LUKA 11:48 - Jinghpaw Common Language Bible 2009

⁴⁸ Nanhte a nji nwa ni tawt lai tawn ai amu ni hta nanhte maw mawn myit hkrum lawm ai ni rai nga myit dai, hpa majaw nga yang, shanhte gaw myihtoi ni hpe sat kau nna, nanhte mahtang shanhte a lup ni hpe galaw lajang myit dai.

Jinghpaw Hanson Version Bible

⁴⁸ dai rai nna nanhte a nji nwa ni a amu hta sakse tai ai ni hte, myit hkrum ai ni nanhte rai nga myit dai: kaning rai nme law, shanhte gaw myihtoi ni hpe sat kau nna, shanhte a lup ni hpe nanhte galaw lajang myit dai.

LUKA 11:48 ပူးပေါင်းရင်းမြစ်များ

2 HKAWHKAM LABAU 36:16

Rai ti mung shanhte gaw Karai Kasang a kasa ni hpe asawng asang di nhtawm Karai Kasang a mungga hpe n kaw n law di nna shi a myihtoi ni hpe mani asawng kau mu ai majaw hpang jahtum dai Madu gaw shi a amyu masha ni hpe lawt lam htum mat hkra masin kahtet bu nga ai.

YOBA 15:6

Nang hpe daw dan na nye a matu hpa mung n ra nga ai; nang tsun ai ga shagu a majaw daw dan ai hkrum nga ndai.

SHAKAWN KUNGDAWN 64:8

Shanhte tsun shaga ai ga ni a majaw, shi shanhte hpe jahten kau na ra ai; shanhte hpe mu mada ai ni yawng hte gaw shanhte a baw ni hpe kanga na mara ai.

EZEKELA 18:19

“Rai ti mung, nang gaw, ‘Kasha gaw shi kawa a yubak ni a majaw hpa majaw n hkam na rai wu ni?,’ nga nna san yang, dai kasha wa gaw teng man ai hte mai kaja ai amu ni hpe galaw nu ai. Shi gaw nye a tara ni hpe shadik nhtawm dai ni hpe kangka ai hte hkan shatup nu ai majaw, shi gaw teng teng hkrung nga na rai nga ai.

MAHTE 23:27

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw namhtun hpraw chya ai lup hte bung nga myit dai; dai ni gaw shinggan de tsawm dam ti mung, kata de n ra hte mang chyayat ni hte hpring nga ai.

MAHTE 23:31

Shing nga ti mung, myihtoi ni hpe sat kau ai ni a kashu kasha ni rai nga myit dai gaw, nanhte nan sakse hkam yin la nga myit dai.

LUKA 11:47

Nanhte dingnye lu myit dai! Nanhte a nji nwa ni sat kau ai myihtoi ni a matu, nanhte tsawm htap ai lup ni hpe galaw lajang myit dai.

LUKA 11:49

Dai re ai majaw, Karai Kasang a Hpaji Byeng-Ya tsun ai gaw, ‘Myihtoi hte kasa ni hpe, ngai shanhte hpang de shangun dat na mawe ai rai nna, dai ni hta na nkau mi hpe shanhte sat kau nna, nkau mi hpe zingri zingrat na maru ai.’

ROMA 1:32

Shing rai galaw ai ni gaw si ging nga ma ai nga nna Karai Kasang a tara hta hkang da nga sai hpe shanhte chye chyalu rai ma ai rai ti mung, shanhte hkum nan dai lam ni hpe galaw dingyang rai nga ma ai hta n ga, dai hku hkan galaw ai ni hpe mung n-gun jaw awlaw ma ai.

YAKU 5:10

Nye a hpu nau ni e, Madu a mying ningsang hte htawn tsun ai myihtoi ni a lam hpe myit dum sum ru yu mu; nni nkri hkrum ai shaloi myit galu ai hte hkam sharang ai hpe kasi ningli la mu.

YAWSHU 24:22

Yawshu gaw shanhte hpe, “Dai Madu hpe daw jau na matu nanhte nan lata la manit dai gaw, nanhte nan sakse ni rai nga manit dai,” ngu nna tsun wu ai. Shanhte mung, “Rai sa, anhte hkum nan sakse ni rai nga saga ai,” ngu nna bai tsun ma ai.