LUKA 10:32 - Jinghpaw Common Language Bible 2009

³² Dai hte maren, Lewi masha langai mi mung, dai yang du nna, dai wa hpe mu jang, koi kau da wu ai.

Jinghpaw Hanson Version Bible

³² Dai hte maren Lewi masha langai mi mung, dai yang du nna, dai wa hpe mu jang, koi kau da wu ai.

LUKA 10:32 ပူးပေါင်းရင်းမြစ်များ

SHAKAWN KUNGDAWN 109:25

Masha ni ngai hpe mu ma ai shaloi shanhte ngai hpe mani asawng nga ma ai; shanhte gaw n kaw n law re ai hku nna, shanhte a baw ni hpe kanga dan ma ai.

GA SHAGAWP 27:10

Na a jinghku ni hte na nwa a jinghku ni hpe hkum malap kau et, nang ru yak hkrum nga ai rai yang, nang hpe karum la na matu na a hpu nau wa kaw karum, hkum sa hpyi et; Makau e sha nga nga ai htingbu wa gaw tsan tsan e nga ai kahpu kanau hta, nang hpe grau lu karum nga ai.

ESAIA 58:7

Na a lusha hpe kawsi kyet ai wa hpe karan ya u, dum nta n lu ai matsan mayan masha ni shang wa lu mu ga, na a nta ni hpe hpaw tawn u. Bu hpun na hpa mung n lu ai ni hpe hpun palawng jaw u, na a makyin jinghku ni hpe karum na hkum ningdang et.

LUKA 10:31

Shaloi hkinjawng langai mi dai lam hku lai yu wa hkrup nna, dai wa hpe mu jang, koi kau da wu ai.

LUKA 10:33

Rai ti mung, Samari masha langai mi mung, dai lam hku hkawm sa wa yang, dai wa kaw du nna, shi hpe mu jang, matsan yu dum ai myit hte sit sa wu ai.

KASA 16:28

Rai ti mung Pawlu gaw, “Nang dai, na a hkum hpe hkum shaza et, anhte yawng ahkum, ara rai nga ga ai law!,” ngu nna aja awa jahtau tsun wu ai.

KASA 18:17

Shaloi shanhte nlang tara jawng agyi wa Sosteni hpe rim la nna tara tingnyang a man e anu kayat kau mu ai. Galio chyawm gaw, dai lam hpe hpa mung n nawn ya mu ai.

2 TIMOHTI 3:2

Masha ni gaw tinang a akyu tam ai, nam mak lawhpa, shakawng shakat ai, myit tsaw myit dap gumrawng ai ni rai na mara ai. Shanhte gaw roi asawng ga tsun ai ni, kanu kawa ni hpe gumlang ai ni, chyeju n chye dum ai ni, nawku makam masham kata ai ni rai na mara ai.