LUKA 12:16 - Jinghpaw Common Language Bible 2009

¹⁶ Dai hpang Yesu gaw ga shadawn ndai hpe tsun dan mu ai, “Kalang mi hta sahti wa langai mi nga ai. Shi a yi hkauna gaw hkai nmai, nsi naisi grai kaja lu ai.

Jinghpaw Hanson Version Bible

¹⁶ Ga shadawn mung, “Sahti langai mi a yi hkauna gaw nsi naisi hkai nmai grai ja lu ai.

LUKA 12:16 ပူးပေါင်းရင်းမြစ်များ

YOBA 12:6

Rai ti mung lagu lagut ni hte karai kata masha ni ngwi pyaw sim sa ai hte nga lu ma ai; shanhte kam sham ai karai gaw shanhte hta rawng ai n-gun atsam rai nga malu ai.

YOBA 24:23

Karai Kasang gaw shanhte hpe shim lum hkra nga shangun nga ai; rai ti mung shanhte hpe aten shagu hkan yu nga ai.

SHAKAWN KUNGDAWN 73:12

Tara n lang ai ni gaw dai zawn rai nga nna shanhte gaw ntaw ntsang lu ma ai hte aten shagu hta, grau grau lu wa nga ma ai.

EZEKELA 16:49

Shanhte gaw nhpaw n-ya lu sha nna ngwi pyaw sim sa ai hte shanu nga ma ai majaw, shi hte shi a shayi sha ni gumrawng gumtawng nga ma ti mung, matsan mayan ni hte ahkaw ahkang tup hkrak n lu ai ni hpe n gawn n sawn di ma ai.

HOSEA 2:8

Ngai gaw shi hpe nai mam nsi naisi, sabyi ntsin, tsanlun sau, Bala hpara hpe nawku ai hta shi lang ai ja gumhpraw yawng hpe jaw ai wa rai nga nngai hpe shi galoi mung yin la nga ai n rai.

MAHTE 13:8

Rai ti mung nkau mi gaw ga kaja hta hkrat wa nna, asi si wa ai; nkau mi dang latsa, nkau mi kru shi, nkau mi sumshi mayat wa ai.”

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

LUKA 12:15

Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

LUKA 12:17

Dai wa gaw shi a myit hta, ‘Nye a nsi naisi ni hpe shinggyin bang da na shara n lu nngai, ngai hpa galaw yu na i?,’ nga ai.

KASA 14:17

Rai ti mung, shi gaw shi nga nga ai lam sakse hte hkrak galoi mung a madun nga ai, Dai sakse ni gaw mai kaja ai amu ngu ai, Sumsing lamu na marang jahtu ya nna du hkra ladaw du ai shaloi nsi naisi ngai shangun ai hte nanhte hpe lusha hte jahkru shakat nna nanhte a myit masin hpe kabu gara ai hte jahpring ya nga ai,” ngu nna jahtau tsun mu ai.