LUKA 12:15 - Jinghpaw Common Language Bible 2009

¹⁵ Dai hpang shanhte yawng hpe mung, shi bai tsun mu ai gaw, “Nammak lawhpa lam amyu myu kaw na nanhte a hkum ni hpe makawp maga koi gam let yu sadi nga mu, hpa majaw nga yang, kadai wa gade sut su nga ti mung, shi a asak majing gaw sutgan law htam wa ai hta rawng nga ai n rai,” ngu mu ai.

Jinghpaw Hanson Version Bible

¹⁵ Shanhte hpe mung shi bai tsun mu ai gaw, Nammak lawhpa lam yawng hta na myit hpe shim shadang nna koi gam mu: kaning rai nme law, sutgan law htam wa ai hta, masha asak rawng ai n rai,” ngu mu ai.

LUKA 12:15 ပူးပေါင်းရင်းမြစ်များ

1 HKAWHKAM 2:40

shi a mayam yan hpe sa tam la na nga shi a lawze byau la nhtawm Gat mare e hkaw dung ai hkawhkam Ahkisha hpang de sa wa wu ai. Shing rai shan hpe sa mu tam la ai hte nta de bai woi wa wu ai.

YOBA 2:4

Satan gaw, “Masha gaw asak hkrung nga lu na matu lam shagu hpe asum hkam shagawm kau na rai nga ai.

SHAKAWN KUNGDAWN 10:3

Tara n lang ai masha wa gaw shi a n hkru ai myit marin lam ni hta gumrawng nga nna; lawhpa ai masha wa gaw matsa mawa ga tsun ai hte Madu hpe nyet kau nga ai.

SHAKAWN KUNGDAWN 37:16

Mai kaja ai wa a sut gan kachyi mi gaw tara n lang ai wa a sut gan yawng hta grau nna manu dan nga ai,

SHAKAWN KUNGDAWN 62:10

Kabring kabrawng du daw sai hkaw re ai amu hpe nang hkum kam hpa nga et; mya lu mya sha nna lu la ai arai hpa hpe rai tim, hkum myit mada nga et, nang sut su wa ti mung, dai ni hta myit hkum manoi nga et.

GA SHAGAWP 15:16

Matsan hkam let, Madu hpe hkrit hkungga ai lam gaw sut su nna nni nkri hkrum sha ai hta grau mai kaja nga ai.

GA SHAGAWP 16:16

Aja hte gumhpraw hta hpaji byeng-ya hte machye machyang hpaji lu la ai gaw grau kaja nga ai, dik hkra grau kaja nga ai.

GA SHAGAWP 28:16

Htauli htaula nyan n rawng ai mung du wa gaw gumshem nga nna; n ding n man ai hpe matsat ai du wa chyawm gaw aten na na up hkang lu na ra ai.

YEREMIA 6:13

Masha kaji kaba yawng hte gaw n ding n man ai hku gumhpraw tam shakut nga ma ai; myihtoi ni hte hkinjawng ni pyi amyu masha ni hpe masu hkalem nga ma ai.

EZEKELA 33:31

Dai rai nna, nye a amyu masha ni gaw nang tsun na lam hpe madat la na matu sa hpawng nga ma ti mung, nang tsun ai ga hte maren shanhte n hkan galaw nga ma ai. Shanhte nten ni hta ga ngwi ga pyaw ni hte hpring nga ti mung, lawhpa myit marin ai lam ni hta hkan dingyang rai ma ai.

MIHKA 2:2

Shanhte gaw hkauna pa ni hpe ra marit wa ai shaloi, dai ni hpe kashun la ma ai; shanhte gaw dum nta ni hpe ra marit wa ai shaloi, dai ni hpe la kau ma ai. Kade a dinghku mung, sut gan mung shim nga ai n rai.

HABAKU 2:9

Nanhte gaw dingnye hkrum nga myit dai! Nanhte gaw tinang a dinghku hpe kashun kashe du daw sai hkaw amu shabyin nna la wa ai sut gan hte mung, nanhte a dinghku hpe machyi hkra shangun ai hte hkrit tsang shara kaw na shim hkra nga pyaw shangun ai hte mung sut su shangun nga myit hka!

