LUKA 11:8 - Jinghpaw Common Language Bible 2009

⁸ Rai sa, ngai nanhte hpe tsun made ga, nta madu wa gaw jinghku langai mi hku, yupra kaw nna rawt nhtawm, muk la jaw na ra ai n rai; rai ti mung, n kaya ai sha akroi anoi matut nna hpyi nga ai majaw, dai wa hpe ra mara rawt jaw na wu ai.

Jinghpaw Hanson Version Bible

⁸ Ngai nanhte hpe tsun made ga, jinghku re ai nga nna n rawt jaw hkraw rai timung, shi akroi anoi hpyi nga ai majaw, dai wa hpe ra mara rawt jaw na wu ai.

LUKA 11:8 ပူးပေါင်းရင်းမြစ်များ

NINGPAWT NINGHPANG 32:26

Dai masha wa gaw, “Ngai wa na ni ai; nhtoi mung htoi wa ra ai,” ngu nna tsun wu ai. Yaku mahtang, “Nang ngai hpe n shaman ya ai rai yang, ngai wa shangun na n rai,” ngu nna htan wu ai.

LUKA 11:7

nhku de na wa gaw, ‘Ngai hpe hkum shatsang et, chyinghka mung la kau se ai, ngai sha ni hte ngai mung yupra shang mat saga ai, nang hpe jaw na ngai n rawt lu mat ni ai!,’ ngu nna hkap htan ai rai yang hpa byin na a ta?

ROMA 15:30

Ya hpu nau ni e, Yesu Hkristu hpe anhte kam sham ai a marang e mung, dai Wenyi e jaw ai tsaw ra myit a marang e mung, nye a matu mara ngai hte rau Karai Kasang kaw myit sharawng awng ai hte akyu hpyi nga na nanhte hpe ngai shadut jahkat made ai.

2 KORINHTU 12:8

Dai machyi ai hpe yeng seng kau ya na matu ngai gaw dai Madu kaw masum lang tup akyu hpyi ni ai.

KOLOSE 2:1

Ngai gaw nanhte a matu mung, Ladoki masha ni a matu mung, ngai hpe myi man chyaw n mu yu ai kaga masha ni yawng hte a matu mung, ngai gade wa galaw gun hpai shakut shaja sa wa ai lam nanhte hpe ngai tsun dan made ga.

KOLOSE 4:12

Nanhte kaw na rai nga ai Hkristu a mayam wa Epahpra gaw nanhte hpe shakram dat ai. Shi gaw nanhte a matu myit rawt sharawng awng ai hte akyu hpyi nga ai. Nanhte gaw Karai Kasang a myit ra ai lam hta tup hkrak madat mara hkan sa nna myit su kunghpan ai hte kam sham ai lam hta atsawm sha myit hkawn ai Hkristan tai nga let, dinggrin lahpran tsap nga lu myit ga, shi gaw Karai Kasang kaw hpyi nem ya nga ai.

TARA AGYI 14:17

Dai numsha gaw poi galaw ai sanit ya tup de a matu hkrap nga ai. Rai ti mung sanit ya shani e chyawm gaw shi nau aput shatsang ai majaw de a lachyum hpa rai nga ai lam shi hpe tsun dan wu ai. Dai hpang shi mung Hpilisti masha ni hpe tsun dan wu ai.

1 SAMUELA 1:12

Hana gaw dai Madu kaw aten na na matut nna akyu hpyi nga ai rai nna, Eli gaw shi a nten galem ai hpe azi yu nga ai.