LUKA 11:29 - Jinghpaw Common Language Bible 2009

²⁹ Shawa masha ni gumbawm wa ma ai shaloi, shi tsun mu ai gaw, “Ndai prat na masha ni gaw nde wa n hkru n kaja ai ni rai nga ma hka! Shanhte lamik kumla hpyi nga ma ai, rai ti mung, Yona a lamik hta kaga, hpa lamik kumla mung shanhte hpe madun dan na n rai.

Jinghpaw Hanson Version Bible

²⁹ Shawa masha ni gumbawm wa ma ai shaloi, shi tsun hpang wu ai gaw, “Ndai prat na ni gaw n hkru ai amyu rai nga ai: shanhte lamik kumla tam nga ma ai; rai timung, Yona a lamik kumla hta kaga, hpa lamik kumla mung shanhte hpe n dan na nme ai.

LUKA 11:29 ပူးပေါင်းရင်းမြစ်များ

EZEKELA 24:24

Dai hpang, ngai gaw nanhte a matu kumla tai na nngai; ngai galaw sai amu magup hpe nanhte galaw lu na marin dai. Ndai amu byin wa ai shaloi, shi gaw Tsaw Htum ai dai Madu rai nga ai hpe nanhte chye lu na marin dai, ngu nna dai Madu tsun ai.”

YONA 1:1

Lani mi hta, Amihtai a kasha Yona hpe dai Madu ga shaga wu ai.

MAHTE 3:7

Hparishe ni hte Saduke ni law law wa hkalup hkam la na nga nna shi kaw sa wa ma ai hpe Yawhan mu wu yang, shi shanhte hpe, “Pu htum amyu ni e, Karai Kasang kaw na du magang ra ai ari hta na hprawng lawt mat lu myit ga, nanhte hpe kadai tsun shadum da myit ta?,” ngu nna tsun mu ai.

MARKU 8:38

Masha langai mi gaw, ndai Karai kata nna tara n nga, n hkru n kaja ai prat aten hta e, ngai hte ngai sharin shaga ai mungga hpe kaya nga a yang gaw, dai Masha Kasha gaw shi a Kawa a hpung shingkang dagraw nna chyoi pra ai lamu kasa ni hte nawng du sa wa yang, dai wa hpe kaya kau na ru ai,” ngu nna shanhte hpe tsun mu ai.

LUKA 11:16

Nkau mi mung, shi hpe chyam dinglik yu mayu nna, Karai Kasang lawm n lawm madun na matu, lamu de na lamik kumla langai mi hpyi ma ai.

LUKA 11:50

Shing rai, mungkan ga nnan lat kaw nna sat kau hkrum ai myihtoi ni yawng a bunglat hka a matu ndai prat na amyu ni mara daw dan ari hkrum lu na rai nga ai.

LUKA 12:1

Dai shaloi masha hkying mun hpawng kaput wa ai majaw shada da pyi kabye hkra hkra rai nga ma yang, shi a sape ni hpe, Yesu shawng tsun hpang mu ai gaw, “Hparishe ni a sawt ai myit ngu ai, matsi hpe koi gam nga mu.

LUKA 9:41

Yesu gaw, “Makam masham n rawng ai hte, shut hpyit ai amyu ni e, ngai nanhte hte rau gade na hkra nga nga nna hkam sharang ya lu na rai nga a ta?,” ngu nna htan wu ai. Dai hpang shi gaw, “Na nsha hpe nang de woi sa rit,” ngu nna dai masha wa hpe tsun wu ai.

YAWHAN 2:18

Ahkang aya lu ai Yuda masha ni gaw, “Nang ndai amu hpe ning rai galaw na ahkang lu ai wa re ai lam hpa lamik kumla galaw nna anhte hpe madun dan na n ta?,” ngu nna ga san hte shi hpe htan mu ai.

YAWHAN 6:30

Shanhte gaw, “Anhte mu lu nna kam sham na matu nang hpa lamik kumla madun na n ta? Nang hpa magam bungli galaw na n ta?

YAWHAN 8:44

Nanhte gaw, nanhte a kawa ngu ai gumlau nat a kashu kasha ni rai nga myit dai rai nna, nanhte a kawa a kayut ai hku hkan mayu myit dai. Shi gaw shawng npawt kaw nna, masha sat ai wa rai nga ai rai nna, tengman ai maga de galoi mung n nga ai, hpa majaw nga yang shi hta teng man ai lam n rawng nga ai. Shi gaw masu magaw ai wa langai mi rai nna masu magaw lam yawng a kawa mung rai nga ai majaw, shi a masu ai ga tsun yang, dai gaw shi a shingra myit hte maren tsun ai lam rai nga lu ai.

1 KORINHTU 1:22

Dai hkaw dan ai mungga gaw, Karai Kasang kaw na re ai n re ai sakse mu lu na matu, Yuda ni gaw lamik kumla hpyi ma ai, Heleni ni mahtang gaw hpaji byeng-ya hpe tam ma ai.