MARKU 7:22

masha num shaw na, nammak lawhpa ai myit rawng na hte kaga n hkru n kaja ai lam amyu myu, masu hkalem ai, n shawp n kap re ai lam, n ju n dawng ai, shatan n hkan ai, gumrawng ai, myit n su ai lam ni hpe galaw shangun nga ai.

LUKA 12:16

Dai hpang Yesu gaw ga shadawn ndai hpe tsun dan mu ai, “Kalang mi hta sahti wa langai mi nga ai. Shi a yi hkauna gaw hkai nmai, nsi naisi grai kaja lu ai.

LUKA 16:14

Dai mahkra hpe Hparishe ni na ma yang, Yesu hpe asawng asang ngu mu ai, hpa majaw nga yang, shanhte gumhpraw marin ai ni rai nga ma ai.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 8:14

Ju sumwum ni hta hkrat ai nli tum ni gaw, mungga na la ai hpang aten na mat wa ai shaloi, ndai prat na myit ru myit tsang lam ni, sut lu sut su lam ni, pyaw daw tam ai lam ni hpring chyat bang wa nna lim kau ai majaw, ja kat ai asi galoi mung n si ai hte bung ai ni hpe ngu ai rai nga ai.

1 KORINHTU 6:10

lagu lagut galaw ai ni, nammak lawhpa ai ni, chyaru ya shang ai ni, shatan nhkan ai ni, kashun kashe rai jahkrit shagyeng sha ai ni, Karai Kasang a mungdan a sali wunli hpe hkam la lu na ma ai n rai.

KOLOSE 3:5

Dai re ai majaw anhte a kata e amu galaw nga ai mungkan ga a ra marin ai myit ni, hpye ai amu, n tsawm n htap awu asin re ai amu, ngang kayut ai, n hkru n hkra re ai marin marit ai hte lawhpa ai (lawhpa ai gaw gawkngu naw ai amyu mi rai nga ai.) lam re ai ni hpe nanhte sat kau lu na rai myit dai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.

HEBRE 13:5

Nanhte a asak hkrung lam hpe gumhpraw marin ai hta n lawm mat shangun ai sha lu ai made hte myit dik nga mu, hpa majaw nga yang, Karai Kasang gaw, “Ngai nang hpe galoi mung n kau da na nngai, ngai nang hpe galoi mung n kabai kau na de ai,” nga nna tsun ai.

YAWSHU 7:21

Anhte lu rim la ai arai ni hta tsawm ai Babelon ntsa palawng langai, gumhpraw pawng manga daram, pawng mi jan li ai ja tawng ni hpe mu nna grai yu ra ai hte la kau se ai. Dai arai ni hpe nye a sum kata na ga hta lup da we ai; gumhpraw hpe chyawm gaw htumpa e tawn da nngai,” ngu nna htan wu ai.

2 PETRU 2:14

Shanhte gaw kaga hpa hpe mung n yu ra ma ai, arawn alai hten ai num ni hpe sha yu ra ma ai; shanhte yubak galaw ai majaw hkam la lu ai namchyim a myit dik hpa lam n htum hkraw malu ai. Shanhte gaw makam masham n-gun kya ai masha ni hpe shanhte a mahkam hta lu hkra lau la mu ai. Shanhte a myit masin ni hpe nammak lawhpa chye na matu shaman shakyang manu ai. Shanhte gaw Karai Kasang a dagam dala ai hkrum nga masai.

2 PETRU 2:3

Ndai masu ai sara ni gaw shanhte a nam mak law hpa ai myit hte gyin shalat la ai maumwi ni tsun dan let amyat tam na mara ai. Moi jau jau kaw nna pyi shanhte hpe ari jaw na tara agyi wa gaw shajin da nga sai hte shanhte hpe jahten shabyak kau na wa gaw yup shamwi yup pyaw nga ai n rai.