LUKA 12:14 - Jinghpaw Common Language Bible 2009

¹⁴ Yesu gaw, “Nye a jinghku wa e, nan nau a ntsa e tara agyi tai ya na ahkang hte sali arai garan ya ai wa tai na, ngai hpe kadai san da a ta?,” ngu nna shi hpe htan wu ai.

Jinghpaw Hanson Version Bible

¹⁴ Dai rai nna Yesu gaw, “Masha wa e, nan a ntsa e tara agyi hte hparan wa tai na, ngai hpe kadai san da a ta?” ngu nna shi hpe htan wu ai.

LUKA 12:14 ပူးပေါင်းရင်းမြစ်များ

PRU MAT 2:14

Dai masha wa gaw, “Anhte a up hkang du hte tara agyi tai ya na, nang hpe kadai san da a ta? Nang gaw Egutu masha wa hpe sat kau ai zawn, ngai hpe mung sat kau na n ni?,” ngu nna htan wu ai. Mawshe mung hkrit ai hte shi a kraw e, “Ngai galaw ai amu hpe amyu masha ni mu kau manu ai,” ngu nna tsun wu ai.

MIHKA 6:8

N rai law, dai Madu gaw anhte hpe mai kaja ai amu galaw na matu she hkang da sai. Anhte kaw na shi hpyi ai gaw ndai lam rai nga ai: “Teng man ai amu galaw na lam, dinggrin tsaw ra myit madun dan na lam, anhte a Karai Kasang hte kanawn mazum ai hta myit grit myit nem hte asak hkrung hkawm nga na lam ni hpe sha, shi hpyi nga ai.”

LUKA 12:13

Shawa hpawng kata de na masha langai mi gaw, “Sara e, anhte a kawa htawng kau da ya ai sali arung arai ni ngai e garan ya na matu, ngai hpu wa hpe tsun ya rit,” ngu nna Yesu hpe tsun wu ai.

LUKA 22:58

Dai hpang loi hkring rai jang, la langai mi Petru hpe matsing nna, “Nang mung shanhte hta na langai mi rai nga ndai!,” ngu wu yang, Kanang, ngai n rai nngai!

LUKA 5:20

Yesu shanhte hta kam sham ai myit gade daram rawng ai lam mu ai shaloi, katsing si ai wa hpe, “Masha wa e, na a yubak mara ni dat kau ya sade ai,” ngu wu ai.

YAWHAN 6:15

Yesu gaw masha ni shi hpe adip arip di rim la nna Hkawhkam shatai na maw nga ma ai hpe chye wu ai majaw, shi hkrai sha dai kawng de mayun lung mat wa ai.

YAWHAN 8:11

Dai shaloi numsha gaw, “Madu e, kadai mung n jeyang ma ai,” ngu nna htan wu ai. Shaloi Yesu gaw, “Ngai mung nang hpe n jeyang na nngai; wa nu, ya kaw nna yubak bai hkum galaw nit,” ngu nna tsun dat wu ai.

ROMA 2:1

Jinghku wa e, nang gaw masha kaga wa hpe jeyang daw dan nga n ni? Nang gaw kadai wa mi rai nga ti mung, na a mara raw lu hkra jahpai na lam mi n nga mat salit dai. Hpa majaw nga yang, nang gaw masha kaga wa hte maren sha yubak galaw ai wa rai nga da ninglen masha kaga wa hpe jeyang daw dan n yang gaw na hkum hpe mahtang nang daw dan kau da wu ai.

ROMA 2:3

Rai ti mung jinghku wa e, kaga masha ni a ntsa e nang jeyang ai baw mara hpe nang nan galaw tawt lai nga n hka! Karai Kasang a tara dara ai hta na lawt lu na zawn nang nawn da wu ni?

ROMA 9:20

Jinghku wa e, nang gaw kadai wa mi rai nna Karai Kasang hpe dai hku htan lu n ta? Ga dibu langai mi gaw galaw da ai wa hpe, “Hpa majaw nang ngai hpe ning di galaw da n ta?,” ngu nna san na a ni?