LUKA 11:47 - Jinghpaw Common Language Bible 2009

⁴⁷ Nanhte dingnye lu myit dai! Nanhte a nji nwa ni sat kau ai myihtoi ni a matu, nanhte tsawm htap ai lup ni hpe galaw lajang myit dai.

Jinghpaw Hanson Version Bible

⁴⁷ Nanhte dingnye lu myit dai! Nanhte a nji nwa ni sat kau ai myihtoi ni a lup ni hpe nanhte galaw lajang myit dai:

LUKA 11:47 ပူးပေါင်းရင်းမြစ်များ

MAHTE 23:27

“Hpyi hpun ai tara sara ni hte Hparishe ni e, nanhte dingnye lu myit dai! Nanhte gaw namhtun hpraw chya ai lup hte bung nga myit dai; dai ni gaw shinggan de tsawm dam ti mung, kata de n ra hte mang chyayat ni hte hpring nga ai.

LUKA 11:48

Nanhte a nji nwa ni tawt lai tawn ai amu ni hta nanhte maw mawn myit hkrum lawm ai ni rai nga myit dai, hpa majaw nga yang, shanhte gaw myihtoi ni hpe sat kau nna, nanhte mahtang shanhte a lup ni hpe galaw lajang myit dai.

KASA 7:51

“Dai daram wa nanhte du ja nga myit hka! Nanhte a myit masin ni gaw Karai Kasang hpe dai daram wa n kam n sham nga malit hka! Karai Kasang a shingran mungga hpe na la na dai daram wa na lahpang nga myit hka! Nanhte gaw, nanhte a nji nwa ni galaw ai zawn Chyoi Pra ai Wenyi hpe nanhte galoi mung ninghkap nga myit hka!

1 HTESALONI 2:15

Yuda masha ngu ai ni gaw Madu Yesu hpe mung, myihtoi ni hpe mung, sat kau ai ni rai nna anhte hpe mung zingri zingrat ai ni rai ma ai. Shanhte gaw Karai Kasang sharawng awng na hku n galaw ma ai! Masha shagu a matu n htan shai ai hpyen tai ma ai.