LUKA 11:32 - Jinghpaw Common Language Bible 2009

³² Tara Dara ai Nhtoi hta Ninewe mare masha ni rawt nna nanhte hpe mara shagun na mara ai, hpa majaw nga yang, shanhte gaw Yona hkaw tsun ai ga hpe na ai shaloi, shanhte a yubak mara ni kaw na myit malai lu ma ai. Yu mu! ndai yang, Yona hta grau kaba ai wa nga nga ai!

Jinghpaw Hanson Version Bible

³² Tara dara ai nhtoi hta Ninewe masha ni gaw, ndai prat na amyu hte rau rawt wa nna, shanhte hpe dawdan na mara ai; kaning rai nme law, Yona hkaw tsun ai ga majaw, shanhte myit malai lu ma ai: yu mu, ndai yang e Yona hta grau kaba ai wa nga nga ai.

LUKA 11:32 ပူးပေါင်းရင်းမြစ်များ

YONA 3:4

Yona dai mare de du hpang nna, lani mi tup hkawm ngut ai hpang, shi gaw, “Nhtoi mali shi ya laman, Ninewe mare hten run mat na ra ai,” ngu nna jahtau tsun wu ai.

YONA 3:5

Ninewe mare masha ni gaw Karai Kasang a mungga hpe kam ma ai. Dai rai nna shanhte myit malai lu sai hpe madun na matu kaba grau ai kaw nna kaji htum ai wa kaw du hkra, masha shagu lachyit nba hpun let lusha gam na matu daw dan da nga ma ai.

YONA 4:9

Rai ti mung Karai Kasang gaw shi hpe, “Dai tauba ru a majaw, nang hpa masin pawt shara nga a ta?,” ngu nna shi hpe tsun wu ai. Yona gaw, “Ngai gaw pawt na ahkaw ahkang lu nngai- si ai du hkra pawt sindawng na mai nga ai!,” ngu nna htang tsun wu ai.

MAHTE 12:39

Yesu gaw htan let shanhte hpe tsun mu ai gaw, “N hkru ai hte shut hpyit ai amyu gaw lamik kumla tam ma ai; myihtoi Yona a lamik kumla hta kaga; hpa lamik kumla mung; shanhte hpe n dan na nme ai.

MAHTE 12:41

Ninewe masha ni gaw Yona a hkaw tsun ai ga hpe na nna shanhte a yubak mara ni kaw na myit malai lu ma ai. Dai rai nna Tara Dara ai Nhtoi hta e shanhte rawt nna nanhte hpe mara shagun na marin dai; ngai nanhte hpe tsun made ga, ndai yang e Yona hta grau kaba ai wa nga nga ai.

LUKA 11:31

Tara Dara ai Nhtoi hta Sheba mung a hkawhkam num rawt tsap nna ndai prat na masha ni hpe mara shagun na ra ai, hpa majaw nga yang, Shawlumon a hpaji rawng ai sharin shaga ai ga hpe madat na matu sumtsan mung kaw nna sa du ai; dai rai nna, ngai nanhte hpe tsun made ga, ndai yang e Shawlumon hta grau kaba ai wa nga nga ai.

HEBRE 7:26

Dai rai nna Yesu gaw anhte hta byin nga ai ra kadawn ai lam ni hpe karum kapa ya ai, anhte a matu hkrak ai Hkinjawng Agyi Kaba wa rai nga ai. Shi gaw chyoi pra san seng nna shi hta shut ai lam shing n rai yubak mara hpa mung n rawng nga ai; shi gaw yubak lu ai ni hta n lawm ai sha ginhka la nna sumsing lamu du hkra shagrau shatsaw da hkrum ai wa rai nga ai.