LUKA 11:19 - Jinghpaw Common Language Bible 2009

¹⁹ Lama wa, ngai Bezebula atsam hte nat ni hpe shaden kau mawe ai rai yang gaw, nanhte a hpang hkan nang ai ni gade a atsam hte nat ni hpe shaden kau nga ma ta? Dai majaw shanhte gaw nanhte shut nga ai lam sakse tai nga ma ai.

Jinghpaw Hanson Version Bible

¹⁹ Ngai Bezebula hte nat ni hpe shaden kau mawe ai rai yang gaw, nanhte a kasha ni kadai wa hte shaden kau nga ma ta? dai majaw, shanhte gaw nanhte hpe tara dara ai agyi ni tai na mara ai.

LUKA 11:19 ပူးပေါင်းရင်းမြစ်များ

YOBA 15:6

Nang hpe daw dan na nye a matu hpa mung n ra nga ai; nang tsun ai ga shagu a majaw daw dan ai hkrum nga ndai.

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

LUKA 19:22

N hkaw n shawp n kaja ai shangun ma e! Na a n-gup na ga hku hkan nna ngai nang hpe jeyang de ga! Ngai gaw kahti gari rai nna grai yak ai wa rai nga nngai hte, tinang n madu ai arai magawn la nna, n gat n hkai ai kaw na dan la ga nngai hpe nang chye nga ndai.

LUKA 9:49

Yawhan gaw, “Madu e, na a mying hte nat ni hpe shaden kau nga ai masha langai mi hpe anhte mu hkrup ga ai. Shi gaw anhte kaw hkan nang ai wa n re majaw, anhte shi hpe hkum kau gaw ai,” ngu wu ai.

KASA 19:13

Dai shaloi nat hkyawt shaden kau let kawan hkawm nga ai Yuda masha nkau mi mung Madu Yesu a mying nsang hte n hkru ai nat ni hpe shaden kau lu na matu shakut nga ma ai. Shanhte gaw n hkru ai nat ni hpe, “Pawlu hkaw tsun ai Yesu a mying nsang hte ngai nanhte hpe shapraw made ai,” nga nna n hkru ai nat ni hpe tsun mu ai.

ROMA 3:19

Dai jep ai Tara hta rawng ai hkang da ai lam shagu gaw jep ai Tara a npu e nga ai ni a matu rai nga ai hpe ya anhte chye saga ai; ndai hku byin wa ai lam gaw masha a tsun jahpai ai ga ni yawng hpe jahkring sha-ip kau shangun na hte mungkan ting gaw Karai Kasang jeyang daw dan ai hpe hkam la shangun na matu rai nga ai.