LUKA 11:13 - Jinghpaw Common Language Bible 2009

¹³ Nanhte n hkru n kaja nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw shi e hpyi ai ni hpe dai Chyoi Pra Ai Wenyi jaw na n rai hka!,” ngu nna tsun wu ai.

Jinghpaw Hanson Version Bible

¹³ Dai rai nna, nanhte n hkru nga myit dai ni pyi, tinang a kasha ni hpe kaja ai kumhpa chye jaw myit yang gaw, dai hta grau nna sumsing lamu na Kawa gaw, shi e hpyi ai ni hpe dai Chyoi pra ai Wenyi jaw na n rai hka!” ngu nna tsun mu ai.

LUKA 11:13 ပူးပေါင်းရင်းမြစ်များ

NINGPAWT NINGHPANG 8:21

Dai hkungga a manam pyaw ai sangau gaw dai Madu hpe awng sharawng shangun nga ai rai nna dai Madu gaw, “Shinggyim masha e galaw ai amu a majaw, ginding aga hpe ngai galoi mung dagam kau na ni ai n rai; shi a myit mang ai lam ni gaw shi naw kaji nga ai aten kaw nna n shawp nga ai hpe ngai chye nngai. Ndai lang ngai galaw kau ni ai zawn asak rawng ai hkrung mahkrung ni yawng hpe ngai galoi mung bai jahten na ni ai n rai.

SHAKAWN KUNGDAWN 51:5

Ngai shangai wa ai shani kaw nna, ngai gaw n hkru n shawp nga nngai; nu a hkritung kaw nna pyi, ngai hta yubak kap nga ni ai.

GA SHAGAWP 1:23

Nang hpe ngai daru sharin ai shaloi, madat mara la u; nang hpe ngai mai kaja ai hpaji daw ga jaw nna, nye a machye machyang hpaji garan ya na we ai.

ESAIA 49:15

Dai rai nna dai Madu gaw, “Numsha gaw tinang a chyu chyu ai ma hpe malap kau nna shi shangai ai ma hpe n tsaw ra mai nga a ni? Kanu gaw tinang a kasha hpe malap kau tim pyi, ngai gaw nang hpe galoi mung malap kau na nngai n rai.

EZEKELA 36:27

Ngai gaw nanhte hta nye a wenyi bang ya na nngai, shaloi nanhte gaw ngai hkang da sai ga ni hpe shadik shatup nna nye a tara ni yawng hkan lu na rai myit dai.

YOELA 2:28

“Dai hpang, ngai gaw masha shagu a ntsa e nye a wenyi ru bun na nngai; na a shayi shadang sha ni nye a mungga hkaw tsun na mara ai; nanhte a dingla ni yup mang mu na mara ai; nanhte a shabrang ni shingran mu na mara ai.

MAHTE 5:16

Dai hte maren, masha ni gaw nanhte a kaja ai bungli ni hpe mu lu nna, sumsing lamu e nga ai nanhte a Kawa hpe shagrau sha-a mu ga, shanhte a man e nanhte a nhtoi hpe htoi tu shangun lu na rai myit dai.

MAHTE 5:45

Shing rai yang gaw, sumsing lamu e nga ai nanhte a Kawa a kasha ni nanhte tai na marin dai; hpa majaw nga yang, shi gaw n kaja ai ni hte kaja ai masha ni a ntsa e maren sha shi a jan hpe shi mai ya nga ai rai nna, kaja ai galaw ai ni hte n kaja ai galaw ai ni a ntsa e marang jahtu ya mu ai.

MAHTE 6:14

“Nanhte gaw masha ni nanhte hpe shut hpyit ai mara ni hpe raw kau ya myit yang gaw, sumsing lamu na nanhte a Kawa mung, nanhte a mara ni hpe raw kau ya na myit dai.

MAHTE 6:30

Karai Kasang hta kam sham ai myit n law ai masha baw e! Dai ni nga nna, hpawt de wan mang hta kabai bang kau ai nam na tsingdu hpe pyi Karai Kasang shing rai jahpun da ai rai yang gaw, dai hta grau nna nanhte hpe jahpun na myit dai n rai ni?

