LUKA 10:41 - Jinghpaw Common Language Bible 2009

⁴¹ Dai Madu gaw, “Marhta, Marhta, nang gaw amu law law a majaw, myit ru nna tsang nga ndai.

Jinghpaw Hanson Version Bible

⁴¹ Shaloi dai Madu gaw, “Marhta, Marhta, nang gaw amu lam law law a majaw myit ru nna tsang nga ndai:

LUKA 10:41 ပူးပေါင်းရင်းမြစ်များ

HPAJI NINGLI 6:11

Aten na na dangrang hkat magang akyu n rawng ai baw law jat magang rai nna nang gaw mai kaja nga ndai n rai.

MARKU 4:19

Rai ti mung dinghta asak hkrung lam a myit ru myit tsang ai lam, sutgan ra marin ai lam hte kaga ra sharawng ai lam ni dumbru shang wa nna dai mungga hpe lim kau ai majaw asi n si lu ai.

LUKA 10:38

Ya, Yesu hte shi a sape ni sa wa nga ma yang, kahtawng langai mi de du nna, Marhta ngu ai numsha langai mi, shi a nta hta shi hpe hkap hkalum la wu ai.

LUKA 10:40

Marhta chyawm gaw galaw jaw ai amu law law a majaw myit kyin dum nga ai, dai rai nna shi sit sa nhtawm, “Madu e, nye a kanau gaw, galaw jaw ai amu hta ngai hpe hkrai sha rap di da ai hpe, nang hpa n nawn ya n ni? Ngai hpe sa karum na, shi hpe tsun ya e,” ngu wu ai.

LUKA 12:22

Dai hpang Yesu gaw sape ni hpe, “Dai re ai majaw, ngai nanhte hpe tsun made ga, hpa lu hpa sha na nga nna asak a matu, hpa bu hpa hpun na nga nna hkum hkrang a matu hkum tsang nga myit.

LUKA 21:34

“Nanhte gaw, lu lai, sha lai, chyaru nang ai, dinghta asak hkrung lam a matu myit ru myit tsang ai lam ni hte nanhte hpe n ka-up dang kau u ga, sadi hte nga nga mu. Dai n rai yang, dai tara dawdan ai nhtoi gaw mahkam htim ai zawn nanhte a ntsa e akajawng sha dan pru na ra ai.

LUKA 8:14

Ju sumwum ni hta hkrat ai nli tum ni gaw, mungga na la ai hpang aten na mat wa ai shaloi, ndai prat na myit ru myit tsang lam ni, sut lu sut su lam ni, pyaw daw tam ai lam ni hpring chyat bang wa nna lim kau ai majaw, ja kat ai asi galoi mung n si ai hte bung ai ni hpe ngu ai rai nga ai.

YAWHAN 11:1

Behtani mare hta nga ai Lazaru mying ai masha langai mi machyi nga ai. Behtani mare gaw Marhta, Mari, Lazaru shan nau ni nga ai mare rai nga ai.

YAWHAN 11:5

Yesu chyawm gaw Marhta yan Mari hte shan a kayung Lazaru hte hpe tsaw ra wu ai.

YAWHAN 12:2

Shaloi shanhte gaw shi hpe shana shat daw jaw mu ai rai nna, Marhta gaw shat lu sha jau nga ai; Lazaru gaw Yesu hte rau dung nga nna lu sha ai ni hta lawm ai wa langai mi rai nga ai.

HPILIPI 4:6

Hpa lam hta mung myit hkum ru hkum tsang nga myit; lam shagu hta akyu hpyi nna tawng ban ai hte chyeju dum ai myit masin hte shakawn kungdawn let nanhte a ra mara hpe Karai Kasang kaw shana ya mu.