LUKA 10:42 - Jinghpaw Common Language Bible 2009

⁴² Rai ti mung, ra grau ai lam gaw langai sha rai nga ai, Mari gaw jaw ai lam lata la nu ai rai nna, dai hpe shi kaw na shaw la kau ya lu na n rai,” ngu nna shi hpe htan wu ai.

Jinghpaw Hanson Version Bible

⁴² rai timung, ra grau ai lam gaw langai sha she rai nga ai: Mari gaw kaja ai kumhtaw lata la nu ai rai nna, dai hpe shi kaw na shaw la kau ya lu na n rai,” ngu nna shi hpe htan wu ai.

LUKA 10:42 ပူးပေါင်းရင်းမြစ်များ

SHAKAWN KUNGDAWN 119:111

Na a hkang da ai tara ni gaw prat dingsa na nye a sut gan ni rai nga ai; dai ni gaw nye myit masin kabu gara ai lam rai nga ai.

SHAKAWN KUNGDAWN 119:173

Na a hkang da ai ga matsun ni hta ngai hkan nang nga nngai majaw, ngai hpe karum la na matu, tut nawng e, jin jin rai nga u.

SHAKAWN KUNGDAWN 119:30

Na a tara hpe madat mara na matu ngai lata la ni ai; na a tara dara ai lam ni hpe ngai madat hkam la ni ai.

SHAKAWN KUNGDAWN 142:5

Madu e, karum la na matu, ngai nang hpe jahtau nga nngai; Madu e, nang gaw ngai hpe makawp maga ai wa rai nga ndai; ndai asak hkrun lam hta, ngai ra ai lam yawng mayawng mung nang rai nga ndai.

SHAKAWN KUNGDAWN 17:15

Rai ti mung, ngai chyawm gaw shut hpyit ai amu hpa mung n galaw kau nga nngai majaw ngai nang hpe mu lu na ring ngai hte, ngai yup hprang wa ai shaloi, na a hpung shingkang gaw kabu gara ai hte ngai hpe jahpring ya na ra ai.

SHAKAWN KUNGDAWN 27:4

Ngai gaw ngai ra sharawng ai lam langai mi hpe dai Madu kaw hpyi se ai; dai gaw, ngai ahkrung nga dingsa dai Madu a nta hta shanu nga lu nna; shi a mai kaja ai lam hpe dai shara hta mu lu nga ai; shi a lam woi ai hpe hpyi lajin na matu chyu sha ngai ra nga nngai.

SHAKAWN KUNGDAWN 73:25

Sumsing lamu hta, nang hta kaga ngai kadai hpe Madu shatai na rai nga a ta? Nang nye a Madu rai nga yang, mungkan ga ntsa e, ngai hpa naw ra na rai nga a ta?

HPAJI NINGLI 12:13

Ya ndai lam yawng mayawng shapraw ngut ai hpang, tsun dan na lama mi sha nga sai: Karai Kasang hpe hkrit hkungga u, shi a hkang da ai lam ni hpe madat mara nga u, hpa majaw nga yang dai gaw anhte hpan da hkrum nga ga ai a lam madung rai nga ai.

MARKU 8:36

Bai, masha gaw ndai mungkan ting hpe madu lu da nna, tinang a asak wenyi sum mat a yang gaw, shi a matu hpa akyu nga lu ta?

LUKA 10:39

Dai numsha gaw, Mari ngu ai kanau langai mi lu ai, shi gaw dai Madu a lagaw nhpang e dung nga let, Madu a sharin shaga ai ga madat la nga ai.

LUKA 11:1

Lani mi na nhtoi hta, Yesu gaw shara mi hta akyu hpyi nga ai. Shi akyu hpyi ngut jang, shi a sape ni hta na langai mi gaw, “Madu e, Yawhan gaw shi a sape ni hpe akyu hpyi sharin ya ai zawn, anhte hpe mung sharin ya mi,” ngu nna shi hpe tsun wu ai.

LUKA 12:20

Rai ti mung, Karai Kasang gaw, dai wa hpe, ‘Masha angawk e! Dai na jang na a asak hpe dawm la kau ya na ra ai, dai rai nna, nang mahkawng shachyip da ai arai ni gaw gade a matu tai na rai ta?,’” ngu nna tsun wu ai.

LUKA 12:33

Nanhte lu ai arai ni yawng dut kau nna lu ai gumhpraw, matsan mayan ni hpe karan jaw mu, tinang a matu dingsa n chye ai gumhpraw jan galaw nna, lagut n du, manut e mung n jahten kau lu ai, sumsing lamu e n htum n wai chye ai sutgan kyem da nga mu.

LUKA 16:2

Dai majaw, sahti wa gaw, shi hpe shaga la nna, ‘Ngai na lu ai, na a lam gaw kaning re ai rai ta? Na a bungli hte seng nna, nye a sut rai ni hpe gara hku jai lang sai lam hkum tsup ai jahpan laika dan yu rit, hpa majaw nga yang, ya kaw nna hpareng amu nang galaw lu na nit dai n rai,’ ngu wu ai.

