LUKA 11:31 - Jinghpaw Common Language Bible 2009

³¹ Tara Dara ai Nhtoi hta Sheba mung a hkawhkam num rawt tsap nna ndai prat na masha ni hpe mara shagun na ra ai, hpa majaw nga yang, Shawlumon a hpaji rawng ai sharin shaga ai ga hpe madat na matu sumtsan mung kaw nna sa du ai; dai rai nna, ngai nanhte hpe tsun made ga, ndai yang e Shawlumon hta grau kaba ai wa nga nga ai.

Jinghpaw Hanson Version Bible

³¹ Dai tara dara ai nhtoi hta, dingda mung na hkawhkam jan gaw, ndai prat na amyu hte rau rawt wa nna, shanhte hpe dawdan na ra ai: kaning rai nme law, shi gaw Shawlumon a hpaji madat na, ga jahtum de na sa du ai: yu mu, ndai yang e Shawlumon hta grau kaba ai wa nga nga ai.

LUKA 11:31 ပူးပေါင်းရင်းမြစ်များ

2 HKAWHKAM LABAU 9:1

Sheba hkawhkam jan gaw Shawlumon a mying kajai gumhkawng nga ai hpe na jang, shi hpe htai yak na zawn nawn ai ga san ni hpe san let chyam yu na nga, Yerusalem mare de sa wa wu ai. Shi gaw shi kaw hkan gumbawm nang ai masha wunawng wuwa ni hte rau gawla-uk ni hta manam pyaw ai namji namya ni, lung seng ni hte ja law law htaw let woi sa wa wu ai. Shawlumon hte shi hkrum jang shi myit shapraw lu ai ga san yawng hte shi hpe san yu wu ai.

ESAIA 54:17

Rai ti mung hpyen laknak hpa mung nang hpe machyi shangun lu na n rai; nang gaw nang hpe mara shagun ai ni yawng a matu mahtai lu na ra ai. Ngai gaw nye a shangun ma ni hpe makawp maga nna shanhte hpe awng padang jaw na nngai.” Dai Madu tsun nu ai.

YEREMIA 3:11

Dai hpang, dai Madu gaw ngai hpe Israela gaw shi kaw na kayin mat wa manu tim, shi gaw sadi n dung ai Yuda hta grau nna kaja na matu sakse madun dan nu ai, nga nna tsun sai.

MAHTE 12:42

Hkawhkam num Sheba gaw hpaji rawng ai Shawlumon a ga hpe madat mayu nna tsan la ai dingda mungdan kaw nna du sa wa ai. Dai rai nna Tara Dara ai Nhtoi hta shi rawt nna nanhte hpe mara shagun na marin dai. Ngai nanhte hpe tsun made ga, ndai yang e Shawlumon hta grau kaba ai wa nga nga ai.

LUKA 3:22

Dai Chyoi Pra ai Wenyi gaw hkrang dan dan shi a ntsa e hkrudu zawn yu hkrat wa nna, “Nang gaw nye a tsaw ra ai Kasha rai nga ndai; nang hta ngai sharawng awng nngai law,” nga nna lamu de na nsen du pru ai.

LUKA 9:35

Dai sumwi kaw nna mung nsen langai mi ngoi pru wa ai gaw, “Ndai wa gaw ngai Sha, ngai lata la ai wa rai nga ai, shi a ga madat mara mu,” nga ai.

ROMA 2:27

Nang gaw dai ka da ai jep ai Tara hku nna matu gadoi ai hking hkam la ai wa rai nga nhtawm me Tara tawt lai ai wa rai nga ndai majaw maigan masha ni nanhte Yuda masha ni hpe tara dara na mara ai. Shanhte gaw hkum shan hte seng ai matu gadoi hking n hkam la ma ai rai ti mung, jep ai Tara hpe gaw hkan shatup ma ai.

HEBRE 11:7

Du na ra ai aten hta byin na ra ai garai n mu lu ai arai ni hte seng nna Karai Kasang sadi jaw ai hpe Noa na lu ai gaw shi a makam masham a majaw rai nga ai. Shi gaw Karai Kasang a ga hpe madat mara let sanghpaw li langai mi shachyaw nna shi hte shi a nta dinghku gaw hkye hkrang la ai hkrum manu ai. Shing re ai majaw, mungkan ga hpe shi jeyang nna Noa gaw makam masham hte seng ai ding hpring ai sali wunli hkam la nu ai.