit.

LUKA 12:4 ပူးပေါင်းရင်းမြစ်များ

GA SHAGAWP 29:25

Kaga masha ni na a lam hpe myit yu ai lam hta sa ginchya nang ai gaw hkrit tsang shara rai nga ti mung, nang gaw dai Madu hta kamhpa lashum nga ai rai yang, nang shim nga lu nga ndai.

Shawlumon A Mahkawn Ga 5:1

Nye a nja jan, nye a num nnan e, ngai gaw nye a sun de shang ni ai. Ngai gaw manam pyaw ai namji namya ni hte mura ni hpe shinggyin la nngai; lagat ntsin hte gitbaw hpe ngai sha nna, sabyi ntsin hte ngachyu hpe ngai lu nga nngai. Tsaw ra ni e, nanhte gaw tsaw ra myit hte lu nang mat ai aten du hkra lu lu sha sha rai nga mu!

Shawlumon A Mahkawn Ga 5:16

Shi a n-gup gaw pup yang dwi nga ai, shi hte seng ai lam magup gaw ngai hpe shalen la nga ai. Yerusalem numsha ni e, dai lam ni gaw nye a tsaw ra hte bung nga ai.

ESAIA 41:8

Rai ti mung, nang nye a shangun ma Israela e, nanhte gaw ngai lata la sai amyu masha ni rai nga myit dai; nanhte gaw nye a jinghku Abraham a aru arat ni rai nga myit dai.

YEREMIA 1:17

Yeremia e, tsun na matu ngai nang hpe hkang da ai lam magup shanhte hpe sa tsun dan su. Ya shanhte hpe hkum hkrit nga et, nang shanhte hte rau nga ai shaloi, ngai nang hpe grau nna pyi hkrit shangun na nngai.

YEREMIA 1:8

Shanhte hpe hkum hkrit nga et, ngai gaw nang hpe makawp maga na matu nang hte rau nga nga na nngai. Dai Madu ngai nan tsun ni ai!,” ngu nna tsun wu ai.

EZEKELA 2:6

“Rai ti mung, si chye ai masha wa e, nang gaw shanhte hpe hkrit ra ai n rai, shanhte tsun ai ga hpa hpe mung hkum hkrit et. Shanhte gaw nang hpe ninghkap nna n kaw n law di na mara ai; dai gaw n-gaw gawk ni a lapran e nga nga ai zawn rai na ra ai. Shanhte gumlau ai hpe mung, shanhte tsun ai ga hpa hpe mung hkum hkrit nga et.

MAHTE 10:28

Nanhte a hkum hkrang hpe sha sat kau nna Wenyi hpe n sat kau lu ai ni hpe hkum hkrit mu: Wenyi hte hpawn hkum hkrang hpe ngarai mung hta e jahten kau lu ai wa hpe grau nna hkrit nga mu.

YAWHAN 15:13

Jinghku ni a matu tinang a asak nawng kau hkra tsaw ra ai myit hta grau kaba ai tsaw ra myit ngu ai gaw n nga sai.

KASA 20:24

Rai ti mung nye a matu masat da ai amu lit hpe mung Madu Yesu ngai e ap ya da ai magam amu hpe mung, tsep kawp ngut kre hkra gun na lam chyu sha ahkyak madung rai nga ai majaw ngai gaw nye a asak hpe pyi lahpawt nngai n rai. Dai Madu ap ya da ai magam amu ngu ai gaw Karai Kasang a chyeju Kabu Gara Shiga hpe hkaw tsun sakse hkam na lam nan rai nga ai.

KASA 4:13

Kongsi hta lawm ai salang ni gaw hpaji n chye ai yu maya masha yan rai nga ai Petru yan Yawhan gade daram nden ja ai myit rawng ai hpe mu ma ai majaw mau mahka mat ma ai. Rai ti mung shawng de Yesu a manaw manang ni tai lai wa sai hpe shanhte dum chye ma ai.

HPILIPI 1:28

Dai hta kaga nanhte gaw hpyen ni hpe; hkum hkrit nga myit, tut nawng e nden marai rawng nga mu. Dai gaw shanhte sum hkrum nna nanhte awng dang wa na sakse kumla tai na ra ai; hpa majaw nga yang nanhte hpe awng padang jaw ai gaw Karai Kasang shi nan rai nga ai.

YAKU 2:23

“Abraham gaw Karai Kasang hpe kam sham wu ai rai nna shi a makam masham a majaw shi hpe ding hpring ai wa ngu nna hkap la wu ai,” nga nna Chyum Laika hta tsun ai ga gaw dik tup wa sai. Dai rai nna Abraham gaw Karai Kasang a jinghku wa ngu ai hpe hkam la wu ai.

1 PETRU 3:14

Rai ti mung lama rai nna teng man ai lam hpe hkan sa galaw nga ninglen nanhte nni nkri hkrum myit yang gaw, kabu lu nga na rai myit dai. Kadai wa hpe mung hkum hkrit nga myit; myit mung hkum ru myit.

SHINGRAN 2:10

Nang hkrum magang ra ai nni nkri hpe hkum hkrit et; Yu u: Nanhte hpe chyam yu na matu nat gaw, nanhte hta na nkau mi hpe htawng hta sharen da na ra ai rai nna, nanhte a ru yak nni nkri hkrum ai lam nhtoi shi ya tup na na ra ai. Si hkra ngai hta maju jung nga u, shaloi ngai nang hpe asak janmau jaw na de ai: dai gaw na a awng padang lu ai shabrai rai nga ai.