LUKA 16:25

“Shaloi Abraham gaw, Sha e, nang gaw naw hkrung nga ai aten hte yang, na a ngamu ngamai ai yawng hkam la lu nit dai hpe mung, Lazaru gaw dai ten hte yang, tsin-yam tsindam hkrum nga ai mung, dum nga u; ya gaw shi nang e pyaw pyaw ningngai nga nu ai, nang mahtang gaw nji nmu hkrum nga lit dai.

LUKA 18:22

Yesu gaw dai ga na jang, “Lam langai mi nang naw galaw ra nga ndai, nang lu malu dut kau nna matsan mayan ni hpe garan jaw u; shing rai jang she sumsing lamu ntsa e nang sutgan lu na rin dai, dai hpang ngai kaw hkan nang rit,” ngu nna shi hpe tsun wu ai.

LUKA 8:18

“Dai re ai majaw, nanhte gara hku madat la myit dai hpe sadi nga mu; hpa majaw nga yang, lu ai wa kadai hpe mung, naw jat jaw na ra ai; n lu ai wa kaw na chyawm gaw, shi lu dum ai kachyi mi hpe pyi naw shaw la kau ya na ra ai,” ngu mu ai.

YAWHAN 11:1

Behtani mare hta nga ai Lazaru mying ai masha langai mi machyi nga ai. Behtani mare gaw Marhta, Mari, Lazaru shan nau ni nga ai mare rai nga ai.

YAWHAN 11:19

Yuda masha ni law law wa Marhta yan Mari a kayung wa Lazaru si mat ai majaw sa shalan na matu sa du ma ai.

YAWHAN 12:3

Shaloi Mari gaw grai hpu la ai Mura Nardu sau ajet hkan masum daram la nna, Yesu a lagaw hta chya nhtawm, shi a kara hte katsut kau ya wu ai.

YAWHAN 17:3

Htani htana asak ngu ai chyawm gaw, langai sha rai nga ai, teng man ai Karai Kasang hpe mung, nang shangun dat ai Yesu Hkristu hpe mung, chye chyang lu ai hpe ngu ai rai nga ai.

YAWHAN 4:14

Rai ti mung dai ngai jaw na ngu ai ntsin lu ai wa kadai mung galoi mung hpang bai gara na n rai. Ngai shi hpe jaw ai ntsin gaw, dai wa kata hta asak hka hpawk tai na ra ai, dai gaw shi hpe asak jahkrung ya ai ntsin jaw na wu ai rai nna shi hpe htani htana asak lu la shangun wu ai.

YAWHAN 5:24

Ngai nanhte hpe teng teng tsun made ga, nye a ga madat mara nna ngai hpe shangun dat ai wa hpe kam sham ai wa kadai mung, htani htana asak lu la wu ai. Shi gaw tara daw dan ai n hkrum ai sha, si ai kaw na asak hkrung ai de kawt lai wa ai wa rai nga ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.

1 KORINHTU 13:3

Ngai lu ai nye a arai yawng hte hpe ngai gam kau nna nye a hkum hpe nat kau na matu ap kau rai ti mung, tsaw ra ai myit n rawng yang gaw, ngai hta hpa akyu nga na n rai.

GALATI 5:6

Kaning rai nme law, anhte gaw Hkristu Yesu hta e rai nga ga yang gaw, matu gadoi hkam ai n hkam ai ngu ai gaw hpa ahkyak n rai nga ai; ra ahkyak ai lam gaw tsaw ra myit dan dawng hkra amu galaw ai dai makam masham she rai nga ai.

TARA JAHPRANG 30:19

Ngai gaw nanhte hpe asak hkrung lam hte si hkrung si htan lam, Karai Kasang a chyeju hte Karai Kasang a dagam dala lam hpe lata la na lam, jaw ya nga nngai. Dai rai nna shing re ai lam hpe lata la nna sumsing lamu hte ginding aga hpe sakse da ya nngai. Dai majaw asak hkrung lam hpe mahtang lata la mu.

YAWSHU 24:15

Nanhte shi hpe daw jau na n ra sharawng myit yang chyawm gaw Mesopotamia mung e nanhte a nji nwa ni nawku ai hpara ni, shing n rai ya nanhte nga nga ai mung na Amori hpara ni hta gara hpe mahtang jaw jau na gaw, dai ni jang daw dan la mu. Ngai hte nye a nta masha ni chyawm gaw dai Madu hpe nawku daw jau na ga ai law,” ngu nna tsun wu ai.

YAWSHU 24:22

Yawshu gaw shanhte hpe, “Dai Madu hpe daw jau na matu nanhte nan lata la manit dai gaw, nanhte nan sakse ni rai nga manit dai,” ngu nna tsun wu ai. Shanhte mung, “Rai sa, anhte hkum nan sakse ni rai nga saga ai,” ngu nna bai tsun ma ai.