LUKA 12:20 - Jinghpaw Common Language Bible 2009

²⁰ Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

Jinghpaw Hanson Version Bible

²⁰ Shaloi Karai Kasang gaw dai wa hpe, “Masha angawk e, dai na jang na a myit masin hpe dawm la kau ya na ra ai: dai rai nna, nang mahkawng shachyip da ai arai ni gaw, gade a matu tai na ra ta?” ngu wu ai.

LUKA 12:20 ပူးပေါင်းရင်းမြစ်များ

ESHTA 5:11

Shi gaw shanhte hpe shi gade sut su nga ai lam hpe mung, shi lu ai shadang sha ni gade daram law nga ma ai hpe mung, hkawhkam wa shi hpe gade wa shagrau shatsaw da sai lam hpe mung, kaga hkawhkam wa a du salang ni hta shi hpe gade daram ahkyak tawn ai lam hpe mung tsun shakawng dan wu ai.

YOBA 27:8

Karai Kasang gaw karai kata masha ni a asak hpe hpyi la ai ahkying hta shanhte a matu hpa baw myit mada shara naw nga nga a ta?

SHAKAWN KUNGDAWN 39:6

shingnip langai mi hta pyi grau nga ai n rai. Shi galaw ai lam yawng mayawng mung kaman a matu rai nga ai; shi gaw sut gan hpe mahkawng da ti mung dai hpe kadai lu la na ra ai gaw, n chye nga ai.

SHAKAWN KUNGDAWN 49:10

Hpaji chye chyang ai masha ni rai ti mung, angawk angak re ai hte mana ai masha ni du hkra pyi, si ai hpe n lai lu ai gaw, kadai mung chye lu nga ai. Shanhte yawng gaw shanhte a sut gan ni hpe shanhte a matu mara ni a matu, htawng da ya nga ai.

SHAKAWN KUNGDAWN 73:19

Shanhte gaw shaloi jang, jahten shabyak kau ai hkrum nga ma ai; shanhte a hpang jahtum na lam gaw hkrithpa shara rai nga ai.

SHAKAWN KUNGDAWN 78:30

Rai ti mung, shanhte dai daram sha lu nga ninglen, myit dik ai lam n lu la nga ma ai.

GA SHAGAWP 10:2

N ding n man ai hte lu tam ai sut gan gaw nang hpe hpa mung akyu n jaw nga ai, rai ti mung, myit malang ai gaw na a asak hpe hkye hkrang la nga ai.

GA SHAGAWP 11:4

Si ai de nang myi man yawng ai shani e, sut gan gaw nang hpe hpa karum lu na n rai; ding man ai lam chyawm gaw na a asak hpe hkye hkrang la lu nga ai.

GA SHAGAWP 13:7

Masha nkau mi gaw sut su ai wa zawn zawn rai nga ma ti mung, shanhte hpa n lu nga ma ai; masha nkau mi matsan ai wa zawn zawn rai nga ma ti mung, sali wunli law law hpe madu tawn lu ma ai.

GA SHAGAWP 27:1

Ya jahkring mi hta pyi, hpa byin wa na nang n chye nga ai majaw, hpawt ni na lam hpe galoi mung hkum grang dakat nga et.

GA SHAGAWP 28:8

Amyat sha nna masha kaga wa hpe zai hku nna dip sha let na a sut gan hpe shalaw la ai wa rai yang, matsan mayan ni hpe matsan dum ai wa a lata de, na a sut gan shang mat wa na ra ai.

ESAIA 56:12

Ndai chyaru ya ni gaw, ‘Anhte sabyi ntsin shapraw ga, anhte dang lu ai made yawng lu ga! Hpawt ni pyi gaw dai ni na hta grau pyaw na ra ai!,’” ngu nna tsun ma ai.

YEREMIA 17:11

N ding n man ai hku gumhpraw lu ai wa gaw tinang n di tawn ai udi hpum ai u hte bung nga ai. Shi gaw aprat hpungngang garai n du yang, shi a sut gan ni hpe shamat kau nna, jahtum e, shi gaw hpa mung n re ai angawk angak masha tai mat na ra ai.

AMO LAIKA (AMOS) 6:13

Nanhte gaw Lodeba mare hpe gasat la lu ai majaw shakawng nga myit dai. Nanhte gaw, “Karnaim hpe lu la na matu n-gun law nga ga ai,” nga nna gumrawng myit dai.

NAHUM 1:10

Tsa chyaru nang ai ni gaw gindun hkri ai ju hpun hte yihku jahkraw hpe zawn nat kau hkrum na mara ai!

LUKA 11:40

Masha angawk ni e! Shinggan maga galaw da ai Karai Kasang gaw kata maga de mung galaw da sai n rai ni?

1 HTESALONI 5:3

Masha ni gaw, “Yawng mayawng sim sa nna shim nga ai,” nga nna tsun na mara ai. Shing nga nna tsun nga ai shaloi jang, ma hkum re ai numsha hta ma shangai na matu shinggyim machyi hkrum ai zawn n myit mada ai sha dai hten bya ai gaw akajawng sha shanhte kaw du na ra ai rai nna, masha ni kadai mung lawt lu na ma ai n rai!

1 TIMOHTI 6:17

Ndai dinghta asak hkrung nga ai prat a sut gan ngamu ngamai ai lam ni hta gumrawng gumtawng n rai mu ga hte n grin ai ngamu ngamai ai lam ni hta shanhte a myit mada kam hpa shara n shatai ai sha anhte kabu gara hkam la na matu arai yawng mayawng hpe n daw n hta jaw ya ai Karai Kasang hta myit mada ala nga na matu hkang da u.

1 TIMOHTI 6:7

Hpa majaw nga yang, anhte gaw mungkan ga de hpa la sa ga ta? Mungkan ga kaw nna hpa baw la pru wa lu ga ta? Hpa n la pru wa lu ga ai.

YAKU 4:14

Nanhte gaw hpawt ni e nanhte a asak hpa byin na ra ai hpe pyi nanhte n chye nga myit dai! Nanhte gaw chyahkring mi sha mawng kahpawk dan pru nna bai hkoi mat ai wan hkut hte bung nga myit dai.