LUKA 10:40 - Jinghpaw Common Language Bible 2009

⁴⁰ Marhta chyawm gaw galaw jaw ai amu law law a majaw myit kyin dum nga ai, dai rai nna shi sit sa nhtawm, “Madu e, nye a kanau gaw, galaw jaw ai amu hta ngai hpe hkrai sha rap di da ai hpe, nang hpa n nawn ya n ni? Ngai hpe sa karum na, shi hpe tsun ya e,” ngu wu ai.

Jinghpaw Hanson Version Bible

⁴⁰ Marhta chyawm gaw galaw jaw ai amu law law a majaw myit kyin dum nga ai: dai rai nna shi sit sa nhtawm, “Madu e, ngai nau gaw galaw jaw ai amu hta ngai hpe hkrai sha rap di da ai hpe, nang hpa n nawn ya n ni? ngai hpe karum na, shi hpe tsun dat ya e,” ngu wu ai.

LUKA 10:40 ပူးပေါင်းရင်းမြစ်များ

MAHTE 14:15

Ya shana de du yang, sape ni shi kaw sit sa wa nna, “Ndai shara nam mali rai nga ai hte, ahkying mung grai lai wa sai; shawa masha ni kahtawng hkan e sha hpa sa tam mari sha mu ga, shanhte hpe shabawn dat mu,” ngu mu ai.

MAHTE 16:22

Dai rai nna Petru gaw, Yesu hpe shaga la nna, “Dai nang hta n byin u ga,” ngu nna shi hpe jet kau wu ai.

MARKU 3:21

Masha nkau mi, “Yesu myit n gring mat sai!,” nga nna tsun shajang nga ma ai hpe shi a nta masha ni na ma ai shaloi, shanhte shi hpe woi la nna gawn lajang na matu pru sa wa ma ai.

LUKA 10:38

Ya, Yesu hte shi a sape ni sa wa nga ma yang, kahtawng langai mi de du nna, Marhta ngu ai numsha langai mi, shi a nta hta shi hpe hkap hkalum la wu ai.

LUKA 10:41

Dai Madu gaw, “Marhta, Marhta, nang gaw amu law law a majaw, myit ru nna tsang nga ndai.

LUKA 12:29

“Dai majaw nanhte hpa lu hpa sha na, ung ang ai myit hkum rawng myit:

LUKA 9:55

Yesu gaw kayin nna shan hpe daru kau mu ai.

YAWHAN 11:1

Behtani mare hta nga ai Lazaru mying ai masha langai mi machyi nga ai. Behtani mare gaw Marhta, Mari, Lazaru shan nau ni nga ai mare rai nga ai.

YAWHAN 11:5

Yesu chyawm gaw Marhta yan Mari hte shan a kayung Lazaru hte hpe tsaw ra wu ai.

YAWHAN 12:2

Shaloi shanhte gaw shi hpe shana shat daw jaw mu ai rai nna, Marhta gaw shat lu sha jau nga ai; Lazaru gaw Yesu hte rau dung nga nna lu sha ai ni hta lawm ai wa langai mi rai nga ai.

YAWHAN 6:27

Hten bya yat mat chye ai lusha a matu hkum shaja myit, de a malai htani htana asak lu la shangun ai n hten n yat lu ai lusha a matu she shaja mu. Dai gaw dai Masha Kasha nanhte hpe jaw na ra ai lusha rai nga ai, hpa majaw nga yang, dai wa gaw Karai Kasang a myit hkrum masat masa galaw ai lam lu la ai wa rai nga ai,” ngu nna htan mu ai.