LUKA 12:24 - Jinghpaw Common Language Bible 2009

²⁴ U hka ni hpe yu nna myit yu mu; shanhte n gat n hkai, n dan n shu ma ai. Shanhte gaw sut rai bang da na gawk ni, mam dum ni n lu ma ai, rai ti mung, Karai Kasang gaw dai ni hpe sha hpa jaw da mu ai. Nanhte gaw u ni hta grau nna hpu ging nga myit dai n rai ni?

Jinghpaw Hanson Version Bible

²⁴ U hka ni n gat n hkai, n dan n shu ma ai hpe, myit yu mu: dai ni gaw mamdum hte sutdek n lu ma ai; rai timung Karai Kasang gaw dai ni hpe shahpa jaw da nga mu ai: nanhte gaw u ni hta gade grau hpu myit ta?

LUKA 12:24 ပူးပေါင်းရင်းမြစ်များ

YOBA 35:11

Shanhte gaw kaga dusat yam nga hte ntsa malen u hta grau hpaji rawng hkra, anhte hpe hpaji rawng shangun ai Karai Kasang hpang de kayin wa ma ai n rai.

YOBA 38:41

U hka ni kawsi nna nwan pyen nga yang mung, u hka hkalung ni lusha a matu ngai kaw hpyi jahtau yang mung, shanhte hpe kadai jaw sha a ta?

SHAKAWN KUNGDAWN 147:9

Shi gaw yam nga ni hpe shahpa jaw ya ai hte, u hka hkalung ni ngoi shaga ai shaloi, shat ni hpe jaw ya nga ai.

MAHTE 10:31

Dai re ai majaw hkum hkrit myit; u tsa law law hta nanhte grau hpu nga myit dai!

MAHTE 3:12

Shi a lata hta mam yit jasan na matu hkuwawn shi lang da nga ai. Shi a mam chyarang hpe shi yit jasan nhtawm, shi a mam gu hpe gaw mam dum hta shinggyin bang da nna, mam nsan hpe gaw galoi mung n krip ai wan hta nat kau na ru ai, ngu mu ai.

MAHTE 6:26

Ntsa malen na u ni hpe mada yu mu, shanhte nli n gat n dan ma ai, mam dum ni hta mung n mahkawng bang da ma ai. Shing re ai ni hpe pyi, sumsing lamu na nanhte a Kawa gaw, shanhte hpe lusha jaw da nga ai! Nanhte gaw dai u ni hta grau nga myit dai n rai ni?

MARKU 6:26

Hkawhkam wa chyawm gaw, ja ja myit yawn nga timung, rau dung rau hpawng nga ai manam ni a man e shi dagam tsun kau ai ga ni a majaw numsha hpe shi n ningdang kau lu wu ai.

LUKA 12:18

Bai shi gaw, ‘Ngai ndai hku galaw na we ai; nye a dum dingsa ni hpe ngai run kau nna grau kaba ai ni hpe galaw na we ai, dai ni hta nye a nsi naisi hte kaga sut rai ni mahkra hpe ngai shinggyin da na we ai.

LUKA 12:23

Asak gaw lusha hta grau ahkyak nga ai hkum hkrang gaw bu hpun palawng ni hta grau ahkyak nga ai.

LUKA 12:7

Nanhte a baw na kara singgawng ni mahkra hpe pyi hti da nu ai. Dai majaw Hkum hkrit myit, U tsa law law hta nanhte grau manu dan nga myit dai.