LUKA 11:45 - Jinghpaw Common Language Bible 2009

⁴⁵ Tara sara langai mi gaw, “Sara e, nang shing nga ai gaw, anhte hpe mung roi lawm nga ndai,” ngu nna shi hpe tsun wu ai.

Jinghpaw Hanson Version Bible

⁴⁵ Shaloi tara sara langai mi htan nna, “Sara e, nang shing nga ai gaw, anhte hpe mung roi lawm nga ndai,” ngu nna shi hpe tsun wu ai.

LUKA 11:45 ပူးပေါင်းရင်းမြစ်များ

1 HKAWHKAM 22:8

Ahab chyawm gaw, “Imla a kasha Mihkaia langai mi naw nga nga ai. Rai ti mung shi chyawm gaw nye a matu mai kaja ai lam galoi mung myihtoi n htoi ya ai majaw ngai n dawng nngai. Lama mi hta ra ra sha arai nga ai,” ngu nna htan wu ai. Yehoshahpat mung, “Dai lam nang n tsun sanu ga law!,” ngu nna tsun htang wu ai.

YEREMIA 20:8

Ngai ga tsun ai aten shagu, ngai gaw marawn jahtau ai hte, “Kashun kashe du daw sai hkaw lam! Hten byak lam!,” ngu nna marawn garu nngai. Madu e, ngai gaw na a mungga hkaw tsun nngai majaw, ngai gaw asawng hkrum ai hte aten shagu jahpoi hkrum nga nngai.

YEREMIA 6:10

Ngai gaw, “Ngai shanhte hpe ga shaga nna sadi jaw ai rai yang, nye a ga hpe kadai madat ya na rai ta? Shanhte gaw du ja ai hte na a mungga hpe n kam madat ma ai; nang ngai hpe tsun shangun ai lam hpe shanhte mani asawng kau ya nga ai.

MAHTE 22:35

Shanhte hta na tara sara langai mi shi hpe ga san langai mi san ai hte mara tam lu hkra chyam yu na nga,

LUKA 11:46

Yesu gaw, “Nanhte tara sara ni mung dingnye lu myit dai! Nanhte gaw masha ni hpe gun yak ai lit shagun nhtawm, tinang ni gaw dai lit ni hpe gun karum na matu layung hte pyi n hkra yu myit dai.

LUKA 11:52

“Tara sara ni nanhte dingnye lu myit dai! Hpaji nta hpaw ai sumsaw gaw nanhte kyem tawn da myit htawm, nanhte nan mung n shang, shang mayu ai ni hpe mung, nanhte hkum shingdang da myit dai, ngu mu ai.”

LUKA 7:30

Rai ti mung, Hparishe ni hte Tara Sara ni chyawm gaw, shanhte a matu Karai Kasang a shatawng shada ai lam hpe n hkap la ma ai hta n-ga, Yawhan a lata hta hkalup n hkam la ma ai.

YAWHAN 7:48

Anhte a ningbaw ningla ni hte Hparishe ni hta na langai mi dai wa hpe kam sham na kadai nga ma ni?

YAWHAN 7:7

Mungkan ga gaw nanhte hpe n dawng n wawm rai lu ai n rai; rai ti mung ngai hpe gaw n dawng n wawm ma ai, hpa majaw nga yang, shanhte a n shawp ai lam ni hpe atsun nga nngai majaw rai nga ai.

YAWHAN 9:40

Madu Yesu a makau e nga nga ai Hparishe ni dai ga na ma yang, “Anhte mung myi n mu ai ni re ai ngu nna nang tsun mayu n ni?,” ngu nna san mu ai.