LUKA 11:9 - Jinghpaw Common Language Bible 2009

⁹ “Bai, ngai nanhte hpe tsun made ga, hpyi mu, shaloi nanhte lu na myit dai; tam mu, shaloi nanhte mu na myit dai; akawk mu, shaloi nanhte a matu hpaw ya na ra ai.

Jinghpaw Hanson Version Bible

⁹ Bai, nanhte hpe ngai tsun made ai gaw, Hpyi mu, shaloi nanhte lu la na myit dai; tam mu, shaloi nanhte mu na myit dai; akawk mu, shaloi nanhte a matu hpaw ya na ra ai.

LUKA 11:9 ပူးပေါင်းရင်းမြစ်များ

SHAKAWN KUNGDAWN 118:5

Ngai ru yak kyindut hkrum nga yang, dai Madu hpe ngai hpyi jahtau ni ai; shi ngai hpe htan ya nna ngai hpe shalawt dat ni ai.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 27:8

“Ngai hpe nawku daw jau na sa rit,” nga nna nang tsun ndai shaloi, “Madu e, ngai sa wa na nngai,” ngu nna ngai htan ni ai.

SHAKAWN KUNGDAWN 34:10

Hkanghkyi ni pyi lusha kadawn nna kawsi hkrum nga ma ti mung; Madu a ga madat mara ai ni gaw mai kaja ai lam hpa mung ra kadawn nga ma ai n rai.

SHAKAWN KUNGDAWN 34:4

Ngai gaw Madu kaw akyu hpyi ni ai hte shi ngai hpe htan ya ni ai; shi gaw nye a hkrithpa lam yawng kaw na, ngai hpe shalawt la ni ai.

SHAKAWN KUNGDAWN 50:15

Ru tsang hkrum ai shaloi, ngai hpe shaga e, ngai nang hpe hkye hkrang la na nngai; shing rai, nang ngai hpe shakawn na rin dai,” nga ai.

Shawlumon A Mahkawn Ga 5:6

Nye tsaw ra a matu ngai chyinghka hpaw dat nngai, rai ti mung shi hkawm mat wa sanu hka! Shi a nsen hpe ngai kade sha na mayu nga n hka! Ngai shi hpe tam yu tim, n mu tam lu ni ai; shi hpe shaga tim, shi htan ya na matu na ai n rai.

ESAIA 45:19

Ngai gaw machyi shim ai hku n tsun yu nngai, nye a yaw shada ai lam hpe makoi magap n galaw yu nngai. Katsi katsang re ai shara hta ngai hpe tam na matu, Israela amyu masha ni hpe ngai n lajin yu nngai. Ngai gaw dai Madu rai nga nngai, ngai gaw teng man ai ga hpe tsun nngai; Teng man ai amu hpe ngai chye shangun nngai.”

YEREMIA 29:12

Dai hpang, nanhte gaw ngai hpe shaga na myit dai. Nanhte gaw ngai kaw sa nna akyu hpyi na myit dai. Ngai mung nanhte hpe htan ya na nngai.

YEREMIA 33:3

“Ngai hpe shaga e, ngai nang hpe htan ya na nngai; nang hpa mung n chye lu ai mauhpa amu ni hte mau kajawng na zawn re ai amu ni ngai nang hpe tsun dan na de ai.

Daniela 9:3

Ngai gaw lusha gam let lachyit nba bu hpun nhtawm wan dap galu ai hte Madu Karai Kasang kaw akroi anoi akyu hpyi let hpyi nem nngai.

MAHTE 21:22

Nanhte gaw kam sham ai myit hte akyu hpyi myit yang, nanhte hpyi mahpyi mahkra lu la na marin dai,” ngu nna shanhte hpe tsun mu ai.

MAHTE 21:31

Dai yan hta na kadai wa mahtang kawa a ra ai lam hpe hkan galaw ma ta?,” ngu nna san mu ai. Shanhte gaw, “Kasha kaba ai wa rai nga ai,” ngu mu ai. Dai rai nna Yesu gaw, “Ngai nanhte hpe teng teng tsun made ga, kang hta ai ni hte shawa num ni, nanhte a shawng e, Karai Kasang a Mungdan hta shang ma ai.

MAHTE 6:29

Rai ti mung, ngai nanhte hpe tsun made ai gaw, lu su dik ai Hkawhkam Shawlumon pyi dai nampan ni hta na langai mi zawn tsawm htap hkra bu hpun lu ai n rai.

