LUKA 11:18 - Jinghpaw Common Language Bible 2009

¹⁸ Dai rai nna, Satan a mungdan hta myit n hkrum nna, shada da gasat hkat nga ai rai yang, kaning rai grin nga lu na rai ta? Ngai gaw Bezebula jaw ai atsam hte, nat ni hpe shaden kau nga ai, nga nna tsun myit dai.

Jinghpaw Hanson Version Bible

¹⁸ Ngai gaw Bezebula hte nat ni hpe shaden kau nga ai, nga nna nanhte tsun myit dai hte maren, Satan mung tinang hte hka bra mat sai rai yang gaw, shi a mungdan kaning rai grin nga lu na lu ta?

LUKA 11:18 ပူးပေါင်းရင်းမြစ်များ

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 12:26

Dai rai nna Satan gaw Satan hpe shaden kau ai rai yang gaw, shi a mungdan gaw kaning rai grin nga lu na rai ta?

MAHTE 4:10

Shaloi Yesu gaw, “Satan e pru mat wa u! ‘Dai Madu na a Karai Kasang hpe nang nawku lu na rai nna, shi hpe hkrai daw jau lu na re ai!, nga nna she ka da nga ai,” ngu nna shi hpe htan wu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

LUKA 11:15

Rai ti mung, shanhte hta na nkau mi gaw, nat agyi wa Bezebula a atsam jaw ya ai hte, shi nat ni hpe shaden kau lu nga ai,” nga ma ai.