MAHTE 6:32

Ndai lam ni gaw Karai Kasang hpe n kam n sham ai tara maigan ni hta myit tsang ai lam ni rai nga malu ai. Ndai yawng mayawng hte hpe nanhte ra nga myit dai gaw, Sumsing lamu na nanhte a Kawa chye ya nga ai.

MAHTE 7:11

Nanhte zawn re ai n hkru n kaja ai ni pyi tinang a kasha ni hpe kaja ai kumhpa gara hku jaw na chye nga myit yang gaw, dai hta grau n-ga, sumsing lamu na nanhte a Kawa gaw, shi kaw hpyi ai ni hpe kaja ai kumhpa ni jaw na n rai hka!

LUKA 11:12

Shing n rai, u di hpyi yang, n-gaw gawk jaw na wu ni?

LUKA 11:2

Yesu gaw shanhte hpe, “Nanhte akyu hpyi yang ning ngu mu: ‘Wa e: Na a mying nsang chyoi pra nga lit ga; na a mungdan du wa ru ga.

LUKA 18:7

Karai Kasang gaw, shi hpe shani shana karum la na matu hpyi jahtau nga ai, shi a lata la ai amyu masha ni a maga de, tara n dara ya ai nga na wu ni?

YAWHAN 4:10

Shaloi Yesu gaw, “Karai Kasang jaw ya ai chyeju kumhpa hpe mung, nang kaw lu ntsin hpyi nga ai wa hpe mung, nang chye wu taw gaw, nang shi kaw hpyi nna, shi gaw nang hpe asak jahkrung ya ai ntsin jaw na nit dai,” ngu nna shi hpe htan wu ai.

KASA 2:38

Petru gaw shanhte hpe, “Nanhte langai hte langai tinang a yubak mara kaw na myit malai lu kayin wa nna nanhte a yubak raw dat kau ya u ga, nanhte hkum shagu Yesu Hkristu a mying nsang hta hkalup hkam la mu; shaloi Chyoi Pra ai Wenyi ngu ai Karai Kasang a kumhpaw kumhpa hpe nanhte lu la na marin dai.

ROMA 5:17

Masha langai mi tawt lai ai yubak mara a majaw si hkrung si htan up hkang ai lam hpe byin pru wa shangun ai gaw teng nga ai. Rai ti mung kaga masha langai mi ngu ai Yesu Hkristu galaw ai amu a majaw byin pru wa ai akyu gaw gade wa grau kaba nga a hka! Karai Kasang a n taw n tsang re ai chyeju hpe mung, Karai Kasang a man e ding hpring ai wa tai lu ai chyeju ahkaw ahkang hpe mung, hkam la lu ai ni nlang hte gaw Yesu Hkristu hta asak hkrung ai hte up hkang nga lu na mara ai.

ROMA 7:18

Nye a kraw e rai sa nye a shinggyim hkum shan myit hta kaja ai baw hpa n rawng li ai ngai chye nngai; hpa majaw nga yang mai kaja ai baw galaw mayu ai myit ngai hta rawng nga timung ngai dai hpe n galaw lu nngai.

ROMA 8:32

Kaja wa Karai Kasang hta dai hku n rai, shi a Kasha hpe pyi n lahpawt dum ai sha anhte mahkra a matu mara shagu hkungga di nna nawng kau ai Karai Kasang gaw nga manga hpe mung shi anhte hpe n jaw ai nga na a ni?

TITU 3:3

Hpa majaw nga yang, shawng de gaw anhte nan mung myit ngawk ai, n madat n mara ai hte shut hpyit lam dam ai ni rai ga ai. Anhte gaw ngang kayut ai hte pyaw daw kadaw ai lam amyu myu hkan galaw yu ai, de a mayam ni mung rai nga ga ai. Anhte hta galoi mung n ju n dawng ai hte manawn masham ai myit rawng nga mali ai hte, masha kaga ni anhte hpe n ju n dawng ma ai hte maren, anhte mung masha ni hpe n ju n dawng ga ai.