MARKU 11:24

Dai re ai majaw ngai nanhte hpe tsun made ai gaw; nanhte akyu hpyi ai hte lama ma hpyi myit yang, nanhte lu la na ra ai ngu nna kam sham nga mu, shing rai jang nanhte hpyi ai hpa rai ti mung, lu la na marin dai.

MARKU 13:37

Nanhte hpe ngai tsun made ai hte maren, masha yawng hte hpe mung ngai tsun mawe ga: amaja nga mu!,” ngu nna shanhte hpe tsun mu ai.

LUKA 11:10

Hpa majaw nga yang, hpyi ai wa kadai mung lu la ai, tam ai wa mung mu ai, akawk ai wa hpe mung hpaw ya na ra ai.

YAWHAN 14:13

Shing rai Kasha a marang e Kawa a hpung shingkang dan hkung u ga matu, nye a mying gang nna, nanhte hpyi mahpyi ngai madat ya na nngai.

YAWHAN 15:16

Nanhte ngai hpe lata la myit dai n rai, nanhte pru sa nna asi law law si na hte dai asi grin nga u ga ngu nna, ngai mahtang she nanhte hpe lata la nna san da made ai. Dai rai nna nye a mying hte nanhte Wa kaw hpyi mahpyi nanhte hpe jaw na marin dai.

YAWHAN 15:7

Nanhte ngai hta noi nga nna, nye ga mung nanhte hta noi nga ai rai yang gaw, nanhte hpa hpyi mayu yang hpyi mu, hpyi ai hte maren nanhte lu na myit dai.

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

ROMA 2:7

Masha nkau mi gaw kaja ai amu galaw nga let, hpung shingkang hpe mung, arawng sadang hpe mung, n si n mat ai asak hkrung lam hpe mung tam nga ma ai; Dai ni hpe Karai Kasang htani htana asak jaw na ra ai.

2 KORINHTU 6:2

Madat mu, Karai Kasang gaw, “Ngai nanhte hpe chyeju jaw na aten du ai shaloi, nanhte a hpyi nem ai ga hpe ngai madat ya made ai; ngai nanhte hpe hkye hkrang la na ninghtoi du ai shaloi, nanhte hpe ngai karum made ai,” nga nna shi tsun nga ai. Karai Kasang a chyeju hkam la na ya e pyi mai ang ai aten rai nga ai; yu mu, ya e pyi hkye hkrang la ai nhtoi rai nga ai.

HEBRE 11:6

Makam masham n rawng yang kadai mung Karai Kasang hpe sharawng awng shangun lu ai n rai, hpa majaw nga yang, Karai Kasang kaw sit shang ai wa kadai mung, Karai Kasang nga nga ai hte shi hpe hkan tam ai ni hpe chyeju htang jaw nga ai, ngu ai hpe kam sham ai wa rai lu na rai nga ai.

HEBRE 4:16

Dai rai nna anhte nden ja ai myit hte Karai Kasang a chyeju tingnyang man de sit shang wa ga. Shing rai yang anhte gaw matsan dum ai lam hkam la lu na hte, ra kadawn ai aten hta nan anhte hpe karum ai chyeju lu la na ga ai.

YAKU 1:5

Rai ti mung, nanhte hta na langai ngai hpaji ra kadawn nga a yang gaw, shi Karai Kasang kaw akyu hpyi nga u ga, Karai Kasang gaw shi hpe dai lam jaw ya na ru ai; hpa majaw nga yang, shi gaw yawng mayawng hpe n daw n hta chyeju hku nna jaw ya ai wa rai nga ai.

YAKU 5:15

Kam sham ai myit hte akyu hpyi ai ga gaw dai machyi ai wa hpe shamai shatsai lu nna dai Madu gaw shi hpe bai hkam kaja wa shangun na ru ai hte shi galaw hkrup kau ai yubak mara ni hpe mung raw dat kau ya na ra ai.

1 YAWHAN 3:22

Anhte gaw Karai Kasang a hkang da ai ga ni hpe madat mara nna, shi a sharawng awng ai amu hpe galaw ga ai majaw, anhte hpyi ai lam shagu hpe anhte lu la ga ai.

SHINGRAN 2:24

“Rai ti mung, Htuatira mare hta naw ngam nga ai hpung masha nkau mi gaw, dai n hkru n shawp ai sharin shaga ai lam hta n hkan nang ai hta n ga, masha ni tsun dam ai, ‘Satan a sung htum ai makoi magap da ai lam ni,’ ngu ai hpe mung n sharin hkam la ma ai rai nna, ngai nanhte hpe tsun made ai gaw, nanhte hta lit kaga ngai n shajat na ni ai.