LUKA 11:40 - Jinghpaw Common Language Bible 2009

⁴⁰ Masha angawk ni e! Shinggan maga galaw da ai Karai Kasang gaw kata maga de mung galaw da sai n rai ni?

Jinghpaw Hanson Version Bible

⁴⁰ Masha angawk ni e, shinggan maga galaw ai wa gaw, kata maga de mung galaw ai, n rai ni?

LUKA 11:40 ပူးပေါင်းရင်းမြစ်များ

NINGPAWT NINGHPANG 1:26

Dai hpang Karai Kasang gaw, “Ya chyawm gaw shinggyim masha ni hpe anhte hpan da na ga ai. Shanhte gaw anhte zawn rai nna anhte hte bung na mara ai, shanhte gaw nga ni hpe mung, ntsa malen u ni hpe mung, ni ai, zai ai, kaji ai, kaba ai n nga dusat dumyeng ni yawng hpe a up nga na mara ai,” ngu nna tsun wu ai.

NINGPAWT NINGHPANG 2:7

Dai hpang dai Madu Karai Kasang gaw aga kaw nna ga loi mi hpe la nhtawm dai hte shinggyim hkrang shachyaw wu ai; shi a ladi hta hkrung ai nsoi nsa hpe shi kawut bang ya wu ai hte dai shinggyim masha gaw hkrung hpang wa nga ai.

SHAKAWN KUNGDAWN 14:1

“Karai Kasang n nga ai,” nga nna angawk ai ni gaw shanhte a myit hta tsun nga ma ai. Shanhte yawng hte gaw myit tsam mat nga ma ai, hkrithpa amu ni hpe, shanhte galaw kau mu ai; dai teng man ai amu hpe galaw na masha kadai mung n nga nga ai.

SHAKAWN KUNGDAWN 33:15

Dai Madu gaw shanhte a myit mang ai lam yawng mayawng hte hpe hkrang shapraw ya nga ai; shanhte galaw ai lam yawng mayawng hte hpe mung chye ya nga ai.

GA SHAGAWP 1:22

“Angawk ai masha ni e! Nanhte gaw gade na hkra, angawk angak rai mayu nga myit ni? Nanhte gaw gade na hkra, machye machyang hpaji hpe mani asawng ai hta kabu sharawng nga na ngu nga myit ni? Nanhte gaw galoi mung n hprang sana manit dai kun?

GA SHAGAWP 8:5

Nanhte myit n kung nga myit ni? Myit kunghpan wa na matu sharin la mu. Nanhte angawk angak rai nga myit ni? Chye myit chye mang lu hkra, sharin la mu.

YEREMIA 5:21

Myi tu ti mung myi n mu lu, na tu ti mung na n na lu ai angawk angak re ai hte myit n su ai amyu masha ni e, madat mu.

ZEHKARIA 12:1

Ndai gaw sumsing lamu ni hpe kahpyan nna ginding aga hpe hpan da let, masha hpe sak jaw ya nga ai dai Madu kaw na Israela hte seng ai mungga rai nga ai.

BU HKAWM 16:22

Rai ti mung Mawshe yan Arun gaw ga de dingnyawm dagup let, “O Karai Kasang e, nang gaw asak yawng a hka hpawk rai nga ndai; marai langai shut ai a majaw shawa hpung ting hpe masin pawt nga n ni?,” ngu nna tsun ma ai.

MAHTE 23:17

Angawk nna myi kyaw ai ni e, ndai aja hpe shachyoi shapra ai Nawku Htingnu hte dai aja yan hta gara wa mahtang grau ahkyak kaba rai nga a ta?

MAHTE 23:26

Myi kyaw ai Hparishe ni e! gawm hte shat wan ni a kata maga hpe shawng jasan jaseng mu, shing rai yang shinggan maga mung san seng wa na ra ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

LUKA 24:25

Dai shaloi Yesu gaw, “Myihtoi ni htawn tsun ai ga mahkra hpe kam sham na matu myit bawnu lanyan dik ai masha angawk ni e!

1 KORINHTU 15:36

Dai gaw angawk ai wa a ga san sha rai nga ai. Nang gaw ga hta nli tum langai mi hkai dat ai shaloi, dai nli tum shawng nhten mat yang gaw tu hkrung wa lu ai n rai.

HEBRE 12:9

Anhte hpe daru sharin ai shinggyim kawa ni hpe anhte hkungga lara di ga ai. Dai rai yang, anhte a Wenyi hte seng ai Kawa a npu e grau nna taw nga let asak hkrung nga ra ga ai n rai hka!