LUKA 11:15 - Jinghpaw Common Language Bible 2009

¹⁵ Rai ti mung, shanhte hta na nkau mi gaw, nat agyi wa Bezebula a atsam jaw ya ai hte, shi nat ni hpe shaden kau lu nga ai,” nga ma ai.

Jinghpaw Hanson Version Bible

¹⁵ Rai timung, shanhte hta na nkau mi gaw, “Nat agyi wa Bezebula hte she, shi nat ni hpe shaden kau lu ai,” nga ma ai.

LUKA 11:15 ပူးပေါင်းရင်းမြစ်များ

MAHTE 10:25

Dai rai nna sape gaw shi a sara zawn mayam gaw shi a madu zawn rai nga a yang gaw, myit dik ram nga ai. Shanhte gaw nta madu wa hpe Bezebula ngu mu yang gaw, shi a nta masha ni hpe grau n kaja dik ai mying ni shamying na mu ai n rai hka!

MAHTE 12:22

Dai shaloi jang, myi kyaw ai hte n chye shaga ai nat kap ai wa langai mi hpe shi kaw woi bang mu ai. Yesu gaw dai wa hpe shamai ya wu ai rai nna, n chye shaga ai wa gaw shaga lu ai hte myi mu lu nu ai.

MAHTE 4:24

Dai majaw shi a kajai gumhkawng ai shiga gaw, Suri mung ting hta pri rai wa sai rai nna, masha ni gaw, hkum n pyaw ai ni, ana ahkya amyu myu a majaw machyi hkam sha nga ai ni, nat kap ai ni, ma mu mu ai ni hte lagaw lata katsing si ai ni hpe shi hpang de woi sa mu ai rai nna, shi shanhte hpe shamai shatsai ya mu ai.

MAHTE 9:34

Rai ti mung Hparishe ni gaw, “Ndai gaw nat ni a agyi wa shi hpe n-gun atsam jaw ai majaw, nat ni hpe shaden kau lu nu ai,” nga ma ai.

YAWHAN 10:20

Shanhte hta na law law wa, “Shi nat shang nna mana nga ai! Shi a ga hpe nanhte hpa rai madat myit ta?,” nga ma ai.

YAWHAN 7:20

Shaloi shawa masha ni gaw, “Nang hta nat rawng nga ai, Nang hpe sat kau na kadai tam nga a ta?,” ngu nna htan mu ai.

YAWHAN 8:48

Shaloi Yuda masha ni gaw, “Nang gaw Samari masha rai ndai nga nna mung, nat shang ai wa rai nga nna mung, anhte tsun ai ga gaw jaw nga ai n rai ni?,” ngu nna Yesu hpe bai san mu ai.

YAWHAN 8:52

Yuda masha ni gaw, “Nang nat shang ai wa rai nga ai gaw, ya anhte hkrak chye saga ai! Abraham hte myihtoi ni pyi si mat wa masai, dai rai yang, nang chyawm gaw, ‘nye a sharin shaga ai ga madat mara hkan sa ai wa gaw galoi mung n si na ra ai,’ nga nna tsun lu ndai.